InfoHub Logo

Taqyryby: «Memlekettik rámizder – ulttyq maqtanysh»
Maqsaty: Oqýshylardy adamgershilikke, patrıottyqqa tárbıeleý.
1. Oqýshylardy otansúıgishtikke, memlekettik rámizderdi qasterleýge, olımpıada júldegerlerin qurmet kórsetip, maqtanysh etýge tárbıeleý.
2. Oqýshylarǵa Qazaqstan Respýblıkasynyń bas qalasy - Astana, jalpy rámizder týraly maǵlumattar berý.
3. Astana qalasy, memlekettik rámizder, olımpıada týraly baıandaý arqyly
oqýshylardyń patrıottyq sezimderin, tanymdyq qabiletterin damytý, sportqa degen súıispenshilikterin arttyrý.

Kórnekilikter: Qazaqstan Respýblıkasynyń týy, eltańbasy, ánurany, Astana qalasy, HHH olımpıada oıyndarynyń júldegerleriniń sýretteri.
Sabaqtyń túri: jańa bilim berý sabaǵy.

Sabaqtyń barysy:
İ. Uıymdastyrý kezeńi.
1. Psıhologıalyq daıyndyq. (Muǵalimniń quttyqtaý sózi)
Qurmetti oqýshylar, ata - analar, ustazdar! Sizderdi búgingi bilim kúnimen quttyqtaımyn. Denderirińizge saýlyq, bastaryńyzǵa baılyq, balalaryńyz elimizdiń bilimdi, tárbıeli azamaty bolýǵa tilektespin. Al oqýshylarymdy jan - jaqty damyǵan, úlgili, bilimdi, erteńgi bolashaqqa zor senimmen qaraıtyn azamat bolýlaryńdy tileımin.
- Balalar kózderińdi jumyp bir - birlerińe jaqsy tilekterińdi aıtyńdar.
( oqýshylar óz tilekterin aıtady)

Muǵalim: 1 - qyrkúıek bilim kúni. Adamǵa til, qulaq qandaı kerek bolsa, bilim de sondaı kerek. Sonda ǵana seniń ol eń jaqsy dosyń ǵana emes, ómirińniń aqyryna deıin senimdi serigiń bolady.
İİ. Negizgi bólim
1. Asyl uıam – mektebim
- Asyl uıa mektepterińe qandaı sezimmen keldińder?
(Suraqtar qoıylyp oqýshylar óz oılaryn, pikirlerin aıtady.)

Muǵalim: Al qane balalar, Otan degen ne? Ony qalaı túsinesińder?
Oqýshy: Otan - degenimiz adamnyń týyp ósken jeri, týǵan - týysqandarymen, jaqyndarymen birge turatyn ata mekeni. qazaq elinde turatyn adamdardyń Otany - Qazaqstan Respýblıkasy.
- Al balalar táýelsizdigimizdi alǵannan beri respýblıkamyzda qandaı
ózgerister bolyp jatyr?
- Qandaı meıramdy toıladyq?
- Qazaqstan Respýblıkasynyń Konstıtýsıasy qashan qabyldandy?
(suraqtarǵa jaýap beredi)
Qazaqstan Respýblıkasynyń Konstıtýsıasy kúni 1995 jylǵy
30 tamyzda qabyldandy.
- Endi búgingi taqyrybymyz «Memlekettik rámizder – ulttyq maqtanysh»
degendi qalaı túsinesińder? (óz oılaryn aıtady.)
Muǵalim: Egemendigimizdiń belgileriniń biri – memlekettik rámizder. «Qanshama ǵasyr ómir súrse bul qazaq, sonsha ǵasyr umtyldy ǵoı eldikke»- dep Tóle bı babamyz aıtqandaı egemendi el atandyq. Mine, endi óz Ánuranymyz, Eltańbamyz, Týymyz bar. Halqymyzdyń eńsesi joǵary.

Oqýshylar oryndarynan turyp Ánurandy oryndaıdy.

Respýblıkalyq referendýmda qabyldanǵan Q. R - nyń Konstıtýsıasy referendým nátıjeleri resmı túrde jarıalanǵan kúnnen bastap burynǵy kúshine enedi, sol mezgilden bastap burynǵy Q. R. Konstıtýsıasynyń kúshi joıylady.
Qajet bolǵan jaǵdaıda elimizdiń zań shyǵarýshy organy Parlament ózgertýler men tolyqtyrýlar engize alady.
Konstıtýsıa – elimizdiń basty qujaty. Bul bizdiń quqyqtarymyz ben múmkindikterimiz jaıly baıypty da parasatty kitap. Konstıtýsıany muqıat oqyp úırengen jón. Óıtkeni onda jazylǵan zań talaptaryn ózimizde baıqaı bermesten, kún saıyn qoldanyp otyramyz.

Qalaı oılaısyńdar, Ata Zań ne úshin kerek? (Óz oılaryńdy qaǵaz betine sýret salyp kórsete qoıyńdar)
Qazaqstan Respýblıkasy Konstıtýsıasynyń keıbir baptaryna toqtala ketsek:
7 - bap. Q. R - nyń memlekettik tili – qazaq tili.
9 - bap. Q. R - nyń nyshandary - Týy, Eltańbasy, Ánurany bar.
15 - bap. Árkimniń ómir súrýge quqyǵy bar.
24 - bap. Árkimniń eńbek etý, kásip pen qyzmet túrin erkin tańdaý quqyǵy bar.
29 - bap. Q. R - nyń azamattarynyń densaýlyǵyn saqtaýǵa quqyǵy bar.
30 - bap. Tegin orta bilim alýyna kepildik beredi. Orta bilim alý mindetti.
36 - bap. Q. R - nyń qorǵaý - onyń árbir azamatynyń qasıetti paryzy jáne mindetti.
Konstıtýsıa degen sózden kim kóp sóz shyǵarady?
M: ( on, tý, sıa, sý, ton, t. s. s)

Muǵalim:
- Qazir «Kim jyldam» oıynyn oınaımyz.
Otan týraly kim kóp maqal - mátelder biledi? Men maqaldyń basyn aıtamyn, sender jalǵastyrasyńdar.
Otan - eldiń anasy
El -(erdiń anasy)

Týǵan jerdeı jer bolmas,
(Týǵan eldeı el bolmas).
Otandy súıý -(otbasynan bastalady)

Otan ottan da (ystyq)

Pálen jerde altyn bar
(Óz jerińdeı qaıda bar)

Otansyz adam -( ormansyz bulbul)

Otan úshin kúres
(Erge tıgen úles)

El ishi - (altyn besik)
Maqal - máteldi kóp aıtqan oqýshy jeńimpaz atanady.

Muǵalim: Osy jaz senderge qandaı áser qaldyrdy?
HHH olımpıada oıyndary týraly ne bilesińder? Júldegerleri kimder?
( muǵalim ózi tolyqtyryp ketedi)
- Senderge sporttyń qaı túri unaıdy? Nelikten? ( sportpen aınalysýdy tańǵy jattyǵýdan bastaýymyz qajet)

Muǵalim:
- Balalar, mysaly senderge shet elden qonaqtar keldi. Sender sol qonaqqa bizdiń elimizdi sýret salý arqyly qalaı tanystyrar edińder?

Oqýshylar: ózdikterinen shet elden kelgen qonaqqa qalaı tanystyratyndaryn sýretke salady. Birinshi jeke, juppen, toppen jumys jasap, 1 spıker qorǵap shyǵady.

Sonymen qoryta kelgende ózimizdiń jerimizdi, rámizderimizdi, Otanymyzdy qurmetteýge jáne patrıottyq sezimimizdi nyǵaıta túsýge tyrysaıyq. Týǵan jer degen kıeli uǵymdy ár qazaqstandyq qurmet tutýǵa, ony qasterleýge mindetti ekenin umytpaıyq. «El erimen maqtanar, jer kenimen maqtanar» degen, elimizdi qorǵar er – azamattar, asyl urpaqtar, tárbıeli ul - qyzdar molaıa bersin.

Ata Zań.
Ata zańym, altyn zańym - ardaǵym,
Aıalaǵan azamattyń armanyn
Jol bastaıdy bolashaqqa jasampaz,
Árbir babań, taraýlaryń, tarmaǵyń - degendeı tárbıe saǵatymyzdy qorytyndylaıyq.