InfoHub Logo

Taqyryby: Alýan-alýan kásip bar, tańdaı bil de, talap qyl
Maqsaty: oqýshylarǵa mamandyqtyń túrleri, olardyń adam ómirindegi mańyzy týraly túsinik bere otyryp, óz beıimine sáıkes mamandyq tańdaı bilýine yqpal jasaý; oqýshylardyń qoǵamǵa degen azamattyq pozısıasyn qalyptastyra otyryp, otansúıgishtikke tárbıeleý, kásibı baǵdar berý; túrli jattyǵýlar arqyly tanym prosesterin damytý, óz pikirin erkin aıtyp, ózgeniń pikirin syılaı bilýge, júıeli oılaýǵa baýlý.
Kórnekiligi: ınteraktıvti taqta, slaıdtar
Ádisi: trenıńter, áńgimeleý, suraq-jaýap, toptyq jumys
Barysy
İ. Kirispe.
Uıymdastyrý kezeńi. Sálemdesý, oqýshylardy sabaqqa daıyndaý.
İİ. Negizgi bólim
1. Trenıń.
– Balalar, búgingi sabaǵymyz oıdaǵydaı ótý úshin, qol ustasyp alaqan jylýymyzdy sezinip,, bir-birimizge kóterińki kóńil kúı syılaıyq. Jáne janymyzdaǵy adamnyń esimine sol áripten bastalatyn bir ádemi syn esim qosyp aıtaıyq
Sharty: bir sóz ekinshi qaıtalanbaýy tıis.
Mysaly:-Aqyldy Aıjan-Armanshyl Aıdos t. s. s.

2. Taqyrypqa kirispe.
Muǵalim: Balalar, jeltoqsan aıynda qandaı merekelerdi atap óttik?
- Elimizde bilim alýǵa, eńbek etýge qandaı jaǵdaılar jasalýda?
- «Bolashaq», «Jasyl el», «Jastar-Otanǵa», «Dıplommen-aýylǵa», «Jastar tájirıbesi», «Jas mamandar qory» memlekettik baǵdarlamalary júzege asyrylýda. Bizdiń elimizde eńbek etýge, bilim alýǵa barlyq jaǵdaı jasalǵan. Osy oqý jylynyń basynda Elbasynyń «Nazarbaev Ýnıversıtetinde» oqyǵan «Qazaqstan bilim qoǵamy jolynda» atty leksıasy da sonyń aıǵaǵy.
Leksıadan úzindi tyńdaý (vıdeo)
Onda «Zamanaýı álemde eldiń qýaty eń aldymen azamattarynyń bilimimen ólshenedi» degen edi N. Á. Nazarbaev. Jastar máselesi únemi Elbasy nazarynda.
«2012 jyly 161 myń jas qazaqstandyq orta mekteptiń 11 synybyn bitirdi. Olardyń 43 myńy kásiptik kolejderge tússe, 93 myńy joǵary oqý oryndaryna qabyldandy. 28 myń adam tehnıkalyq jáne kásibı bilimsiz eńbek narqyna kirgendi jón kórip, ne kolejge, ne ýnıversıtetke túsken joq. Bul kategorıaǵa mamandyq alý barǵan saıyn qıyndaı túsetin bolady. Mamandyqsyz jaqsy jumys pen eńbekaqyǵa ıek artý múmkin emes.» delingen Elbasymyzdyń «Jas Otan» jastar qanatynyń İİ seziniń ashylýynda sóılegen sózinde.

Muǵalim: Endeshe, el bolashaǵynyń baıandy bolmaǵy basta bulyqsyǵan bilim men qolda oınaǵan eńbekke baılanysty. Biz elimizdiń ǵylymy men tehnologıasynyń damýyna, «Qazaqstan-2050» Strategıasynyń júzege asyrýǵa úlesimizdi qosý úshin bolashaq mamandyǵymyzdy durys tańdaı bilýimiz kerek eken. Búgingi tárbıe saǵatymyzda biz mamandyqtar týraly sóz qozǵaımyz.

Taqyryby: «Alýan-alýan kásip bar, tańdaı bil de, talap qyl» dep atalady.
Sabaǵymyzdyń maqsaty: mamandyqtyń túrleri, olardyń adam ómirindegi mańyzy týraly túsinik bere otyryp, óz beıimine sáıkes mamandyq tańdaı bilýine yqpal jasaý;
oqýshylardyń qoǵamǵa degen azamattyq pozısıasyn qalyptastyra otyryp,
otansúıgishtikke tárbıeleý, kásibı baǵdar berý; túrli jattyǵýlar arqyly tanym
prosesterin damytý, óz pikirin erkin aıtyp, ózgeniń pikirin syılaı bilýge, júıeli
oılaýǵa baýlý.