InfoHub Logo

Tárbıe saǵatynyń taqyryby: «Men – egemendi eldiń bolashaǵymyn»
Tárbıe saǵatynyń maqsaty: Bilimdilik: Oqýshylardyń boıynda ulttyq rýhty, patrıottyq sezimderdi uıalatý, óz Otanyn, elin súıýge, memlekettik rámizderin qasterleýge, memlekettik tilin qurmetteýge, óz ultyn janyndaı súıetin sanaly, bilimdi, isker azamat qalyptastyrý.
Damytýshylyq: Oqýshylardyń sóıleý mádenıetin, syn turǵysynan oılaý, zertteý daǵdylaryn, óz oıyn ortaǵa salý daǵdylaryn jetildirý.
Tárbıelik: Oqýshylardyń jeke basyndaǵy patrıottyq sezimdi, otansúıgishtik qasıetterdi qalyptastyrý. Elimizdiń bolashaǵy jas óspirimderdiń Otan aldyndaǵy boryshyn óteýge tárbıeleý.
Tárbıe saǵatynyń mindeti: Oqýshylar bir - birimen ujymdyq tapsyrma atqarý barysynda birlesip jasaýǵa úırenedi. Basqanyń pikirimen sanasý jáne óziniń oıyn anyq jetkizý.
Tárbıe saǵatynyń kórnekiligi: Patrıottyq úlgidegi beınematerıaldar Mýltımedıada daıyndalǵan slaıdtar.
Tárbıe saǵatynyń ádisi: dástúrli sabaq, áńgimeleý.
Tárbıe saǵatynyń barysy: Oqýshylardy topqa bólip uıymdastyrý, psıhologıalyq daıyndyq.

Tárbıe saǵatynyń jospary:
1 - bólim. Únsizdik sáti.
2 - bólim. Oı tolǵaý.
3 - bólim. «Bolashaq Jańaózen»
4 - bólim. Maqal - mátel saıysy.
5 - bólim. Shyǵarma. Otan ottan da ystyq

Kirispe: Qurmetti qonaqtar jáne oqýshylar!. Búgingi táýelsizdik merekesine arnalǵan «Men – egemendi eldiń bolashaǵymyn» atty tárbıe saǵatymyzdy bastaýǵa ruqsat etińizder.
Synyptaǵy oqýshylardy topqa bólý.
1 - top: Qazaqstan.
2 - top: Baıterek.
3 - top: Táýelsizdik.

İ Muǵalim sózi:
On altynshy jeltoqsan
On altynshy jeltoqsan -
Táýelsizdik alǵan kún.
Erekshe bop máńgilik
El jadynda qalǵan kún!» — deı kele, táýelsizdik jolynda talaı jandar qurban bolyp, elim dep eńirenip ótkeni belgili. Talaı qıyn - qystaý, qýǵyn - súrgindi ata - babalarymyz basynan keshti. San ǵasyrlar boıy ata - babalarymyz erkindik pen táýelsizdik tańyn ańsap kelgen. Allaǵa shúkir kóksegen armanǵa HH ǵasyrdyń sońyna qaraı qol jetkizdik.
«Jeltoqsan jeli» vıdeorolık
Endi, 1986 jylǵy alańda azattyq úshin alysqan jastarymyzǵa arnap bir sát únsizdik mınýtyn jarıalasaq.

II Muǵalim: Elimizdiń egemendik alýy halqymyzdyń tarıhynda jańa dáýirdiń betin ashty, búkil qoǵamdyq ómirimizge jańa lep, serpin ala keldi. Ol — barshamyz beıbit ómirde, erkindikti ańsaǵan aq nıet, aq tileýmen ózimiz tikken ortaq shańyraǵymyzdyń táýelsizdigi.
Táýelsizdik — teńdik, bostandyq, erkindik!
Oı tolǵaý. Oqýshylar, sender Qazaqstan jaıly, ıaǵnı elimiz týraly ne bilesińder sony orta salyp tyńdap kóreıikshi. Senderdiń pikirleriń durys bolsa, taqtada belgisiz turǵan sóz ashylady..
Jaraısyńdar balalar, senderdiń oılaryn óte durys. Jasyryn turǵan sóz qandaı eken? Árıne, elimizdiń astanasy Astana qalasy. Balalar sender Astana qalasy jaıly ne bilesińder? Oılaryńdy ortaǵa salyńdar.
Kelesi bólimimiz «Bolashaq Jańaózen» jobasy.
Oqýshylar «Bolashaq Jańaózen» taqyrybynda ózderiniń shyǵarmashy lyq oılaryńdy, qıaldaryńdy ortaǵa salyńdar. Iaǵnı, ol taqyryp negizinde sender bolashaqta óz qalalaryńa tıgizetin kómegińdi, damytý úshin qosatyn qarqyndy úlesińdi sýret salyp oryndańdar. Ýaqyt 10 mınýt sanaýly.
Bizdiń kelesi bólimimiz maqal - mátelder saıysyna kezek bersek.
Balalar sender toppen ózara aqyldasyp Táýelsizdik, Otan, erlik jaıly 5 maqal - mátel jazýlaryń kerek. Senderge 5 mınýt ýaqyt beremin.
Qazaqstan toby:…
Baıterek toby:…
Táýelsizdik toby:…
Jaraısyńdar balalar! Endigi senderdiń maqsattaryń mynaý bolmaq. «Otan ottan da ystyq» degen máteldiń negizgi mazmuny men ıdeıasyn túsinip, oılaryńdy ortaǵa sala otyryp, ár toptan bir shaǵyn shyǵarma jazýlaryń kerek. 5 mınýt ýaqyt beremin.

Qorytyndy.
Biz - táýelsiz qazaq eliniń eń jas ulanymyz. Sondyqtan óz jerimizdi, óz elimizdi, ákelerimiz ben atalarymyz sıaqty qadirleýge, súıýge, qorǵaýǵa tıis ekenimizdi esten shyǵarmaımyz. Keń baıtaq Qazaqstan – meniń týǵan ólkem, onyń asqar taýlary men aıdyn kólderi, jaıqalǵan ormany men jasyl jaılaýy – meniń aq besigim. Sondyqtan da men ony anamdaı súıemin.