InfoHub Logo

«Týǵan kúniń men Jer - Ana»
(ortańǵy top balalarymen ótkizilgen ekologıalyq merekeniń senarııi)
Maqsaty: Balalardyń ekologıalyq bilimin tereńdetý, tabıǵatty qorǵaýǵa, aıalaýǵa tárbıeleý, jerdegi barlyq tirshilik ıesine jaýapkershilik kózqarasyn qalyptastyrý.
Aldyn ala júrgizilgen jumystar: Ekologıaǵa baılanysty óleńder jattaý, tabıǵatqa arnalǵan jumbaqtar sheshý, ekologıa taqyrybyna baılanysty áńgimelesý, «Tabıǵattyń ǵajap kórinisteri» atty slaıd kórsetý, ósimdikter jáne janýarlar týraly ádebı shyǵarmalar oqý, ǵaryshpen tanystyrý, «Jer - Ana» taqyrybyna sýret kórmesin uıymdastyrý.
Kórnekilik: Jer maketi - Globýs, qoqysqa arnalǵan eki sebet, qoqys (taıaqshalar, qaǵazdar), 2 úlken dop, molbertter, A4 qaǵazy, pastel, túrli tústi qaryndashtar, túrli tústi borlar.
Keıipkerler: Júrgizýshi, Jer - Ana, Saıqymazaq Erkesh, Balalar.
Balalar jaı mýzyka áýenimen zalǵa kiredi.

Júrgizýshi balalar men birge
Armysyń, shapaǵatty kúnimiz!
Armysyń, meıirimdi jerimiz!
Armysyń, tabıǵat anamyz!
Keldi Sizge ózińizdiń balańyz.
Jarqyrap kúnde ashyldy,
Aınalaǵa gúl shashyldy
Qaıyrly kún!
Biz názik qyzdarmyz!
Qaıyrly kún!
Biz erjúrek uldarmyz!

Júrgizýshi: Tabıǵattyń úsh baılyǵy bar:
Sý, jer jáne aýa - jerdiń úsh mańyzdysy.
Qandaıda bir taýqymet bolsa da -
Olar bir bútin, bári qaıta jańarady.
Kún shapaǵaty bárine tógedi.
Bárimiz birge bolsaq - bul kúshpen, jaqsylyq.
- Balalar, Jer ǵalamy óziniń týǵan kúnine shaqyrdy. Jer kúnin jer sharyndaǵy adamzattyń barshasy ata ótedi. Osy kúni barlyǵy tal otyrǵyzýǵa, gúl egýge, qustarǵa uıa jasaýǵa, kóshelerdegi, saıabaqtaǵy qoqystardy jınaýǵa, sýqoımalaryn tazalaýǵa tyrysady. Adamdar óz úıin – jer sharyn saqtaýǵa jáne kórkeıtýge bar úlesin qosady. Balalar sender Jerdiń týǵan kúnine barǵylaryń kele me?
Balalar sheńber quryp áýen yrǵaǵymen, qımyldar arqyly qonaqqa bara jatqandaryn kórsetedi.
Balalardyń aldynan «Jer - Ana» shyǵady qolynda jer maketi bar.

Jer - Ana: Salamatsyńdar ma, balalar! Men senderdi kórgenime qýanyshtymyn.
Júrgizýshi: «Jer - Ana», balalar saǵan bos kelgen joq, árqaısysy saǵan arnalǵan quttyqtaý sózderin alyp keldi.
Balalar aldyn ala daıyndap vatmanǵa jazylǵan quttyqtaý sózin oqıdy.
«Qymbatty da súıkimdi jer!
Seni týǵan kúnimen quttyqtaımyz!
Bizder seniń ózenderine, saılaryn, ormandaryna,
Janýarlaryna, qustaryna, balyqtary men
Jándikterine densaýlyq tileımiz.
Ǵalamdardyń arasyndaǵy eń súıkimdi ǵalamshary bolýyna tilektespiz.
Seniń búgingi kóńil kúıin jaqsy bolady degen úmittemiz,
Al biz sendegi bar qoqysty jınaýǵa tyrysamyz.
Balalar: Bizder saǵan «Japyraqtar» atty bıimizdi syılaǵymyz kelip tur.
Jer - Ana: Rahmet, senderge balalar. Al, sender menimen oınaǵylaryń kele me?

Jer - Ana balalarmen oıyn uıymdastyrady.
• Jerde kimder ómir súredi? (Adamdar)
• Jerde neler ómir súredi? (janýarlar, jándikter, gúlder t. b.)
• Jerdiń astynda neler ómir súredi? (qurttar, kórtyshqandar, qońyzdar t. b.)
• Jerdiń ústinde neler ushady? (qustar men jándikter)
• Jer beti qaı mezgilde jaryq bolady? (kúndiz)
• Sý ne úshin qajet? (ishý, jýyný, ósimdikterdi sýarý úshin t. b.)
• Aýa ne úshin qajet? (tynys alý úshin)
• Aralar ne jınaıdy? (bal)