InfoHub Logo

Bilim berý salasy: «Densaýlyq». (prezentasıasymen)
Bólimderi: Ózin - ózi taný.
Taqyryby: Men elimniń kishkentaı azamatymyn.

Maqsaty: Balalardy Otanǵa degen maqtanysh, patrıottyq sezimin damytý. «Azamat» degen sózdiń tereń mánin túsindirip ótý.
Otandy súıý – ot basynan bastalady.
Otansyz adam, Ormansyz bulbul.
Kisi elinde sultan bolǵansha, Óz elińde ultan bol.
Maqaldardyń maǵynasyn talqylap, túsindirý, balalardyń pikirlerin tyńdaý.
Kórnekilikter: sýretter, qaryndashtar, aq qaǵaz, túrli - tústi qaryndash.
Kirispe:
Balalardyń nazaryn sabaqqa aýdarý.
Psıhologıalyq sát: Úlkenge de "SİZ",
Kishige de "SİZ".
Bar adamǵa qurmetpen,
Bas ıemiz biz!
Balalar shattyq sheńberinde kóńilderi kóterińki bolyp, sabaqqa zeıin qoıady.
Jańa sabaqpen tanystyrý.
Suraq - jaýap.
- Balalar «azamat» degen sózdi qalaı túsinesińder?
- «Azamat» qandaı bolý kerek dep oılaısyzdar?
- Taqtamen jumys: «Azamat» bolýdyń ósıetti sózderi bar eken, qane oqıyq: /slaıd arqyly kórsetý/
Bul sabaqta árbir azamattyń qandaı quqyǵy men mindeti bar ekendigin túsinemiz.
Azamattyń quqyǵy ǵana emes, azamattyq paryzy da bar.
Árbir azamattyń tólemaqysyz bilim alýǵa, dárigerge qaralýǵa, bir - birimen qarym - qatynas jasaýǵa t. s. s. quqyqtary bar eken.
Meniń atam aıtqandaı «... árbir azamattyń bir quqyǵy bolsa, eki mindeti bolady. Ol degenimiz: qazir bilim alyp oqysaq, erteńgi kúni biz birinshiden Qazaqstannyń naǵyz azamaty bolamyz, ekinshiden: ata - anamyz aldyndaǵy paryzymyzdy óteý kerekpiz. Bul ár azamattyń boryshy» degen sózi bartyn maǵan ósıet qylyp aıtyp ketken.
Biraq naǵyz azamat bolý ońaı emes eken. Ol úshin adamgershilik, jaýapkershilik, ádeptilik kerek.
Elińniń naǵyz azamaty bolý úshin Qazaqstannyń zańdaryn bilip, saqtaý kerekpiz. Bizdiń elde ár azamat on tórt jastan bastap istegen isine jaýapty bolady.
Mundaı zańdylyq bizdiń qazaq jerinde úlken synyptarǵa barǵanda «TARIH» sabaǵynan ótesizder, sonaý Áz Táýkeniń tusyndaǵy «Jeti jarǵydan» bastalǵan.
Ata zańyn ardaqtaı almaǵan azamat, eliniń de qadirine jete almaıdy.
Balalar jańa sabaqty tyńdaıdy.
Suraqtarǵa tolyq jaýap beredi.
Erejelerdi esinde saqtaıdy.
/Slaıd kórip shyqqannan keıin/
Sizder kishkentaı balapandar – elimizdiń bolashaǵysyzdar. «Sen de bir kirpish dúnıege, Ketigin tap ta bar qalan...» dep Abaı atamyz jyrlaǵandaı elin súıgen azamat bolýǵa sizder mindettisizder.
- Mine osy ósıetterdi este saqtaý ár kimge de qajet.
Al endigi tapsyrma, otan týraly maqal - mátelge kóńil aýdaraıyqshy:
Otandy súıý – ot basynan bastalady.
Otansyz adam, Ormansyz bulbul.
Kisi elinde sultan bolǵansha, Óz elińde ultan bol.
Maqaldardyń maǵynasyn talqylap, túsindirý, balalardyń pikirlerin tyńdaý.
Mine endi osynyń barlyǵyn biz kishkene júregimizge toqyp alsaq keleshekte jaqsy da senimdi Qazaq elimizdiń naǵyz "AZAMATTARY" bolarsyzdar dep úmittenem, maǵan bir oı keldi, sýretpen qalaı jetkizýge bolady dep oılaısyzdar?
Qorytyndylaý: suraq - jaýap, sýret taldaý.
Madaqtaý: Sabaqqa óte jaqsy qatysqan balalardy madaqtaý, sabaqty qorytyndylaý.

Kútiletin nátıje:
Neni bildi: «Azamat» sóziniń «salmaǵy» qandaı ekenin túsindi
Neni meńgerdi: Óz oıyn jetkize alady, tolyq jaýap bere alady.
Azamat bolý erejelerin meńgerdi.
Ómirde qoldana bildi.