InfoHub Logo

Taqyryby: «Men ǵajaıyppyn»
Maqsaty: Ustazdar arasyndaǵy psıhologıalyq ahýaldy nyǵaıtý. Sıtýasıadan shyǵa bilýge jáne ózin - ózi árdaıym kóterińki kóńil - kúıde ustaýǵa baýlý. Toptasyp jumys isteý júıesin ári qaraı damytý.
Qatysýshylar: muǵalimder
Jumys túri: toptyq jumys
Jospar:
1. Shattyq sheńberi "Shańyraq qurý"
2. «Minezimniń bir qyry» (kókónis pen jemis - jıdekter tańdaý)
3. «İzshil - zerttegish» jattyǵý.
4. «Ustazdardyń sezimine psıhologıalyq baqylaý» sýretti sóıletý.
5. «Tosyn syı» jaǵdaıattan shyǵý.
6. « Qorytyndylaý».
Trenıń erejesi:
1. Óz oıyn ashyq aıtý.
2. Ózgeniń pikirin qurmetteý.
3. Belsendi áreket etý.
4. Ýaqytpen sanasý.
İ. Shattyq sheńberi:
Sálemetsizder me, qymbatty ustazdar! Bizdiń kóbimiz shyǵarmashylyq tabystarǵa jetip, bıikterden kóringimiz keledi. Búgin men sizderdi shamaly demaldyryp, bir sát ózimizdiń jan dúnıemizge úńilip, «ǵajaıyp» sózin pedagogıkalyq turǵyda taldap kórsek degen oımen trenıń júrgizgeli otyrmyn.
Eń aldymen qolymyzdan ustap, shattyq sheńberine turaıyq. Men sizdermen kezdeskenime óte qýanyshtymyn! Qane, bárimiz bir - birimizdiń qolymyzdan ustap sheńber quraıyq. Osy dóńgelek sheńberdi nege shattyq, jylýlyq sheńberi dep ataımyz? Qalaı oılaısyzdar? Sheńberge turýdyń úlken bir qasıeti bar. Sheńberimiz — kóktegi jylý beretin kún sıaqty dóńgelek. Sheńberge turyp, bir - birimizdi jaqsy kóre alamyz, jaqsylyq pen jylýlyǵymyzdy syılaı bilýge úırenemiz. Mine, sondyqtan bul sheńberdi jylýlyq, shattyq sheńberi dep ataımyz. Endi bárimiz jaqsylyq tilep, shattana qýanyp, kúlkimizdi syılaıyq.
Shańyraq qurý
Dóńgelenip turaıyq,
Keregeni quraıyq,
Ýyqtar bop ıilip,
Shańyraqqa kıilip,
Kıiz úıdi quraıyq
İİ. «Minezimniń bir qyry»
«Ǵajaıyp» sózine anyqtama bar – bul «barlyq jaqsy qasıetterdi qamtyǵan, eń joǵarǵy qasıet». Endi osy qasıetti óz boıymyzdan izdep kórelik, ǵajaıyp bolmasa da, boıymyzda tań qalarlyq qasıet bar bolýy múmkin.
Ár adamnyń minezi jan dúnıesiniń aınasy,
Al árkim óz mineziniń qojasy.
Endeshe siz óz minezińiz jaıynda bilgińiz kele me?
Minezińizdiń bir qyryn bylaıda baıqaýǵa bolady eken. Bireýin tańdańyz.
1. Banan 7. Júzim
2. Almurt 8. Qyzanaq
3. Anar 9. Kıvı
4. Apelsın 10. Qurma
5. Mandarın 11. Qara órik
6. Alma 12. Shabdaly
13. Qıar
Endi muqıat qandaı minezde ekenińizdi qarańyz:
1. Banan - aýyr minezdi 7. Júzim – ańqaý
2. Almurt – qatty adam 8. Qyzanaq - uıalshaq
3. Anar - tózimdi 9. Kıvı - qydyrympaz
4. Apelsın - urysqaq 10. Qurma – kóp sóıleıtin
5. Mandarın - sabyrsyz 11. Qara órik - kekshil
6. Alma – ashyq minezdi 12. Shabdaly - aqyly azdaý
13. Qıar - kóp oılanbaıtyn
İİİ.«İzshil - zerttegish» jattyǵýy.(slaıd kórsetiledi)
Sizder jańa mektepke kirgenderińizge 3aı boldy. Qazir túrli suraqtar arqyly baıqaǵyshtyq deńgeıdi zertteımiz. Ár suraqqa neǵurlym tez jaýap berý kerek.
- Kireberis jerde qansha baspaldaq bar?
- Ekinshi qabatta qansha esik bar?
- Bizdiń mektepte qansha synyp bar?
AÁD páni muǵaliminiń aty - jóni?
- Mektep dırektorynyń jaqsy kóretin gúli?
- Kitaphanashynyń aty - jóni?
- Mektepte qansha psıholog jumys isteıdi?
- Bıologıa pániniń muǵalimine qandaı ıis sý unaıdy?
- Bastaýysh birlestik jetekshisiniń qansha madaqtama qaǵazy bar?
İÚ.«Ustazdardyń sezimine psıhologıalyq baqylaý».
Muǵalimderdi «Kishi býyn», «Orta býyn», «Joǵary býyn» tobyna bólý.
Úlestirmeli sýretter salynǵan paraqtar ár topqa taratylady jáne sol sýretke qarap, sýretti sóıletý kerek.
1 - tapsyrma: Aq qaǵazǵa syzylǵan tórtburysh ishinde qara núkte ornalasqan.
2 - tapsyrma: Onyń bolashaǵy da sonshalyqty jarqyn shýaǵyn tókken kún astyna ár ulttyń balalary qol ustasyp turǵany beınelengen.
3 - tapsyrma: Túngi aspan, jymyńdaǵan juldyzdar, jaryǵy sónbegen bir úı beınelengen.

Ú.«Tosyn syı» jaǵdaıattan shyǵý.
Úİ. Qorytyndy: Endi taqyrypqa keletin bolsaq,"ǵajaıyp"degen túsinik bir nárseniń bitkenin, bolǵanyn bildiredi. Biraq bizdiń jolymyz bitken joq, biz sizdermen árdaıym qozǵalystamyz. Kez kelgen maqsatqa jetkende bizdiń aldymyzdan jańalyqtar ashylady.
«Siz ǵajaıypsyz!» medaldaryn usyný.
Biz árqaısysymyz ǵajaıyp, qaıtalanbas tulǵamyz. Búgingi trenıńtiń aıaǵynda men sizderge «Siz ǵajaıypsyz!» medaldaryn usynǵym kelip otyr. Sebebi ǵajaıyp, jeke tulǵa ekenimizdi búgin kórsettik.
Asyl jandar ustazdar
Shyn sheberler ónerpazdar
Ár shákirttiń júreginde
Sol bir týdy jyǵyp almaı ustańdar - deı kele búgingi trenıń - sabaǵymdy aıaqtaımyn.
Qatysqandaryńyzǵa kóp rahmet!

Qaraǵandy oblysy, Jańaarqa aýdany,
Jańaarqa jalpy bilim beretin orta mektebiniń psıhology:
Eleýsızova Jazıra Alıbekovna