InfoHub Logo

Adam ómirindegi eń mańyzdylyǵy joǵary sheshimderdiń biri ol – mamandyq tańdaý. Óz qyzyǵýshylyqtaryń men júregiń qalaǵan  ispen ómirińdi baılanystyrǵanǵa ne jetsin? Abaı atamyz: «Sen de bul kirpish dúnıede, ketigińdi tap ta, bar qalan» demekshi, ár adam óz ómirinde ózine laıyqty ornyn taýyp, mansaptyq jolynda, ózge ge de qol ushyn tıgizýi kerek. Osyǵan baılanysty «bolashaqta kim bolamyn?» degen suraqqa kóp tolǵanamyn.

«Til jansyzdy jandandyrady, álsizge kúsh beredi, myqtyny oısyratady» degendeı, meniń bul mamandyqty tańdaýymnyń basty sebebi óz oıymdy aıqyn, ári naqty jetkize bilý. Mektep qabyrǵalarynda bolsyn, ómirde bolsyn ádiletsizdiktiń oryn alyp jatqanyn kórip, shyndyqty jaqtaıtyn adam tabylmaǵanyna qapalanatynmyn. Osydan keıin ózime maqsat qoıdym: tek qana ózimniń emes, halyqtyń, myqtylardyń, ıakı álsizderdiń bolsyn sózin qoldap, qorǵaı bilý. Alaıda, árıne mende mundaı oıǵa birden jetpedim. Qatelestim, qulap, súrindim. Biraq osy jolda meniń janymdy jylytatyn is  - aq qaǵaz betine óz oıymdy jazý. Ashshy bolsa da, shyndyqty qoldap, ádiletsizdikke jol bermeý.

Tilshiler basqa mamandyqtardan nesimen erekshelenedi degen suraqqa jaýap berer bolsam, meniń jaýabym mynadaı: menińshe, tilshiler memlekettiń saıası, ekonomıkalyq, áleýmettik ómirin tolyqtaı baqylap otyrǵanyna baılanysty halyq tarapynan týyndaıtyn túrli máseleler men problemalardy joǵarydaǵy adamdardyń qulaqtaryna «elshisi» retinde jetkize bilýimen dara.  Degenmen, jýrnalıs tek problemalardy ǵana aıtyp qoımaı, jaqsylyqtyń jarshysyna aınalady. Árdaıym túrli taqyryptardy qozǵaı otyryp, oı eleginen ótkizedi.

Endi jýrnalıs óz eńbegin sińirý úshin qandaı bolý qajet? Qoǵamǵa kerekti, atqarǵan jumysy arqyly ózgege úlgi bola biler kásibı maman ǵana bolyp qoımaı, shynshyl, ádil, ári saýatty bolýy kerek. Sol úshin, meniń oıymsha, talmaı eńbektený qajet.

Elbasymyz N.Á.Nazarbaev: «Jarqyn bolashaq-jastardyń qolynda» degendeı bizdiń bolashaǵymyz óz qolymyzda. Naǵyz tilshi ataný úshin bul jolda aıanbaı ter tógip, tarıhta óz izimdi qaldyrmasam da, halyq júreginde oıyp turyp mańyzdy oryn alatyndaı adam bolý úlken armanym. Al arman bolsa, adamnyń júregin baýlyp, úlken belesterge jetkizedi.

---