InfoHub Logo

«QYZYLORDA OIID EBQKB TARAPYNAN

JARIALANǴAN SAIYSQA»

  «Salaýatty ómirge keri yqpalyn tıgizetin jaǵymsyz áreket – ol nashaqorlyq»-, dep elbasymyz N.Á.Nazarbaev aıtqandaı «nashaqorlyq jáne esirtki» egiz uǵym. Bul adam balasynyń ózine jasaıtyn eń óreskel qastandyqtarynyń biri. Osy sózderdi estigende meniń oıyma dúnıejúzindegi qanshama derlik qasiret shegip, qor bolǵan tiri jan ıeleri kóz aldyma keledi. HHİ ǵasyrdyń qasiretine aınalǵan bul indetpen kúresý ár adamnyń paryzy dep esepteımin. Nashaqorlyq jáne esirtki uǵymdaryn estigen kezde men bizdiń bolashaǵymyzdyń qandaı bolatynyn elestetemin: aınala tolǵan temeki qaldyqtary, araqtyń bótelkeleri, qylmyskerler, tipti adamdar arasynda da saý adamdy tabý qıyn. Kóp adam  túbegeıli durys joldan taıyp, óz densaýlyqtaryn qurtqan, aýa da taza emes, qansha jerden aýa-raıy taza bolyp tursyn, biraqta nashaqor adamdardyń arasynda ózińdi jaqsy sezine almaısyń. Bizdiń bolashaǵymyz dál osyndaı bolýy múmkin.

            Saý adamdar qalaısha durys joldan taıady? Bul suraqtyń birneshe sheshimi bar. Adamdardyń durys joldan taıýynyń birinshi sebebi : jasóspirimderdiń aınalasyndaǵy adamdar. Bala qansha jerden ımandy bolsyn, biraq-ta onyń aınalasyndaǵy adamdar oǵan keri áserin tıgizedi. Sebebi, qoǵamymyzda qanshama adamdar osyndaı jolmen nashaqorlyq, esirtki satýshylyq jolǵa túsken. Sol sebepti de bizder aınalamyzdaǵy adamdardyń salaýatty durystyǵyna kóz jetkizýimiz kerek. Eger de bizdiń jaqynymyz durys joldan taıǵan bolsa, oǵan kómek berýimiz kerek nemese arany alys ustaý qajet. Al ekinshi sebebi : adamdardyń nashaqorlyqqa qyzyǵýshylyǵy, ıaǵnı, adamnyń temeki nemese esirtki zattaryn tutynyp kórgisi keletindigi. Adam balasy esirtki zattaryn qyzyǵýshylyqpen bir ret qoldanyp kórgennen keıin onyń qutylmas quryǵyna ilinip,temeki men esirtki zattaryna táýeldi bolyp qalady.

            Nashaqorlyq, esirtki jáne de osy isterge baılanysty bıznester tek bizdiń qoǵamnyń ǵana emes, búkil álemniń eń ózekti problemasy. Esirtki tutynýshy bar jerde qylmystyq ister de beleń alady. Kez-kelgen nashaqor adam qylmys jasaýǵa qushtar bolady. Esirtki adamnyń densaýlyǵyn ǵana emes psıhıkasyn da qurtady. Eger de biz nashaqorlyq jáne esirtki bıznesterin joısaq elimizdiń qylmystyq ister azaıyp, jarqyn bolashaǵy qaıta jandanady. Sonymen qatar, bul isimiz polısıa qyzmetkerlerine de jasaǵan úlken kómek bolary anyq. Sol sebepti biz nashaqorlyqqa jáne esirtki bıznesine qarsy jumystar júrgizýimiz qajet. Bul basty maqsat! Eger esirtki zattary satylmaıtyn bolsa qoǵamymyzda nashaqorlyq ta joıylady. Bul jumystardyń barlyǵy jarqyn bolashaqty qalyptastyrýǵa jaqsy áserin tıgizedi degen oıdamyn.Aldyńǵy býyn aǵa-ápkelerimniń sara jolymen júrip, keıingi býyn urpaqtarynyń dara jolǵa túsýine óz septigimdi tıgizý basty azamattyq boryshymnyń biri dep esepteımin...

            Qoryta aıtqanda, barlyq adam óz bolashaǵynyń jarqyn bolǵanyn qalaıdy. Sondyqtan biz «esirtki, nashaqorlyq» uǵymdaryn joıýymyz kerek. Men ómirdi qalaımyn!

Qyzylorda oblysy, Aral qalasy № 64 orta mektep

7 «b» synyp oqýshysy Alpamysova Aıdana

---