InfoHub Logo

Taqyryby: «Men - óz Otanymnyń patrıotymyn»
Maqsaty:
1) Oqýshylardy Otandy súıýge, qurmettep qasterleýge, óz elin, tegin tarıhyn bilýge tárbıeleý.
2) Oqýshylardyń tanym belsendilikterin, qyzyǵýshylyqtaryn damytý.
3) Oqýshylarǵa patrıottyq, estetıkalyq, adamgershilik tárbıe berý, óz oı - pikirin bildire alatyn oqýshylardy tárbıeleý.
Kórnekiligi: ınterbelsendi taqta
Barysy:
Uıymdastyrý.
- Amandasý. Qurmetti oqýshylar senderdi bilim kúni merekesimen quttyqtaımyn. Keshe ǵana kip - kishkentaı búldirshin edińder, endi mine kishkene bolsa da aqyldaryń tolyp, boılaryń ósip qalypty. Bıyl bastaýysh synyptyń sońǵy jylyna aıaq bastyńdar. Senderge osy jańa oqý jylynda ózderińdi bilim, óner, tárbıe jaǵynan ıaǵnı tek jaqsy qyrlaryńnan kórinýlerińe tilektespin. Jaqsy tárbıeli, óz elin otanyn súıý úshin adamnyń boıynda qandaı qasıetter bolý. Qazir men senderge áripter kórsetemin sender sol áripten bastalatyn jaqsy adam boıynan tabylatyn qasıetterdi aıtasyńdar.
P - atrıot, parasatty
A - qyldy,
T - talantty
R - rýhy bıik, raqymshyl
I - nabatty, ıbaly,
O - tansúıgish
T - árbıeli
- Balalar, qandaı sóz shyqty? Búgingi bizdiń tárbıe saǵatymyzdyń taqyryby «Men - óz Otanymnyń patrıotymyn» - dep atalady
Muǵalimniń kirispe sózi:
- Otan – ár adamnyń júregine jyly tıer qasıetti sóz. Otan – seniń týǵan eliń, týǵan jeriń, dos – jarandaryń, týǵan týysqanyń. Otan - bul ózińniń turatyn, ómir súretin, qyzmet etetin jeriń. Otan adam úshin bireý ǵana. Otandy anaǵa teńeıdi. Sebebi, Otan senderdi anańdaı qorǵaıdy, kómektesedi, kúsh beredi. Biz Otanymyzdy, elimizdi súıemiz.
Negizgi bólim:
- Al ondaı bolsa otan týraly ádemi óleń shýmaqtarymyzdy tyńdap óteıik.
Oljas: Aspany ashyq elimizdiń,
Kórki sulý jerimizdiń,
Biz - baqytty balamyz!
Aqpyz, qara, sarymyz,
Aǵaıynbyz bárimiz!
Dıana: Otan degen ne, kim qalaı túsinedi?
Kóp aýzynan túspeıtin,
Otan degen nemene?
Onyń tulǵa tús keıpin,
Dostym bilgiń kele me?
Kajakbar: Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken –
Bıik taý, orman, toǵaı kólimizdi.
Aıdana: Otan deımiz keń - baıtaq astanany,
Jasyl jaılaý, jańa jol, jas qalany.
Otannyń sheti de joq, shegi de joq,
Ol biraq óz úıińnen bastalady.
Málik: Otan - tarıh, Otan – til,
Jasaǵan eliń, óz - halqyń.
Otan – óleń, Otan - jyr,
Kótergen kókke el dańqyn.
Aıgerim: Otan – seniń ata - anań,
Otan – dosyń, baýyryń,
Otan – ólkeń, astanań,
Otan – aýdan, aýylyń.
Aqbota: Otan – osy dostarym,
Kóńilge muny túıe bil!
«Otan» dep ós jas qaýym,
Ony ardaqtap súıe bil!
Dıar
El boldyq erik aldyq astanaly
Endi kimnen qazaǵym jasqanady?
Táýelsiz memlekettiń shejiresi,
Nursultannyń atymen bastalady.

Aızada: «Úsh baqytym»
Muǵalim: — Ia, balalar, elin, jerin súıetin azamat bolyp shyǵý úshin qandaı bala bolýymyz kerek?
Óz eliniń tarıhyn, salt - dástúrin qurmetteıtin bilimdi, ónerli, aqyldy, eńbeksúıgish bala bolýymyz kerek. Ár adam óz eline ózinshe eńbek etip óz úlesin qosý kerek.
- Sondaı - aq jazǵy Brazılıa memleketinde bolǵan sport jarysynda bizdiń otandastarymyz 17 medal alyp keldi. Iaǵnı bul sportshylarymyzdy naǵyz patrıot deýge bola ma? Nege?
- Al ondaı bolsa senderdiń patrıot ekenderińdi dáleldeý úshin sendermen 20 ǵasyr kóshbasshysy oıynyn oınaımyz.
Bizdiń Otanymyz – Qazaqstan Respýblıkasy. San ǵasyrlar boıy ata - babalarymyz jerin jaýdan qorǵap, búgingi urpaq, bizge jetkizdi. Qazaqstan jer kólemi boıynsha 9 orynda tur. Qazaqstanda úlken qalalar kóp. Olar: Almaty, Astana, Qaraǵandy, Shymkent, Kókshetaý, Qostanaı, Aqtaý, Pavlodar, Aqtóbe, Taraz, Qyzylorda, Óskemen, Semeı, Taldyqorǵan. Bular – ádemi qalalar.
Astana - Otanymyzdyń bas qalasy, astanasy. Ol Esil ózeniniń jaǵasynda ornalasqan. Astana qalasyn qazir búkil el biledi.
Qazaqstan - táýelsiz, egemendi, kóp ultty memleket. Onda qazaqtar, orystar, uıǵyrlar, ózbekter, koreıler, ýkraınder jáne taǵy basqa ulttardyń ókilderi turady. Olar tatý - tátti, birlikte ómir súrip jatyr.
Aýmaly - tókpeli zamandy bastan keshken qazaq halqynyń ózindik basqarý júıesi bolǵan. El qamyn jegen erleri, sózin sóılep, halyq jaǵdaıyn jasaǵan sheshenderi, bilimpaz bıleri, ár elde, ár aýylda sóz tyńdar aqsaqaldary bolǵan. Qazaqta aty ańyzǵa aınalǵan Qazybek bı, Áıteke bı, Tóle bı sıaqty bı - sheshender óte kóp.
Memlekettik til - qazaq tili. Qazaq tilin bilý - árbir qazaqstandyq azamattyń boryshy.
Aızada: «Týǵan tilim»
Sondaı - aq memleketimizdiń óz Ata zańy bar. 1993 jyly 28 qańtarda QR tuńǵysh Konstıtýsıasy qabyldandy. 1995 jyly 30 tamyzda elimizdiń jańa konstıtýtsıasy qabyldandy. Adamnyń ómirin, densaýlyǵyn, tynyshtyǵyn memleketimizdiń Ata zańy qorǵaıdy.
1992 jyly QR memlekettik rámizderi qabyldandy. Olar: tý, eltańba, gımn.
Qazaqstan Respýblıkasynyń memlekettik Týy.
Ortasynda shuǵylaly kún, onyń astynda qalyqtap ushqan qyran beınelengen tik buryshty kógildir tústi mata. Altyn kún, qyran jáne oıý - órnek bizdiń halqymyzdyń ashyq keleshegi men berekesi, tynyshtyq pen baılyqtyń belgisi.
Muhammed:
Kók aspandaı kókpeńbek,
Qazaqstan jalaýy.
Kók emes ol tekten - tek,
Eldiń ashyq qabaǵy.
Qazaqstan Respýblıkasynyń memlekettik Eltańbasynda kógildir tús aıasynda shańyraq beınelengen. Shańyraqty aınala kún sáýlesindeı tarap, ýyqtar shanshylǵan. Bes juldyz, qanatty tulpar beınelengen. Bıdaı sabaqtary toqshylyq, molshylyqty bildiredi.
Nazym:
Eltańbasy elimniń,
Netken áıbát, ádemi
Tunyǵyndaı kóńildiń
Ortada aspan álemi.
Kez - kelgen memlekettik rámizderdiń eń mańyzdysy - Gımn. Gımn memlekettik án. Ol halyqty áıgili etedi. Onyń sózderinde halyqtyń myńdaǵan jylǵy tarıhy, búgingi ómiri men keleshek armany aıtylǵan.
Elnur: Ottaı janyp janaryń
Odan qýat alamyn
Ánuran ol — tynysy
Keń jazıra dalamnyń.

Qorytyndy
Sabaǵymyzdy jaqsy oqyp, elimizdiń adal, eńbekqor azamaty bolaıyq. Er jetip elimizdiń odan ári kórkeıýine, gúldenýine óz úlesimizdi qosaıyq.
Oqýshylar taqtaǵa shyǵyp, kelesi áripterdi kóteredi.
B - bilimimdi arnaıtyn
O - otanymdy qorǵaıtyn
L - lańkestikti dattaıtyn
A - adaldyqty jaqtaıtyn
Sh - shýaǵymdy shashatyn
A - asýlardan asatyn
Ǵ - ǵarysh syryn meńgergen
Y - yntymaqty teń kórgen
M - menmendikti jek kórgen
Q - qazaqqa qyzmet etetin
A - armanyna jetetin
Z - zańdy jaqsy biletin
A - alǵa qaraı júretin
Q - qaıyrymdy elimniń
S - saltanatty jerimniń
T - tolyqtyram senimin
A - abyroıyn, jigerin
N - namysyn qoldan bermeıtin

Bári: Men bolamyn eńbekqor,
Bolashaǵy elimniń!
Án «Kók týdyń jelbiregeni».
Qortyndy: — Mine, balalar, búgin ózderińdi Táýelsiz elimizdiń bolashaǵy ekenderińdi, ıaǵnı, naǵyz azamat ekendikterińdi kórsete bildińder. Belgili aqyn atamyz J.
Moldaǵalıev:
Ótkenińdi eske alsań,
Óskenińniń belgisi.
Ótkenińdi umytsań,
Óshkenińniń belgisi,
— degen eken. Sondyqtan, halqymyzdyń búgingi ýaqytqa deıingi jetken jetistikteri ózderińe amanat. Sondaı - aq, elimizdiń egemendigin tanytatyn resmı erekshelik belgileri: Ana tilimiz, Eltańbamyz, Týymyz, Ata zańymyz, Ánuranymyzdy boıyndaǵy boıtumaryndaı saqtap qana qoımaı, qashanda elimizdiń, jerimizdiń erkindigin saqtar myqty urpaq, myqty azamat bolatyndaryńa senimim mol. Joldaryń ashyq, jarqyn bolsyn, Táýelsiz eldiń azamattary!