InfoHub Logo

Almatydaǵy aıýandar menen bezdi. Meniń basyma túsken kishkene bulttyń kóleńkesi olardy shoshytty. Onı predpochlı molchanıe — obeshanıý...

... Men sibirge óz erkimmen ketkenim joq, meni jer aýdaryp jiberdi.

... Meni qajytqan tabıǵattyń aıazy emes, ómirdiń aıazdary boldy... Akademıada shyǵys halqynan jalǵyz men oqydym. Bitirgennen keıin maǵan shyǵystyń bes odaqtyq respýblıkasynan oryn tabylmady, tımedi. Meni Azıaǵa jolatpady. Shyǵystan menen keıin on bes-jıyrma jyldyń ishinde men oqyǵan akademıaǵa eshkim túse qoımady. Ol ashýly, zarly shyndyq. Bizdiń halyq soǵysqa erlikpen qatysty, biraq, onyń quny óte qymbat. Osy kúni aýyl tolǵan jesirler men jetimder. Soǵysqa barǵan júz qazaqtyń jetpis-sekseni qaıtqan joq, sebebi maǵan aıqyn — áskerı tájirıbe, áskerı tárbıeniń daǵdylaný nasharlyǵy... Men solardy maıdanda kórdim, taldap tekserdim, óksip jyladym, zarlandym, qorlandym. Men qalǵan ómirimdi, alǵan tájirıbemdi, bilgen bilimimdi jastarǵa, halqyma arnaǵym kelip edi. Barymdy elge bersem dep edim. Eger de bolashaqta bir áıel jesir, bir bala jetim qalmaýyna meniń eńbegim sebep bolsa, armansyzbyn degen nıet edi. Qysqasy, meni, meniń oıymdy, nıetimdi týpostı nevejestvo qapasqa salyp, bende etti. Meni teris túsindi, uqpady. Ógiz moıyndyq istedi. Osyndaǵy maıdalar meni súzbelep shetke shyǵara berdi. Jaqyndaryna jyly oryn úshin meni aıamady. Kishirtti, qýdalady. Jabylyp áli jetkeni men boldym...

...Ǵapý etińiz, men kek saqtap aıtyp otyrǵanym joq. Ár óner, ár bilim, ár nıet sal bolýdy tilemeıdi, qul bolýdy tileıdi. Men tula boıymmen halqymnyń qulymyn. Qaıda júrsem de elimniń qyzmetkerimin. Halqyma jaman ataq esh ýaqytta alyp bergim kelmeıdi, alyp bermeımin...

---