InfoHub Logo

Bir jolaýshy avtobýs kelgenshe avtovokzaldyń korıdoryn aralap júredi. Qolyn jýý úshin ájethanaǵa barǵanda jumysshy kıimin kıgen bir jas adam oǵan:

— Namaz oqıyn dep jatyrsyz ba? Dáret alatyn jerimiz de bar, — deıdi.

Jolaýshy qolyndaǵy temekiniń kúlin aldyndaǵy adamnyń aıaǵynyń qasyna túsirip,

— Sen qyzmetshi bolarsyń. Bul jerde ne isteısiń? — deıdi tákapparlanyp.

— Tazalyqshymyn. Qol jýǵysh pen ájethanany tazalaımyn.

— Men namazdy sen sıaqty taqyr kedeılerge qaldyrdym. Bul senderge sondaı jarasady…

Tazalyq qyzmetshisi ol adamnyń áreketine mán bermedi. Biraq, namazǵa jasalǵan qurmetsizdik ony qatty qınady. Qandaı jaýap qaıtarýdy biraz oılanǵannan keıin úndemeýdi jón kórdi!

Birazdan soń álgi jolaýshy kele jatyp basynyń aınalǵanyn sezdi. Qolyna sheship alǵan paltosy da zil basyp barady. Jegen eki káýaby onyń qan qysymyn kóterip, ózin álsiz sezindi. Birneshe qadam attaǵannan keıin nasharlap, tizerlep otyryp qaldy. Qolyndaǵy palto odan buryn jerge túsip, kıiminiń kirleýine kedergi boldy. Júrelep otyrsa da qatty aınalǵan basyn jerge súıep, biraz demaldy. Turǵan kezinde taǵy da basy aınalyp, áreketin qaıtalady. Biraq, ózin basqa adamdar kóredi dep abyrjyǵan edi. Sol úshin ońǵa, solǵa qaraǵan kezinde sháı tasýshy bir jas jigit qarsy aldynan shyǵyp, qurmetpen amandasyp:

— Namazyńyzdy Allah qabyl etsin, biraq qubyla biraz oń jaqta edi, — deıdi.

---