InfoHub Logo

Talaı qıyndyqty bastan keship,el taǵdyry qyl ústinde turǵanda janyn aıamaı jaýǵa qarsy turǵan,beıbit kúnderi týǵan jerdiń kórkeıip,qanat jaıýyna óz úlesin qosqan,búgingi tańda maıdangerler atanyp otyrǵan qazalylyq azamattarymyz az emes.Onyń kóbi o dúnıelik bolyp osy qyzyqty da jarqyn kúnderdi kóre almaı ketti.Qalǵany saýsaqtyń sanyna da jetpeıdi.

Solardyń ishinde XXǵasyrdyń alapat soǵysy Ekinshi dúnıejúzilik soǵystyń bir bóligi sanalatyn Uly Otan soǵysyna qatysyp,er etigimen sý keship,jeńisti syılaǵan jandardyń biri-meniń atam,Uly Otan soǵysynyń ardageri Ábdireı Ábishuly bolatyn.

Meniń atam 1941 jyly 21 jasynda maıdanǵa attanǵan.102atqyshtar dıvızıasy qatarynda shaıqasqan.Shaıqas kezinde aıaǵynan jaralanǵan.Sonymen qatar aıaǵy úsikke de shaldyqqan."Er shekispeı bekispeıdi" demekshi,meniń atam jazylyp shyǵysymen maıdanǵa qaıta attanady.Al 1945jyly 2mamyrda jeńis týyn tigip,eline,halqyna máńgilik qýanysh syılaǵandardyń qatarynda boldy.

Aýyz toltyryp aıtar erligi bar,men úshin úlgi tutarlyq alyp tulǵa sanalatyn,osy ashyq aspan astynda ómir súrýimiz úshin úlesin qosqan atamnyń erligi eskerýsiz qalmasyn dep osy bir úzik syrymdy qaǵazǵa túsirýdi jón kórdim.

Meniń atam Ábdireı Ábishuly-men úshin úlgi tutarlyq tulǵa.Atam úlgi bolarlyq isterimen maǵan ǵana ata emes,Qazalynyń árbir jany eskerip,esimin júreginde saqtap,jasaǵan erlik isterin maqtanyshpen aıta alatyndaı bolsa deımin.Atamnyń esimine óz týǵan jerindegi kóshe ataýy berilse dep oılaımyn.

---