InfoHub Logo

Taqyryp: Men uqypty balamyn
Qasıetter: uqyptylyq, óz - ózine qyzmet etý, jaǵymdy áreket, ádeptilik, sypaıylyq
Muǵalim:
Synyp - 0 mektepaldy daıarlyq toby
Sabaq maqsaty:
Uqyptylyq uǵymynyń adamgershilik qundylyq retindegi mánin ashý.
Mindetteri:
— uqyptylyq, jaǵymdy ádetter týraly túsinikterin keńeıtý
— óz - ózine qyzmet etý daǵdylaryn damytý
— uqyptylyqqa, jaǵymdy ádetterge tárbıeleý.
Resýrstar:(quraldar, málimetter)

Sabaq barysy:
1. Uıymdastyrý kezeńi.
Oqýshylarmen amandasyp, «Ózin - ózi taný» sabaǵynyń erejesin «5 - T» qaıtalap, sabaqqa qatysqandary úshin ár balaǵa 20 upaıdan beremin.
Oqýshylardyń oqý quraldaryn «5 zatty» tekserip, upaılaryn túgendeımiz.

2. Tynyshtyq sáti Nurǵa bólený
Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge nemese ústelge qoıýǵa bolady. Kózderińizdi jumýlaryńyzdy ótinemin.

Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn jáne taza ásem gúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp, júregińizdiń qaýyzyn ashty.

Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy.

Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi.

Nur birte - birte qarqyn jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa tolsyn.

Osy nur búkil álemge: barlyq adamdarǵa, jan - janýarlarǵa, ósimdikterge, barlyq tiri janǵa taralsyn… Ǵalamnyń barlyq túpkir - túpkirine nur baǵyttańyz. Oısha aıtyńyz: «Men nurlymyn… Nur meniń ishimde… Men Nurmyn».

Osyndaı Nur, Mahabbat jáne Tynyshtyq kúıinde otyra turyńyz…

Endi osy Nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz.

Jaımen kózińizdi ashýǵa bolady.

Rahmet.

3. Úı tapsyrmasyn tekserý
Uqyptylyq týraly áńgimelesý
Suraqtar:
1. «Uqypty bolý» degen sózdiń maǵynasyn qalaı túsinesińder?
2. Uqypty bala qandaı bolady dep oılaısyńdar?
Sergitý sáti
Biz uqypty balamyz,
Aıtqan tildi alamyz.
Kirlese eger kıimimiz,
Ózimiz jýyp alamyz.
Edendegi shańdardy
Shańsorǵyshpen soramyz.
Bizdiń qolda oń saýsaq,
Barlyq iske jaramdy.

Jel esedi betimizge,
Shalqaıady aǵashtar.
Jelge aıtamyn tynysh - tynysh
Tynyshtalsyn aǵashtar.
Sabaq barysyn taldaý:
Men uqypty balamyn júkteý