— Týǵan jeriń?
— Ulanymyn, Qarasaz dep atalatyn aýyldyń.
— Týǵan jylyń?
— 1931. Qurdasymyn Shámildiń.
— Jynysyń kim?
— Erkekpin ǵoı, erkekpin!Jáne-daǵy táýirmin...
— Partıada barsyn, ba?
— Joqpyn.
Biraq, komýnıstik kózqaraspen qaraımyn.
— Shyqqan tegiń?
— Sharýamyn.
Bar tirlikten baǵaly ony sanaımyn.
— Bilimiń she?
— Ortasha ǵoı.
Alaıda ózim joǵaryǵa balaımyn.
— Ana tiliń?
— Qazaqsha.
Qysylǵanda oryssha da, nemisshe de, taǵy bar.
— Qaıda istediń?
— Mynaý «Eńbek kitapshamnan» tanyp al.
Oqymaǵan, dıplomsyz demeseń,
Bir basymnan bar mamandyq tabylar.
— Mindettisiń be áskerge?
— Mindettimin.
Bizdiń áli jas keýde.
Jaýyngerdiń ulymyn ǵoı,
Janyn qıǵan Máskeýge.
— Sógis alyp kórdiń be?
— Ol jaǵynan perishte edim deı almaımyn
Men múlde.
Oıly-qyrly búl ómirde bolady ǵoı múlt ketý,
Ol ózi bir enshisi ǵoı ezdiń ári erdiń de...
— Shetelderde boldyń ba?
— Bolǵamyn joq.
Olar maǵan turǵan da joq qol bulǵap.
Qalsam boldy, ólsem boldy jáıimmen,
Osy otyrǵan ornymda-aq.
— Meken-jáıiń?
— Meken-jáıim - jer meniń.
Jerde júrgen aqyn degen pendemin.
Qalam, qaǵaz, ýaqyt ber tek azdaǵan,
Men ómirdi jyrlaý úshin kelgemin!

---