Men jyrlamaımyn,
Syrlasamyn.
Syry bar zamandaspen muńdasamyn.
Asyqqan ýaqytpen,
Adymymdy,
Abaılap, anda-sanda bir basamyn.
Kógendep jyr qosaǵyn,
Kelmeıdi jyr jasaǵym.
Bógendep betonmenen qoıa almaımyn,
Ózinshe emin-erkin týlasa aǵyn.
Ǵaıyptan paıda bolǵaı saıtandaıyn,
Jyr týsa, qaıtarmaımyn.
Ýlatyp maı tańdaıyn,
Ashshy til aqıqatyn aıtar dáıim.
Janynan jalyndaǵan órt ketpegen,
Jalyqpaı ózimdi-ózim zerttep kelem.
0, júregim!
Ornyńnan qobaljyma,
Jaramsaq jalǵandyqqa bettetpegen!
Tiptep de men emes-ti,
«Men» degenim.
Sendirmeımin,
Senbeńder senbegeniń.
Basqanyń jany-syryn uǵý úshin,
Ózimdi zerttegendi jón kóremin.
Mendegi bar,
Sende bar, onda da bar.
Demek, seniń,
«Meniń» de sonda qalar...
Óz janyńdy aldymen jaıyp tasta,
Jaqsylyqtyń kókesi sonda bolar.
He shyǵady bárin de súıem deýden?
Bárin de súıemin dep, ıemdengen.
Bárin de men de súıem,
Aıtpan biraq,
Otyryp ońashada kúıer keýdem...
Kúıer keýdem...
Sondyqtan kúıinemin.
Jasyrman, jyrymda sol jıi meniń,
Jyr jazý, kim biledi, ermek shyǵar?!
Aqyn bolý -
Neǵylǵan qıyn ediń!!!

---