InfoHub Logo

Qazaqstan-Tarıhtyń ár kezeńinde san alýan synaqty bastan keshken, túrli toqyraýǵa tap bolǵan , saıası, mádenı shıelenisterdiń qurbanyna aınalǵan el. Táýelsiz ári tynysh ómirge jetý jolynda ǵasyrlar boıy zulmattarǵa tótep berip, naızanyń ushymen, bilektiń kúshimen qorǵalǵan keń dalada meken etken, búgingi tańda álemdik arenada oıyp turyp alarlyqtaı oryny bar, alty qurlyqqa aty málim derbes Memleket. Qazaqstan óz kezeginde damýshy el bolǵanymen, álem alpaýyttarynyń arasynda óz pozısıasyn aıqyndaı alǵan, búkilálemdik máselelerdiń sheshýshi ortalyǵyna aınala bildi. Otyz jyldyq táýelsiz taǵdyryńda jetken jetistikterin tolyq aıtar bolsaq, tańdy tańǵa jalǵaıtynymyz anyq.  

Degenmen, birtutas Memlekettiń el ishindegi máselesi men sheshimin tappaǵan suraqtary eshqashan tolastaǵan emes. Qoǵamdyq jáne saıası júıeniń bir izge túse almaýy, zań sheńberinen tys áreketter men shekten shyqqan quqyq buzýshylyqtar el damýyna keri áser etetini sózsiz. Qazaqstannyń qazirgi turmysy buryńǵyǵa qaraǵanda edáýir jaqsy. Desekte, damyǵan 30 eldiń qataryna kirýdi maqsat etken el úshin basty másele- "jemqorlyq" ekenin eskergenimiz jón.   

Meniń armanymdaǵy Qazaqstan búgingi Qazaqstanmen salystyrǵanda múlde basqa. "Qaıda barsań da, Qorqyttyń kóri" degendeı, elimizdiń qaı salasynda bolsyn "jemqorlyqtyń" beleń alyp turǵany jasyryn emes. Men elestetken Qazaqstannyń sıpatynda bul másele múlde kezdespeıdi, eger, kezdesken jaǵdaı der kezinde ádil jaza qoldanylýy kerek. El ıgili úshin minberge minge laýazymdy tulǵalar "esep" úshin emes, sapa úshin jumys isteýi, halyqqa tıimdi jaǵdaı jasaı bilýi, óz kezeginde árbir azamat ózin Memlekettiń bir bólshegi sezinip, "bir múdde, bir bolashaq"degen ustanymdy boıyna sińirip, el erteńi úshin tize qosyp áreket etýi men kórgim keletin Qazaqstannyń negizgi krıterııi bolyp tabylady. Jetimin jylatpaǵan, jesirin uzatpaǵan jaısan halqymyzdyń jaı-kúıi men tynys-tirshiliginiń basty kórinisi-aýyl. Meniń qıalymdaǵy Qazaqstan aýyldary-sıfrlyq jáne ınfraqurylymdyq damýdyń jańa satysyna kóshken Memleket bólshegi.  

Damyǵan Memlekettermen terezesi teń dárejege jetý úshin, sol elderden úırenerimiz kóp. Shyǵysymyzdaǵy japon elderiniń ınovasıalyq tehnologıalary, eń taza elderdiń biri-Germanıa qupıasy, jylyna mıllıondaǵan týrısiń oshaǵyna aınalǵan Fransıa týrızmi biz úshin asa qajet tájirıbelik nysan bolýy kerek.   

Konstıtýsıamyzdyń birinshi babynda jazylǵan-"Memlekettiń negizgi baılyǵy-adam" degen oıdy negizge alar bolsaq, Memlekettik negizgi qozǵaýshy kúshi de onyń halqy degen tujyrymǵa toqtaımyz. Qazaqstan halqy-Qazaqstan bolashaǵynyń negizin qalaýshy. Básekege qabilettilik-baıandy bolashaqtyń kepili, al básekege qabilettiliktiń negizgi kilti- rýhanı baılyq. Qazaqstannyń ár azamaty ózi ómir súrip jatqan eldiń tarıhyn, dástúrin, mádenıeti men ádebıetin, dili men tilin jetik bilip qana qoımaı, ony ómir súrý saltynyń bir bólshegine aınaldyra bilgen jón. Sonda ǵana halqymyz rýhanı baı, hám básekege qabiletti bolyp, Memleket damýyna úles qosary anyq.

Atalǵan baǵyttarda Memleket basshysy Qasym-Jomart Toqaev el úshin mańyzdy bastamalardy negizge ala otyryp, "jańarý men jańǵyrý"jolynda qajetti reformalar engize bildi.  

- Qazaqstan óz elimiz, óz Otanymyz. Bizdiń máselemizdi syrttan bireý kelip sheship bermeıdi, ár isimizge shyn nıetpen kirisip, adal eńbek etip, taban aqy, mańdaı terimizben nátıje kórsetýmiz qajet, -dedi Prezıdent BAQ ókilderine bergen suhbatynda.

Rasynda myzǵymas birligimiz ben el tynyshtyǵyn baǵymyz sanap, bolashaq úshin bir jaǵadan bas, bir jeńnen qol shyǵaryp, táýelsiz Qazaqstannyń jańa dáýirin birge bastaǵan bastaǵan jón.

Sanatova Aıdana

---