InfoHub Logo

Uly Jeńistiń 70 jyldyǵyna oraı ótkeli otyrǵan «Meniń elim» atty áskerı - patrıottyq ánder baıqaýynyń senarıi
(Sahna merekege saı bezendirilgen, án oınalyp turady)
Muǵalim: Qurmetti, ata - analar, ustazdar, oqýshylar! Búgingi Uly Jeńistiń 70 jyldyǵyna oraı ótkeli otyrǵan «Meniń elim» atty áskerı - patrıottyq ánder baıqaýyna qosh keldińizder!
Júrekti terbeıtin, kóńilde sónbeıtin, eshqashan ólmeıtin qudiret ne? Árıne, án. Ǵumyrly án – halyqtyń jany. Saıyn dalany ásem ánimen terbetken halqymyz qýansa da, júreginen jyr aǵytyp, jabyqsa da ánmen ózin - ózi jubatqan. Sondaı - aq ánniń qudirettiligi sol, jurtty judyryqtaı jumyldyryp, rýhyn asqaqtata túsedi. Ár dáýirdiń patrıottyq ánderi sol zamandaǵy urpaqtyń Otan úshin oqqa da, otqa da túsýine sebepker bolǵan ıdeologıalyq qarýy. Bir kezderi Keńes zamanynda bizdiń ata - ájelerimiz «Partıa qaıda bolsa, Jeńis sonda!», «Alǵa, komsomol!» dep ekpindete shyrqady. Osy kezde patrıottyq ánder úgit - nasıhattyń yqpalyn arttyryp, jastardyń jigerin janı tústi. Iaǵnı, halyqtyń rýhyn kóterip, azamattyq belsendiligin arttyrýda patrıottyq baǵyttaǵy ánderdiń mańyzy zor edi. Áskerı - patrıottyq ánder keshe de, búgin de, erteń de erekshe baǵaly bola bermek. Sondyqtan bul baıqaýdy ótkizýdegi maqsatymyz óskeleń urpaqtyń boıynda patrıottyq sezim qalyptastyryp, atalarymyzdyń erligin nasıhattaý, Otanǵa degen qurmetti kúsheıtý, ónerli oqýshylardy anyqtap, sahna ónerine baýlý.

(Ortaǵa eki júrgizýshi shyǵady)
1 - júrgizýshi: Iá, biz beıbit elde, baıtaq jerde ómir súrip jatqan baqytty urpaqpyz. Biraq bizdi osy kúnge jetkizý úshin keshegi ata - babalarymyzdyń Aqtaban shubyryndynyń azabyn tartqanyn, asharshylyqta qynadaı qyrylǵanyn, zıalylarymyzdyń repressıaǵa jazyqsyz ushyraǵanyn, Uly otan soǵysynda keýdelerin oqqa tosqanyn esten shyǵarmaýymyz kerek.
2 - júrgizýshi: Azattyq jolyndaǵy elimizdiń tarıhy «Elim - aı», «Atameken», «Jas qazaq» sekildi ánder arqyly bizge jetti. Bizdiń aldymyzda turǵan endigi mindet, egemen eldiń erteńin senip tapsyrar namysty, qaısar, ultjandy urpaq tárbıeleý. Osy oraıda bizge patrıottyq ánderimizdiń molaıa túskeni asa mańyzdy.
1 - júrgizýshi: Er elsiz bolmaıdy, el ersiz bolmaıdy demeı me, dana halqymyz. Qan maıdanda qol bastap, eliniń namysyn jaýǵa taptatpaǵan batyrlarǵa arnalady.
2 - júrgizýshi: Olaı bolsa, Uly Jeńistiń 70 jyldyǵyna oraı ótkeli otyrǵan «Meniń elim» atty áskerı - patrıottyq ánder baıqaýyn ashyq dep jarıalaýǵa ruqsat etińizder.
1 - júrgizýshi: Sharamyzdy bastamas buryn baıqaýǵa qatysýshy úmitkerlerimizdi ortaǵa shaqyramyz.
(Úmitkerler ortaǵa shyǵady)
2 - júrgizýshi: Osy baıqaýǵa tórelik jasaıtyn qazylar alqasymen tanystyryp óteıik.
--------------------------------------
1 - júrgizýshi: Qazylar alqasy qatysýshylardyń ónerin án oryndaý sheberligi jáne sahna mádenıetin meńgerý krıterııleri boıynsha baǵalaıdy. Joǵary upaı 10 bal. Bul baıqaýda júldeli orynǵa ıe bolǵan 3 oqýshy aýdandyq saıysqa joldama alady.
2 - júrgizýshi: Rýhynan jaqsylardyń nur saýlaǵan,
Janymdy meıirimi qursaýlaǵan.
Jaısań ólke, jaıdary Qazaqstan,
Shýaq shashqan sáýleli kúnsiń maǵan
Shómishbaı Sarıevtiń sózine jazylǵan, Seıdolla Báıterekovtyń áni «Qazaq eli» oryndaıtyn ----------------------------
1 - júrgizýshi: Boıda qyzý qany oınaǵan jigerli
Qaharmany zamanymnyń bul endi
Otan dańqy múddesi úshin qajettik
Sarbazdar ol eldigimniń tiregi
8 «a»synyp oqýshysy Joldasov Mırastyń oryndaýynda B. Aýdanbaevtyń sózine jazylǵan Aıjigit Asanovtyń áni « Qazaqstan sarbazdary» qarsy alyńyzdar!

2 - júrgizýshi: Qazaq degen peıili keń baı halyq
Toldy armany egemenge aınalyp
Beıbitshilik qorǵanyndaı senimdi
Sarbazdary sap túzedi saılanyp
Ortada -------------------------------- oryndaýynda Rústem Kóshebaevtyń sózine jazylǵan Oralhan Sadýaqasovtyń áni «Án sal, sarbaz»
1 - júrgizýshi: Qazaqstan – atameken, qut qonǵan jer,
Keń dala, sýy móldir, nur tunǵan jer.
Kókoraı belesteri maqpal kilem,
Qyrlary qyzǵaldaǵy qulpyrǵan jer.
Ortada «Atameken» ánimen ------------------------------

2 - júrgizýshi: Qazaqstan, zamananyń zańǵarynda,
Halqyma meken bolǵan jaılaýyń da.
Alataý aq samaıly basyn ıgen
Qaıratty qart Qarataý qoınaýynda
---------------------------------------------------------- «Týǵan jer» ánimen ortaǵa shaqyramyz
1 - júrgizýshi: Rýhynan jaqsylardyń nur saýlaǵan,
Janymdy meıirimi qursaýlaǵan.
Jaısań ólke, jaıdary Qazaqstan,
Shýaq shashqan sáýleli kúnsiń maǵan!
----------- oryndaýynda «Alǵa, Qazaqstan» áni.
2 - júrgizýshi: Jeńis degen jaqsylyqtyń syńary,
Jigerlengen qushtarlyqtyń quraly.
Kúreskerdiń armany men urany
Qýanysh pen merekeniń bul áni.
----------- «Katúsha» áni.
1 - júrgizýshi: Osymen Uly Jeńistiń 70 jyldyǵyna oraı ótken «Meniń elim» atty áskerı - patrıottyq ánder baıqaýy óz máresine jetti. Qazylar alqasy daıyn bolǵansha
6 - synyp oqýshylarynyń án shashýlaryn qabyl alyńyzdar!
(Án shashý)
2 - júrgizýshi: Eshkim de, esh nárse de umytylmaıdy. Otan úshin erlikpen qaza tapqandardy el ár ýaqytta esinde saqtaıdy. Óıtkeni olar bizdiń baqytymyzdy qorǵady. Otan úshin, el úshin qurban boldy. Otanymyzdyń dańqy – erlik pen qaharmandyqtyń dańqy. Biz onyń júrip ótken erlikke toly joldaryn, azattyq úshin kúresken erleri men batyrlaryn eshqashan umytpaımyz. Qarttardy, maıdangerlerdi qadirleıik! Olardyń esimi el esinde máńgi saqtalady. Umytylmas tulǵalardyń beınesi bizdiń kókeıimizdi uıalap, máńgi qala bermek.
1 - júrgizýshi: Úmitkerlerimizdi marapattaý úshin sóz qazylar alqasynyń tóraıymy Dúısenova Aınur apaıǵa beriledi.