InfoHub Logo

İskerlik oıyn «Meniń kapıtalym»

Maqsaty:
 Oqýshylardyń belsendiligin arttyrý, óz betinshe izdenýge tárbıeleý. Oılaý qabiletin, tanymyn damytý. Pánge degen qyzyǵýshylyǵyn arttyrý.
 Alynǵan bilimderin ómirde paıdalana bilýge úıretý; topta jaýapkershilikti sezinip jumys jasaýǵa tárbıeleý;
 Ekonomıkalyq baǵyttaǵy esepterdi shyǵarýǵa oqýshylardyń qyzyǵýshylyǵyn damytý.
Saıysqa 5 oqýshydan turatyn eki komanda qatysady. Komandanyń aty, urany, emblemasy bolady.
Synyp oqýshylary arasynda rolderdi bólý:
− 5 adamnan eki top oınaıdy.
− Topqa kirmeıtin eki adam alynǵan paıdany esepteıtin aýdıtor taǵaıyndalady.
− Qalǵan oqýshylar teń ekige bólinip aksıonerler bolady.

Muǵalim: Men búgingi bizdiń iskerlik oıynymyzdy 2014 jyly 17 qańtardaǵy
Qazaqstan Respýblıkasynyń prezıdenti N. Á. Nazarbaevtyń halyqqa joldaýynyń besinshi baǵytymen bastaǵym kelip otyr. Ol bylaı degen bolatyn.
- Shaǵyn jáne orta bıznesti damytý – HHİ ǵasyrdaǵy Qazaqstandy ındýstrıalyq jáne áleýmettik jańǵyrtýdyń basty quraly. Mundaǵy meniń ustanymym aıqyn ekenin bilesizder, ony talaı aıtqanmyn. Ekonomıkamyzda shaǵyn jáne orta bıznestiń úlesi artqan saıyn Qazaqstannyń damýy da ornyqty bola túsedi. Jahandyq reıtıńke sáıkes, Qazaqstan bıznesti júrgizýge eń qolaıly jaǵdaıy bar elder tobyna kiredi jáne biz bul úrdisti óristete túsýge tıispiz. Shaǵyn jáne orta bıznes – bizdegi Jalpyǵa ortaq eńbek qoǵamynyń berik ekonomıkalyq negizi. Bıznesti damytý úshin oǵan kedergi keltiretin barlyq enjar quqyqtyq normalardyń kúshin joıý kerek. Shaǵyn bıznes urpaqtan - urpaqqa beriletin otbasy dástúrine aınalýǵa tıis.
Búgingi iskerlik oıynymyzda sizder - bank qyzmetkerleri sizder. Iaǵnı aqsha esepteý arqyly «kapıtaldaryńdy» ósiresizder.
Oqýshylar: Banktyń atyn qoıady.

«Kapıtalınvest»
«Altyn adam».
Sizderdiń maqsattaryń - aqsha, kiris, tabyspen baılanysty ekonomıkalyq esepterdi sheshe otyryp, alǵashqy kapıtaldaryńdy kóbeıtý. Sizderdiń aksıonerleriń bar, suraqtarǵa jaýap bere otyryp, olar da sizderge tabys ákeledi.
Kóp «tabys» alǵan fırma jeńedi.

Oıyn erejesi.
1. Bank basqarmasyn tańdaý.
2. Árbir bankiniń bastapqy kapıtaly – 100 000 tg.
3. Árbir banki kezek - kezek baǵasy 500 – den 2 000 tg. deıingi suraq tańdaıdy.
4. Eger suraqqa durys jaýap berilse, kapıtaly suraq qunyna ósedi.
5. Jaýap qate bolsa, onda kapıtaly:
a) eger kelesi bank ta durys jaýap bere almasa, suraqtyń baǵasynyń 50% - ine kemıdi.
b) eger kelesi bank durys jaýap berse, 100% - ke kemıdi.
6. Ózara kelisip, óz tapsyrmasyn sata alady. Esep sheshilse, eseptiń quny qosylady
7. Ýaqyttyń bólinýi
8. Aksıonerler qosymsha suraqtarǵa jaýap berse, kapıtal 500 tg. ósedi.

500 tg. Suraqtar
1. Jarnama degen ne? (Óndiristiń, saýdanyń, ártúrli mádenı - turmystyq kásiporyndary men mekemelerdiń sondaı - aq jeke adamdardyń tutynýshylardy zattar men qyzmet kórsetý isterimen tanystyrýy, solardy jarıalaýy, nasıhattaýy)
2. Aksıonerlik qoǵamǵa ıelik quqy qalaı anyqtalady? (Aksıonerlik qoǵamǵa ıelik quqy aksıalar boıynsha bólinip taratylady)
3. Seriktestik degen ne? (eki nemese odan da kóp adamdardyń bıznespen aınalysatyn erkin odaǵy)
4. Bıznestiń basty maqsaty ne? (Bıznestiń basty maqsaty – tabys)
5. Naryq degen ne? (satýshylar men satyp alýshylar bir birimen qatynasqa kelip bıznes jasaıtyn «mehanızm»)

1000 tg. suraqtar.
1. Sheber keýdeshe toqyp 1000 tg. satty. Eger toqý úshin 200 tg. – den 3 oram jip, al ádemileý úshin 100 tg. bıser paıdalanylsa, onyń túsirgen tabysy qandaı? (300 t.)
2. Eki bıznesmen bástesti: kim kóp tabys tabady. Bireýi óz taýaryn satyp, 50000 tg. paıda taýyp, 30000 tg. shyǵyn boldy. Al ekinshisi 10000 tg kem saýda jasap, 20000 tg. jumsady. Bás tigýde kim jeńdi? (eshkim)
3. Kostúm 110 $ turady. Eger frankiniń dollarǵa qatysty baǵamy 5, 5 bolsa, kostúmge qansha frank tóleý kerek? 1$=5, 5 frank. (605 frank)
4. Eki dos aqsha tapqysy keldi. Olar dúńgirshekten árqaısysy 3 teńgeden 100 gazet alyp 5 teńgeden sata bastady. Eger olar barlyq gazetti satsa, qansha paıda tabady? (200 tg.)
5. Túlki aralardan 100 kg baldy 10000 tg. satyp aldy, al bazarǵa aparyp 1kg - yn 130 tg. satty. Barlyq baldy satyp bolǵanda túlki qandaı paıda tabady? (3000 tg.)
6. Qanat bálish pisirip bazarda satty. Birinshi kúni 10 tg - den 100 bálish satty. Ekinshi kúni baǵasyn 10% - ǵa azaıtyp, 110 bálish satty. Ol qaı kúni kóp aqsha tapty? (birinshi kúni)

Quny 2000 tg. suraqtar.
1. Eki bala kitap satyp alǵysy keledi. Bireýine 50 tg, ekinshisine 10tg jetpeıdi. Olar aqshasyn qosyp edi báribir jetpedi. Kitap qansha turady? (50tg.)
2. Bir óndiristiń ónimin satqannan keıin túsken aqsha 500000 tg. Jáne sol kezdegi shyǵyny:
Shıkizatqa 200 000 tg.
Otynǵa 15 000 tg.
Jalaqy 145 000 tg.
Kredıt, salyq 45 000 tg.
Barlyǵy 405 000 tg.
Onyń paıdasy qansha? (95 000 tg.)