InfoHub Logo

Maqsaty: Otan týraly bilimderin nazarǵa ala otyryp, Otanymyz – Qazaqstan Respýblıkasy týraly ne biletindigin saralaý, alǵan málimetter boıynsha bilimderin bekitý.
Mindetteri:
1) Bilimdilik: Balalardyń Otan, Qazaqstan, týǵan jer týraly túsinikterin keńeıtý.
2) Damytýshylyq: Otandy súıýge, elimizdiń rámizderin qasterleýge, týǵan eline degen súıispenshiligin attyrý.
3) Tárbıelik: Oqýshylardy elin, jerin súıýge, baılyǵyn qorǵaýǵa, óz eliniń patrıoty bolýǵa tárbıeleý.
Túri: saıys
Ádisi: toptyq jumys, suraq - jaýap, pikirtalas
Kórnekilikteri: jalaýsha, sýretter, plakat

Sabaqtyń barysy:
İ. Uıymdastyrý kezeńi.
Hor: Ánuran.
- Káne balalar Otan degen ne?
- Adamnyń týyp ósken jeri, týǵan - týysqandary, biz turatyn atameken.
- Balalar bizdiń otanymyz qalaı atalady?
- Bizdiń - Otanymyz Qazaqstan.
- Endeshe, búgingi tárbıe saǵatymyz «Meniń Otanym - Qazaqstan» dep atalady.

İİ. Negizgi bólim.
Oqýshylardy 3 - topqa bólý. Ár qatarǵa qıylǵan qaǵazdy taratý. Shyqqan sýretten ár toptyń aty shyǵady. (Mozaıka)
1 - top: Týǵan jer
2 - top: Otan
3 - top: Atameken
(Óleń, maqal - mátel aıtqan topqa teksheden berip otyramyn. Kóp tekshe jınaǵan top jeńiske jetedi.)
Taqtada ilingen plakatqa nazar aýdarý. Durys jaýap bergen top óziniń qorjynyna upaı jınaıdy.
20 – QR táýelsizdigin qaı jyly aldy?
20 – Elimizdiń bas qalasy
20 – QR prezıdenti
50 – QR týynyń avtory
50 – QR eltańbasynyń avtorlary
50 – Ánuranymyzdyń avtorlary
100 – Elimizdiń kórikti jerleri
100 – Otan týraly óleń aıt
100 – Otan týraly án shyrqa

Balalar Qazaqstan týraly óleńder oqyp, elimizdi, jerimizdi madaqtaý búgin bizdiń enshimizde. Endeshe ónerimizdi ortaǵa salaıyq.
1 - oqýshy: Arystandaı aıbattym.
Jolbarystaı qaırattym,
Aspandaǵan baıraqtyń
Qansha juldyz jaınattyń.
Qansha bulbul saırattyń,
Qazaqstan ardaqtym.

2 - oqýshy: Kúndi qushqan qos qyran,
Aıasynda qalqyǵan.
Aspan tústi týym bar,
Kók teńizdeı shalqyǵan.
3 - oqýshy: Kók týym kóterildi baǵym janyp,
Eltańbam álemge tanyldy anyq.
Shyrqadym án urandy bar daýyspen,
Armanym ata zańym qabyldanyp.
4 - oqýshy: Ózińdiki týyńda,
Ot pen aýa, sýyń da.
Jasa Qazaqstanym,
Beldi bekem býynda.
5 - oqýshy: Jasa jańa Astanam
Órken jaıa bastaǵan
Bolashaqtyń esigin
óz qolyńmen ash maǵan.
6 - oqýshy: Bult baspasyn kúnimdi
Tartylmasyn órisiń
Bıik ustaý týymdy
Qasıetti boryshym.
7 - oqýshy: Sáýle shashqan altyn tústi kúni bar,
Ekpindegen qyran qusty úni bar.
Oıý basqan móp - móldir kók aspandaı,
Qazaǵymnyń jelbiregen týy bar
8 - oqýshy: Otan degen atameken
Otan degen týǵan jer.
Otan ana, Otan úlken
Qazaqstan týǵan el.

- Otan, týǵan jer týraly qandaı maqal - mátelder bilemiz?
1 - oqýshy: Otan ot basynan bastalady.
2 - oqýshy: Týǵan jerdeı jer bolmas,
Týǵan eldeı el bolmas.
3 - oqýshy: Otansyz – adam, ormansyz – bulbul.
4 - oqýshy: Otan ottan da ystyq.
5 - oqýshy: Otan úshin otqa tús kúımeısiń,
Aryń úshin alyssań ólmeısiń.
Ár toptyń upaıyn sanap, qorytyndysyn shyǵarý.

Tilek.
(Oqýshylarǵa kógershinder taratylady. Óz tilekterin jazý kerek. Bolǵannan keıin plakatqa kelip, kógershinderdi iledi.)
- Balalar! Bizdiń Otanymyz – Qazaqstan Respýblıkasy eken. Otansyz adam bolmaıdy. Otanymyz kórkeıip, gúldený úshin biz kóp eńbektenýimiz kerek. Eńbektený degenimiz bilimdi, tártipti bolýymyz.
Hor: «Kók týdyń jelbiregeni» (Qoldaryna jalaýshalar alyp sermeıdi)
Qorytyndy.
Baıtaq dala jerim meniń
Arta bersin dańqyń seniń
Kók baıraǵyń jelbiresin
Egemendi elim meniń
– deı otyryp, qurmetti qonaqtar, balalar osymen «Týǵan elim, týǵan jerim» atty klastan tys sharamyz aıaqtaldy.