InfoHub Logo

Qyzylorda qalasy №8 mektep-ınternat
oqýshysy Asanova Gúlsezim
tárbıeshisi Aıapova Raýshan 

Otan otbasynan bastalady dep beker aıtpaǵan. Árbir adamzattyń — altyn uıasy dese aldymen otbasy oıymyzǵa orala ketedi. Bala otbasynda ákeden aqyl, anadan meıirim alady. Men óz otbasymdy maqtan tutamyn. Bizdiń otbasyn úlken otbasy dese de bolady. Men óz otbasym jaıly tolyǵyraq aıtqym keledi. Meniń otbasymda jeti adam bar. Olar: atam jáne ájem, anam men ákem, tátem men inim jáne men. Bizdiń otbasymyz baqytty. Otbasynyń tiregi — súıispenshilik, birlik jáne senim. Otbasy joq adam qanatsyz quspen teń. Al bir-birin syılap, birin-biri súıispenshilikke bólep otyrǵan otbasysy, bar adamdar óte baqytty jandar. Sebebi qandaı da bir qıynshylyq bolǵan jaǵdaıda, otbasyńnyń aýyzbirshiligi myqty bolsa, kez kelgen qıynshylyqtan jumylǵan judyryqtaı óte shyǵasyń. Al men ózimdi eń baqytty janǵa teńeımin. Sebebi meniń otbasym qasymda. Maǵan aqylyn aıtyp otyratyn atam, mańdaıym ıiskep aınalyp otyratyn ájem bar. Otbasynyń barlyq jaǵdaıyn jasap qamqorlyq kórsetetin ákem, dámdi asyn daıyndap, kúnniń shýaǵyndaı meıirimge bóleıtin anam bar. Bilmegenimdi úıretetin tátem, menińde kishkene bolsa da eresek ekenimdi eske jıi túsiretin inim bar. Bizdiń otbasynyń ereksheligi dastarqan basynda árdaıym atamnyń asty bastaýymen jáne tamaqtan keıin bata bergen soń ǵana ornymyzdan turamyz. Ájem bir birimizge sóılegende jyly da meıirimmen sóıleýimizdi árdaıym aıtyp otyrady. Sender bir birińe qonaqsyńdar. Árdaıym bir birińdi birinshi kórgendeı jáne uzaq ýaqytta saǵynyp kórgendeı baǵalańdar deıdi. Men otbasymnyń osy qalpynan taımaı, baqytty ǵumyr keshkenin qalaımyn.

---