InfoHub Logo

"Meniń otbasym"
Maqsaty: balalarǵa otbasy týraly túsinik berý, óz januıasy týraly áńgimeleýge úıretý. Oıyn arqyly este saqtaý qabiletin, qarym qatynas daǵdylaryn damytý. Otbasyna degen súıispenshilikke tárbıeleý.
Ádister: Áńgimeleý, jumbaq, taqpaq aıtý, oıyn, suraq - jaýap, sergitý, shattyq sheńberi.
Kórnekilikter: otbasy sýretteri, qýyrshaqtyń kıimderi, maketi.

Sabaqtyń barysy
Shattyq sheńberi:
Kóterilip shańyraq,
Ýyqtary shanshylar.
Keregeler kerilip,
Órimdeı bop óriler.
Bárimiz júrsek aınalyp,
Kıiz úı bolyp kóriner.

- Balalar, biz qandaı zattyń beınesin jasadyq?
- Al, kıiz úıde kimder turady?
- Olardy bir sózben qalaı ataımyz?
- Durys aıtasyńdar.
Búgingi bizdiń taqyrybymyz óz otbasymyz týraly bolmaq.
Balalar, aınalamyzǵa qarasaq, kóptegen úılerdi kóremiz.
Ol úılerde kimder turady dep oılaısyńdar?
- Iá, balalar, barlyq úıdiń óz otbasy bolady olar bir - birimen tatý - tátti turady.
- Qane, balalar men senderge bir jumbaq jasyraıyn, sheshýin taýyp kóreıik.

Jumbaq: Onsyz qyzyq joq maǵan, onsyz baqyt joq maǵan.
Ol ár balanyń panasy, ol ne eken, balalar? (otbasy)
- Mine balalar, bul jumbaqtyń sheshýi otbasy eken
- Olaı bolsa bárimiz taqtaǵa nazar aýdaraıyqshy.
Bul sýrette kimderdiń sýretin kórip tursyńdar?
- Iá, bul sýrette súıispenshiligi mol, bir - birine ystyq yqylaspen, aıaly sezimmen qarap otyrǵan dastarhan basyndaǵy otbasy múshelerin kórip otyrmyz.
Otbasy týraly áńgimeleý.
Oıyn: " Mynaý kim?"
Maqsaty: Balalardy tapqyrlyqqa, este saqtaý qabiletin damytýǵa baýlý.
Sharty: otbasyndaǵy múshelerdiń atyn atap, jasyrynǵan otbasy múshesin tabý.
Sergitý jattyǵýy: Atamnyń alyp kúregin,
Aýlanyń qaryn kúredim.
Ájeme men qudyqtan,
Sý ákelip beremin.
Edendi de jýamyn,
Shań - tozańdy qýamyn.
Oıyn suraq: " Kóńildi dop"
- Otbasy múshesin ata.
- Otbasynda kimdi jaqsy kóresiń?
- Otbasynda kimge syılyq jasaısyń?
- Anańa qalaı kómektesesiń?
- Úıge qonaq kelgendi unatasyń ba?
- Dastarhan basynda ózińdi qalaı ustaısyń?
- Úıdegi inińe, qaryndasyńa qalaı kómektesesiń?
- Jaraısyńdar, balalar, óte jaqsy.
Ústel ústi oıyny:
"Qýyrshaqty kıindiremiz"
Maqsaty: balalardy adamgershilikke, syılastyqqa, meıirimdilikke, shapshańdyqqa tárbıeleý.
Sharty: qatty qaǵazdan qıylǵan qýyrshaq maketin kıim úlgisimen kıindirý.
Balalardyń jumysyn madaqtaý.
- Balalar, qýyrshaqqa óte jaqsy kıimderin kıindire bildińizder, adamgershilik, meıirimdilik qasıetterińizdi kórsete bildińizder.
- Óte jaqsy balalar.

Qorytyndy: Biz búgin ózimizge eń jaqyn, eń qymbat otbasymyz týraly áńgimeledik. Biz olardy jaqsy kórýdi, syılaýdy, kómektesýdi úırendik. Otbasy eń jaqyn adamdardyń oshaǵy ekenin bildik. Oıyndar oınadyq. Búgingi sabaqqa óte jaqsy qatysyp, suraqtarǵa jaýap bere bildińder. Bárimiz birge otbasymyzǵa tilek sózder aıtyp, búgingi sabaǵymyzdy aıaqtaımyz!