InfoHub Logo

Bilim berý salasy: Komýnıkasıa
Uıymdastyrylǵan oqý qyzmeti: Sóıleýdi damytý.
Taqyryby: Meniń otbasym.
Maqsaty: Balalarǵa otbasy músheleri týraly túsinik berý. Otbasyndaǵy ózara syılastyq qarym - qatynas daǵdylaryn damytý. Úlkenge izet kórsetip, kishige qamqor bola bilýge, adamgershilikke tárbıeleý.
Qoldanylatyn kórneki quraldar: slaıd, dıdaktıkalyq materıaldar, býklet, sýretter
Ádis - tásilderi: túsindirý, suraq - jaýap, oıyn.

Motıvasıalyq - qozǵaýshylyq
Shattyq sheńberi: Araılap tań atty,
Altyn sáýle taratty.
Qaıyrly kún,
Qaıyrly tań, dostar.
Senderdi kórsem qýanam.

Uıymdastyrýshylyq - izdenistik
- Balalar qazir jyldyń qaı mezgili?
- Qys aılaryn bilesińder me?

- Qys mezgiliniń basqa mezgilderden
aıyrmashylyǵy qandaı?
- Qys mezgili nesimen qyzyqty?

- Balalar búgin biz otbasy týraly áńgimelesemiz. Otbasy degen sózdi qalaı túsinesińder? Otbasy degenimiz ata - ana jáne jaqyn týystaryńyz, ıaǵnı bir úıde turatyn adamdar. Úıdegi atalaryń men ájeleriń otbasyndaǵy eń úlkender, sondyqtan sender olardy qurmettep, syılaýlaryń kerek. Al áke men ana senderdiń eń jaqyn adamdaryń. (Slaıd kórsete otyryp, otbasy múshelerin tanystyrý). - Bulardy bir sózben qalaı dep aıtamyz?
- Ájemiz, atamyz, anamyz, ákemiz, aǵa - ápkelerimiz bizdi erkeletip ataıdy. Olar senderdi «kúnim, aıym, juldyzym» dep aspandaǵy ǵajaıyp nárselerge teńeıdi.
- Qane, otbasynda senderdi kimder jáne qalaı erkeletedi eken. Esimizge túsirip aıtyp kóreıikshi.

- Otbasy týraly qandaı taqpaq bilesińder?

1 - bala:
Otbasy ol baqyt,
Otbasy ol ata - ana,
Otbasy ol shańyraq.

2 - bala:
Atamnan bastalar,
Ájemnen qostalar.
Otbasy mynalar,
Eń jaqyn adamdar.

3 - bala:
Atadan aqyl alamyz,
Atamyz bizdiń panamyz.
Atamyz bizdiń danamyz,
Atadaı adam bolamyz.

4 - bala:
Ata menen ananyń,
Aıtqan tilin alamyn.
Úlken - kishi jumsasa,
Qaıda bolsyn baramyn.

Sergitý sáti: Terbeledi aǵashtar,
Jel esedi aldymnan.
Kip - kishkene aǵashtar,
Bip - bıik bop ósedi.

Sanamaq:
Bas barmaǵym - atam úıdiń danasy,
Balań úırek - ájem otaý panasy.
Ortan terek - ákem úıdiń tiregi,
Shyldyr shúmek anam, shańyraq ajary.
Kishkene bóbek - men báriniń bazary

Dıdaktıkalyq oıyn: «Bes saýsaq». Oıyn sharty: taqtaǵa bes saýsaq ilinedi. Bes saýsaqqa otbasy músheleriniń sýretterin bir - birlep japsyryp, atap
shyǵady.

Meıirim sheńberi: Sheńberge turyp óz otbasylaryna arnap jyly lebizderin aıtady.

Atyraý oblysy, Jylyoı aýdany,
Qulsary qalasy, № 19 jalpy orta bilim beretin mekteptiń
shaǵyn ortalyq tárbıeshisi Súndetova Kúnzıra Rahymqyzy

Meniń otbasym. júkteý