InfoHub Logo

Bilim berý salasy: Qatynas. Áleýmettik orta.
Bilim kózderi: Qorshaǵan ortamen tanystyrý.
Taqyryby: Qazaqstan Respýblıkasynyń rámizderi.
Maqsaty: Qazaqstan Respýblıkasynyń rámizderimen tanystyrý. Rámizderdi tanyp, bilip, aıtyp berýge úıretý. Qazaqstan Respýblıkasynyń rámizderine qurmetpen qaraýǵa tárbıeleý.
Kórnekilikteri: Qazaqstan Respýblıkasynyń rámizderiniń sýreti, slaıd.
Ádis - tásilderi: sózdik, kórnekilik, oıyn.

Sabaqtyń júrý barysy:
Balalar shattyq sheńberin quryp, óleń joldaryn aıtady.
Bir shańyraq astynda,
Tatý tátti turamyz.
Birge ishemiz asty da,
Birge saıran quramyz.
Suraqtarǵa jaýap alý.
- Qazir jyldyń qaı mezgili?
- Kóktem mezgili neshe aıdan turady?
- Kóktemde qandaı ózgeristerdi baıqaısyńdar? t. b.
Kirispe áńgime
- Balalar, bizdiń Respýblıkamyz qalaı atalady?
- Bas - qalamyz qaı qala?
- Bizdiń elbasymyz Qazaqstan Respýblıkasynyń prezıdenti Nursultan Ábishuly Nazarbaev. Nursultan Nazarbaev - ózi eńbekqor, bilimdi, izdempaz. Ol óziniń osyndaı eńbekqorlyǵynyń arqasynda memleketimizdiń basshysy bolyp otyr.
Qazaqstan Respýblıkasynyń Ánuranynyń ánin jazǵan Shámshi Qaldaıaqov, sózin jazǵandar - Jumeken Nájimedenov, Nursultan Nazarbaev. Biz ándi oryndaǵan kezde qolymyzdy júrektiń tusyna qoıamyz. Óıtkeni biz memleketimizdi júregimizben jaqsy kóremiz.

Týdyń túsi - kók, týdyń sol jaq jıegi qazaq halqynyń oıýymen órnektelgen. Týdyń ortasynda sary tústi shuǵylaly altyn kún. Altyn túspen sary tús baılyqty, molshylyqty bildiredi. Kúnniń astynda búrkit, qyran qus - erkindik, birliktiń belgisi.

Qazaqstan Respýblıkasynyń Memlekettik eltańbasy – dóńgelek nysandy jáne kógildir tús aıasyndaǵy shańyraq túrinde beınelengen, shańyraqty aınala kún sáýlesindeı tarap ýyqtar shanshylǵan. Shańyraqtyń oń jaǵy men sol jaǵynda ańyzdardaǵy qanatty pyraqtar beınesi ornalastyrylǵan. Joǵarǵy bóliginde – bes buryshty kólemdi juldyz, al tómengi bóliginde «Qazaqstan» degen jazý bar.

Báıterek 2002 jyly Astana qalasynda ashyldy. Báıterek Astanadaǵyeń bıik ǵımarat. Báıterektiń joǵarǵy jaǵynda altyn tústes shar ornalasqan.
- Balalar, rámizder, qalalar týraly qandaı taqpaq, maqaldar bilesińder?

Gaýhar: Aınymaıdy aspannan,
Bizdiń týdyń boıaýy.
Ony halyq qashanda,
Bıikke ilip qoıady.

Aıarý: Eltańbasy elimniń,
Netken áıbat, ádemi,
Tunyǵyndaı kóńildiń,
Ortada - aspan álemi.

Atyraý oblysy, Jylyoı aýdany,
Qulsary qalasy, № 19 jalpy orta bilim beretin mekteptiń
shaǵyn ortalyq tárbıeshisi Súndetova Kúnzıra Rahymqyzy

Qazaqstan Respýblıkasynyń rámizderi. júkteý