InfoHub Logo

Ásetova Zarına Mahmýtqyzy                                              
Syrym aýdany Jambyl aýyly
JBB Jambyl negizgi mektebiniń
Bastaýysh synyp muǵalimi

«El esinde bir jyl qalǵyn kelse-as ber, on jyl qalǵyń kelse-aǵash otyrǵyz, al máńgi qalǵyń kelse-bala tárbıele»  deıdi halyq danalyǵy. Men úshin eń qasterli de, qasıetti mamandyq ol - ustazdyq.

«Ustazdyq etken jalyqpas, úıretýden balaǵa» dep uly Abaı atamyz aıtqan osynaý qasterli mamandyqtyń ıesi atanǵanyma 3 jyldan asa ýaqyt boldy. Qıyny men jeńili, qyzyǵy men qýanyshy mol bolǵan eńbek jolyndaǵy pedagogıkalyq ustanymym - únemi jańalyqqa umtylyp, aldyńǵy qatardan kóriný jáne ár oqýshynyń boıynan jaqsylyq taýyp, bulaqtyń kózin ashý arqyly bıik maqsattarǵa jeteleý.

«Ana meıirimi men ustaz meıirimi egiz» demekshi, adam balasynyń ómirindegi qasıetti ananyń biri bolyp tabylatyn ustazdyq qyzmet sonyń ishinde bastaýysh synyp muǵalimi bolý asa jaýapkershilikti is dep bilemin. Osyndaı jahandaný zamanynda tuspa-tus kelgen bizdiń   shákirtterimizdiń boıynda ulttyq rýhymyzdy sińirip, tili men dinin, dilin berik ustanǵan urpaq oqytý, tárbıeleý barysynda bastaýysh synyp muǵaliminiń moınyna júkteletin mindet zor. Meniń pedagog retindegi basty ustanymym - óz ultyma rýhanı dińgegi myqty, qazaq elin álemdik  keńistikke erkin samǵata alatyndaı, bilim men tárbıe dep atalatyn qos qanatyn qomdaǵan zamanyna saı urpaq tárbıeleýge óz úlesimdi qosý.

 Uly Abaı “Adamnyń adamshylyǵy jaqsy ustazdan bolady”, dep aıtqany belgili. Adamzat balasynyń altyn táji, asyly Paıǵambarymyz  Muhammed s.g.s  hadıs sharıfinde bylaı deıdi: «Adam balasynyń boıynda bir kesek et bar, eger sol et  durys bolsa, sol adam durys  bolǵany, al eger sol et durys bolmasa onda barlyq  dene búlinedi».  Al uly aǵartýshy Ahmet Baıtursynov: «Mekteptiń jany — muǵalim. Muǵalim qandaı bolsa, mektebi hám sondaı bolmaqshy, ıaǵnı muǵalim bilimdi bolsa, bilgen bilimin basqaǵa úırete biletin bolsa, ol mektepten balalar kóbirek bilim bilip shyqpaqshy. Solaı bolǵan soń, eń áýeli, mektepke keregi — bilimdi, pedagogıka, metodıkadan habardar, oqyta biletin muǵalim», — degen.

Men aqparat keńistiginen habar alyp, sabaqtardyń qalaı ótý barysyn kórip, ózge ustazdardan aqyl-keńes alyp otyramyn. ustaz.kz sabak.kz, bilimland t.b. kóptegen saıttarǵa kirip turamyn.

Bastaýysh synyptardy oqytý barysynda ınteraktıvti modýldik  tehnologıalardyń ádisin qoldanamyn.  Keleshekte óz ádistemelik tehnologıalarym men sabaq úıretý sheberligimdi jetildirý úshin mynadaı jumystar júrgizý qajet dep bilemin:

— úzdiksiz biliktiligimdi kóterip otyrý;

— arnaıy ádebıetterdi oqý;

— oqytýdyń jańa ádisteri men tehnologıalaryn endirip otyrý;

— ózindik sarap júrgizý arqyly uztazdyq sheberlikti jetildirý.

Qazirgi aqparattyq tehnologıanyń zamanynda  urpaǵymyzdyń boıynda kitap oqý úrdisi kenjelep qalǵan. Osy kemshilikti joıý barysynda   shákirtterime kitap oqýǵa kóptegen tapsyrmalar beremin. «Poezıa baspaldaǵy» atty úıirmemde balalardy qazaq halqynyń marjan  sózderimen sýsyndatýǵa, kitap oqýǵa baýlyımyn.

Halqymyzda «Jas kelse - iske» degen keremet sózi bar. Demek men boıymdaǵy jastyq jigerimdi, kúsh qýatymdy, jańashyldyǵymdy shákirt  tárbıeleýge jumsaýym kerek dep oılaımyn. Bolashaqta óz oqýshylarymdy bıik belesterden kórsem, sol úshin ózimniń kishkene de bolsa   úlesim tıgen bolsa, men ózimdi baqytty ustaz, baqytty adam dep bilemin.

---