InfoHub Logo

Taqyryby: «Meniń Qazaqstanym» taqyrybynda kompozısıalyq jumys jasaý. Kompozısıa
Sabaqtyń taqyryby: «Meniń Qazaqstanym» taqyrybynda kompozısıalyq jumys jasaý
Sabaqtyń maqsaty:
1. Bilimdilik: Taqyryp boıynsha kompozısıalyq jumys jasaýdy úıretý.
2. Damytýshylyq: Palıtradaǵy árbir boıaýdyń múmkindikterin tereń zertteýine múmkindik jasaý, tús tabýdaǵy oqýshylardyń sheberlikterin damytý.
3. Tárbıelik: Oqýshylardy otansúıgishtikke, patrıottyq sezimge tárbıeleý.
Kerekti qural - jabdyqtar: A - 3 formattaǵy qaǵaz, qaryndash, óshirgish, bor, taqta, ár túrli tehnıkalarda jasalǵan sýret tablısalar, prezentasıalar, vıdeo, proektor t. b.

Sabaqtyń jospary:
1) Uıymdastyrý kezeńi
2) Ótken sabaqty qaıtalaý
3) Oıyn jattyǵýlar, sergitý sátteri
4) Jańa sabaqty túsindirý
5) Saramandyq jumys
6) Sabaqty qorytyndylaý
7) Úı tapsyrmasy

Sabaqtyń barysy: 1. Oqýshylardy túgendeý, daıyndyqtaryn tekserý.
2. Balalar biz ótken sabaǵymyzda «Meniń qalam» taqyrybynda kompozısıalyq jumys jasaǵan bolatynbyz. Sony qysqasha eske túsireıik.
1) Qazaqstannyń astanasy qaı qala?
2) Oblysymyzdyń ortalyǵy qaı qala?
3) Qazaqstannyń qandaı qalalaryn bilesińder?
3. Oıyn jattyǵýlar. Jańa sabaǵymyzdy bastamas buryn kishkene oıyn jattyǵý sergitý sátterin jasap óteıik.
1) Men balalarǵa sýret kórsetemin, oqýshylar aıyrmashylyǵyn tabýy kerek.
2) Qapshyqqa bir zat salynady, balalar ony qaramaı sıpaı otyryp qandaı zat ekenin taýyp, taqtaǵa sýretin salýy tıis.
3) Oqýshylar kezek - kezek shyǵyp, birneshe qadam jasaıdy. Ár qadam basqan saıyn bir janr dep nemese beıneleý óneriniń túrinen aıtady.

«Qazaqstan – uly Otanym»

Qazaqstan meniń elim, ańsaǵanym
Keń baıtaq jerińmenen tamsanamyn.
Asqar taý, belderińmen maqtanyp,
Kúlimdep, men de bir shattanamyn.

Otanym – Qazaqstan týǵan elim,
Oınap kúlip er jetken týǵan jerim.
Óse ber órkendeı ber, Elim meniń,
Ardaqtap máńgi men seni ótermin.

Árbir janǵa óziniń otbasy, týǵan - týystary, joldastary ystyq bolsa, Otan da adam balasyna solaı da ystyq. «Otan» dese adamnyń júregi ezilip, júrekke jyly bolyp eseptelinedi. Kez kelgen ult ókilderiniń óz Otany bar ekeni aıdan anyq. «Otan úshin otqa tús - kúımeısiń» - degen maqal bar. Rasynda da eger Otan úshin janyńdy qısań, ol úlken abyroı. Otan úshin ólgen adamnyń ózi ólgenimen, aty eshqashanda ólmeıdi. Tarıhta máńgi qalady.
Otan degen – seniń týyp ósken, kindik qanyn tamǵan jer, ata – anań, dosyń Otanǵa degen mahabbat, syılastyqpen ulassa – ol adamnyń rýhanı deńgeıiniń bıiktigi. Degenmen de Otanǵa degen mahabbat pen súıispenshilik, anaǵa degen mahabbatpen teń.

Bizdiń Otanymyz – Qazaqstan. Qazaqstanda dúnıege kelip, osynda turyp jatyrmyz. Qazaqstandaı elimiz bolǵanyna, qandaı elderde, memleketterde júrsek de maqtana alamyz. Qazaqstan jer kólemi jaǵynan Dúnıejúzi boıynsha toǵyzynshy orynda. Keń baıtaq jerimiz biz úshin maqtanyshqa turarlyq. Qazaq elinde 18 mln - ǵa jýyq halyq turady. Árıne, bul ózge memleketterge qaraǵanda ortasha kórsetkish. Qazaqstanda 150 - ge jýyq ózge ult ókilderi ómir súredi. Bul nátıjege júgine otyrsaq, Qazaq eli óziniń jeri sıaqty keń peıildi, qonaqjaı, birligi men yntymaǵy jarasqan el ekenine kóz jetkizýge bolady. Qazaqstan táýelsiz memleket. Sondyqtan da onyń óz ánurany, prezıdenti, rámizderi bar.

Meniń Qazaqstanym taqyrybynda kompozısıalyq jumys jasaý. Kompozısıa. júkteý