InfoHub Logo

Meniń esimin Mýnısa. Men Ál-Farabı atyndaǵy QazUÝ-niń medısına jáne densaýlyq saqtaý fakúltetiniń stomatologıa mamandyǵyna tústim. Stýdenttik ómir jarqyn sátterge toly. Stýdent bolǵanym men úshin keremet.

Mektep qabyrǵasynda 11 jyl oqyp, jańa ómir jolyn bastaǵan árbir jas stýdent úshin ýnıversıtet mekemesi úlken bir qamaldaı kórinedi. Balalyqtyń bal dámin birge tatyp ósken dostarymen aıyrylysyp, jat jerge tanymaıtyn adamdar ortasyna kelý kez kelgen jas túlektiń júreginde qorqynysh týǵyzary anyq. Dál solaı men de osydan Ál Farabı atyndaǵy qazaq ulttyq ýnıversıtetine kelgen edim.

Týǵan jerimdi, otbasymdy, jaqyn dostarymdy atamekende tastap, jalǵyz ózim tanymaıtyn qalaǵa, múlde bilmeıtin bilim ordasyna aıaq bastym. Basynda úlken qorqynyshqa boı aldyrǵanmen, jańa túsken tobymdaǵy balalar da ózim sıaqty bolyp shyqty. Birden dostasyp ketip, osy 3aı otbasynyń balalaryndaı bolyp kettik. Qazirgi  qarasam, óz tobymyzben talaı oqıǵanyń kýási boldyq.

Áli esimde, KAZNÝ tabaldyryǵyn attaǵan kezdegi tolqynysym, alǵashqy sabaqqa kirgende ustaz aldyndaǵy qorqynysh, bolashaqqa bastaý, mamandyqty ıgerýdegi jaýapkershilik pen túrli-túrli sezimder boıymdy bılep alǵan edi. Alaıda joǵarǵy bilim ordasynyń ustazdar qaýymy osy oraıda maǵan kóp qoldaý kórsetti. Janymdaǵy dostarym da, grýppalastarym da árqashan qasymnan tabylyp, qol ushyn berip júrdi. Sol úshin de rızamyn.

Jalpy adamnyń ómiriniń eń qyzyqty shaǵy – jastyq shaq deıdi. Sonyń ishinde stýdenttik jyldarǵa tuspa-tus kelgen shaq bolsa kerek. Nege? Sebebi adamnyń ómirlik kásibin, óz mamandyǵyn meńgerip, armanyna jol bastaıtyn, keıbir jastardyń mahabbatyn ne shyn dosyn taýyp jatatyn ýaqyt emes pe bul? Dál solaı men de ózimniń osy 3aı ýaqytymda kóp nársege ıe boldym dep oılaımyn. Sonymen qatar Almaty qalasyna kelgende meni birden ózine tartyp turatyn bir mekemeniń bolary anyq. Ol – ýnıversıtet. Meniń jalyndy jastyǵymnyń kýási bolǵan qara shańyraq ordasy.

Stýdenttiń ýaqyty oqýmen ótedi eken dep oılap qalmańyz. Bul meniń tek bir kúndik ómirim. Stýdenttik shaqtyń budan da basqa esten ketpeıtin qyzyqtary bolady. Móldir mahabbat, alǵashqy qıyndyqtar, oıyn-saýyqqa toly keshter, jataqhanadaǵy ómir de osynda bolady. Ony bir jazbaǵa syıdyrý da múmkin emes shyǵar. Alaıda máńgi stýdent bolý eshkimniń mańdaıyna jazylmaǵan. Kún artynan kún jalǵasyp osy sátter de óte shyqpaq. Bastysy halqyma qyzmet etip,  etken  dáriger bolsam eken dep tileımin.

Ál-Farabı atyndaǵy QazUÝ

Medısına jáne densaýlyq saqtaý fakúltetiniń

1 kýrs stýdenti Sabýrova Mýnısa

Aǵa oqytýshy: Kaırakbaeva G.S. jetekshiligimen

---