InfoHub Logo

Maqsaty: 1. Oqýshylar aýyldyń mádenı ortasy, tarıhy jáne tabıǵı ortasy, sharýashylyǵy, ekonomıkasy týraly bilim alady.
2. Logıkalyq oılaý qabiletin óz oı, pikir tujyrymdaryn baılanystyryp sóıleýin, sóıleý mádenıetin damytady.
3. Shyǵarmashylyq qabileti damyǵan, ulttyq sana - sezimi joǵary, bilimge qushtar, azamattyq ustanymy berik, Otansúıgishtikke jáne adamgershilikke tárbıelenedi.
Kórnekiligi:
1. Aýylym – altyn besigim taqyryp;
2. Elbasy N. Á. Nazarbaevtyń aýyl jaıly sózi;
Aýyldyń dalasyz kúni joq, Dalanyń aýylsyz quny joq
3. QR kartasy;
4. Sýretti rebýs;
5. Sabaqta paıdalanylatyn taqyrypshalar:
- Tarıh til qatqanda...
- Otty jyldarda.
- Elge eńbegi sińgen.
- Oqý - aǵartý salasynda.
- Bolashaq jastardyń qolynda.
6. Beınetaspa Aýylym;
7. Kitap kórmesi;
8. Keste Mal sharýashylyǵy, Kógaldandyrý.
Shyǵarmashylyq jumys túri:
İ top Aqyndar toby; (aýyl, týǵan jer týraly shyǵarmashylyq jumystary)
İİ top Jasyl el toby; (aýyl jáne mektep mańyna egilgen aǵashtar sany týraly málimet beredi)
İİİ top Sáýletshiler toby; (aýyldyń bolashaq týrızm ortalyǵy Arasan jaıly maket daıarlaıdy)
İV top Salystyrýshylar toby (Venn dıagramsy boıynsha aýyldyń ótkeni men búginin salystyrý)
V top Bizde qonaqta
Aýyzsha jýrnal:
1 - shi beti: Bilim ordasy.
2 - shi beti: Mektep tarıhy
3 - shi beti: Aınalaıyn topyraǵyńnan, týǵan jer!
4 - shi beti: Mektebim meniń, mektebim! (poezıa beti)
Kirispe: Qazaq degen mal baqqan elmiz,
Eshkimge soqtyqpaı jaı jatqan elmiz,
Jerimizdi jaý baspasyn dep,
Elimizden qut – bereke qashpasyn dep,
Naızaǵa úki taqqan elmiz,- degen eken rýhy máńgi ólmeıtin Qazybek bı.
Bizdiń Otanymyz – Táýelsiz Qazaqstan! Qazaqstan degende kóz aldymyzǵa keń baıtaq dala, sheksiz jazıra dala elesteıdi. Iaǵnı dala beınesi kóz aldyńa keledi. Bul keń dala - qazaqqa qymbat dala.
Júregim, jyrym seniki,
Keńisti dalam, keń dalam.
Týdym, óstim eseıdim...
En dalam – anam, men balań!
Qazaq dalasy shejirege baı dala. Olaı bolsa, búgingi sabaǵymyzdy sýretti rebýs sheshýden bastasaq..
Aýylym – altyn besigim
Oı qozǵaý:
Aýyl degendi, altyn besik degendi, týǵan jer degendi qalaı túsinesińder? Aýyl kimderdiń mekeni? osy oı tóńireginde sóz qozǵasaq..
(Oqýshy oılary tyńdalady)
Oqýshy: Meniń oıymsha aýyl ár adamnyń ata - teginiń besigi, arqa súıeri, balalyq shaqtyń mekeni. Atamekenge degen mahabbat, Atamekenge degen saǵynysh aýyldan bastalsa kerek.
Oqýshy: Qazaqtyń handary men batyrlary, ǵalymdary, ǵylymdary men qalamgerleri osy aýyl dalasynan qanat qaǵyp qıaǵa ushqan.
Oqýshy: Qazaqtyń uly aqyny Abaı, uly jazýshy Muhtar aýyldan shyqsa, batyr Baýyrjan Momyshuly aýyl balasy.
Oqýshy: Osy keń daladan tuńǵysh ǵaryshker ushyryldy, Qaharman batyr Qasym Qaısenov, tipti Elbasymyz Nuraǵa da aýyl perzentteri.
Muǵalim: Jaqsy, olaı bolsa, aýyl - ár adamnyń qutty, kıeli mekeni.
Sen de kettiń, men de kettim, ol da ketti aýyldan,
Uıat boldy, uıat boldy - aý aýyldaǵy qaýymnan,- degen óleń shýmaǵynda Muqaǵalı aǵamyz ne aıtpaq boldy?
Oqýshy: Osy bir óleń joldarynda Muqaǵalı aǵamyz bárimizge oı salyp, aýyl jaǵdaıyn jyrlasa, Elbasy joldaýymen Aýyl jyldary jarıalanǵanyn bilemiz. Bul tarıh betterinde qala beredi.
Oqýshy: Aýyl desem, mal elester kózime,
Aýyl desem, dán elester kózime
Aýyl desem er salamyn qur atqa
Aýyl desem, án estiler qulaqqa,- degendeı, Aýylym ánin Tolqyn oryndap bersin.
Muǵalim: Mine, aýyl jaıly birer sóz qozǵasaq, Aýylym – altyn besigim tárbıe saǵatynda óz aýylymyzǵa toqtasaq.... (beınetaspadan aýyl kórinisi)
Aıhoı, shirkin Saıhan menen Saýyrym,
Ata – ana, qurbylar men baýyrym,
Qıyndyqqa moıymaǵan ár ýaqyt
Qaıran meniń ósip - óngen aýylym!
Oqýshy: Kókeıde qaıda oılasań dana turaq,
Syry mol shejireli dara turaq
Atyńnan aınalaıyn týǵan jerim,
Aıaýly mekenimiz Q a r a b u l a q!
Oqýshy: Aýylymyzdyń tarıhyna úńilsek...
Tarıh til qatqanda...
Oqýshy: Ulan baıtaq dalamyz Qazaqstannyń bir bóligi - Jer Ana tósine taban tiregen Shyǵys Qazaqstan oblysy, Zaısan aýdany.
Alysta júrsem ańsarym meniń
Shólirkeı qalsam káýsarym meniń
Keýdemde júrek saǵyna jazdap,
Súıemin seni, Zaısanym meniń!
Qarabulaq aýyly Zaısan aýdanynyń soltústiginde 18 shaqyrymda ornalasqan. Soltústigi Qara Ertispen, shyǵysy Shiliktimen shekaralasady.
Oqýshy: Aýylymyzdyń ótkenine oralsaq,, Zaısan - Óskemen tas joly boıynda bulaq bolyp aǵyp jatqan sýyna baılanysty qazirgi aýylymyz Qarabulaq atanypty. Aýyl osydan 96 jyl buryn osy bastaý qasynda jalǵyz úı salynǵan eken. 1926 - 28 jyldary tuńǵysh aýyl jerinde Pahar, Krasnyı lých komýnalary quryldy. Osy komýnalardy kolhozǵa biriktirip, nyǵaıtýda Maksım Vorobev, Fedor Chechetov, Qojahmet Baısalov syndy adal azamattar kóp eńbek sińirdi.
Oqýshy: 1930 jyly birneshe usaq kolhozdar Osvobojdenıe kolhozy bolyp birikti. 1939 jyly kolhozy kópshilik orys úılerinen turatyn shaǵyn sharýashylyq boldy. Osy jyldary eń alǵash qoı maly aýdan boıynsha osy kolhozda asyldandyryldy.
Oqýshy: Otty jyldarda.(mýzyka áýenimen) Uly Otan soǵysynyń otty jyldarynda Osvobojdenıe kolhozy maıdan qajeti úshin ónimdi eńbek etti. Jalpy aýdan óńirindegi eń aýyr, jaýapty bolǵan kezeń – Uly Otan soǵysy jyldary boldy. Soǵysta zaısandyqtar basqalarmen qatar Moskvany, Lenıngradty, Belarýssıany, Qyrymdy qorǵady. Solardyń qatarynda aýyldastar da bar edi. Jantasov Qaırolda, Karıpov Anýarbek, Sadyqov Moldaqan, Tantybaev Seıtqazy atalarymyzdy maqtan etsek, Ibraev Músilim, Bazmuhambetov Záıit, Ótemisov Eraqas atalar shejireli qarttarymyz bolyp qaldy.
Oqýshy: 1955 jyly kolhoz óte kúshti ósý órkendeý jolynda alǵa basty. Osy kezde kolhoz tóraǵasy marqum Qabaqaı Esenbaev edi. Sovhozdyń mamandandyrylǵan negizgi sharýashylyǵy qosı sharýashylyǵy dep tanyldy. Sózimizdiń basynda aıtyp ketkendeı asyl tuqymdy bıazy júndi altaı kens qoılary Satpaı fermasynda ósirildi. 100 saýlyqtan 114 qozyǵa deıin alynyp, óte joǵary deńgeıde júni qyrqylǵan edi.
Oqýshy: Elge eńbegi sińgen. Qoı sharýashylyǵyn órkendetýde esimi Odaqqa tanymal Shaımardan Muqanov Sosıalısik Eńbek Eri ataǵy jáne Lenın Ordenimen ardaqtalsa, maıtalman shopan Qadylbek Turahanov, Sovet Jadaıhanov joǵary dárejege jetkeni úshin úlken nagradaǵa ıe bolǵandar. Aýylymyzdyń negizgi kóshesi Shaımardan atanyń atynda.
Qazirgi tańda aýyl ósimdik, mal sharýashylyǵymen aınalysady. Mal basy esebiniń birneshe jyldardaǵy ósýi salystyrmaly túrde kestede berilip, soǵan oqýshylar toqtalyp ótti.
Oqýshy: (beınetaspa). Qazirgi tańda 2927 halqy bar Qarabulaq aýylynda mádenıet úıi, ákimshilik, mektep, kitaphana, meshit, pochta, baılanys toraby aýyl halqy úshin qyzmet atqarýda. Sonymen qatar Túgin tartsań maıy shyǵar degendeı naryq zamanynda boı kótergen halyqty jumyspen qamtamasyz etken balyq zaýyty, sonymen qatar kórshiles jatqan QHR - nan ınvestorlar kelip qomaqty munaı kózin izdestirý maqsatynda aýyl adamdaryn jumyspen qamatamasyz etip, aýylymyzdyń turmys tirshiligi, ár úıdiń ál – aýqaty jaqsarýda.
Án Týǵan jer
Oqýshy: Iá, aýyl ómiri mektep ómirimen tyǵyz baılanysty. Mektep tarıhyn aýyzsha jýrnal arqyly tanystyryp ótsek boıynsha...
Oqýshy: 1910 jyly Zaısan - Óskemen tas joly boıynda bastaý qasynda jalǵyz aǵash úı salynǵan. Osy úı mańdaıyna 1924 jyly taǵdyrdyń ózi jarqyratyp 5 bólmeli shaǵyn bastaýysh orys mektebin bergen eken. Sol aǵash úıdi qanatyn jaıyp búgingi úlken aýylǵa jetkizgen osy shaǵyn mekteptiń qudyreti edi. Aýyl men mektep tarıhy, olardyń tynys tirshiligi bir - birine táýeldi edi. 1932 jyly qazaq bastaýysh synyby ashylyp, ony ustaz Mentaı Ibragımov basqardy.
Oqýshy: Oqý – aǵartý salasynda. 1954 - 55 jyldary orys - qazaq jetijyldyǵy, odan keıin segiz jyldyq mektepke aınaldy. Jylma - jyl oqýshy sany arta tústi. Muǵalimder qatary Zaısan, Semeı qalalarynan bitirgen ustazdarmen tolyqty. Olardyń qatarynda Arǵynbek, Qumash, Kamal, Ásıa apaılar men aǵaılar bar edi.
Oqýshy: 1963 - 64 oqý jylynan bastap orys - qazaq orta mektebine aınaldy, oǵan Abaı Qunanbaev esimi berildi. Alǵashqy mektep dırektory bolyp Mákesh Áýkebaev qyzmet atqardy. Ár jyl saıyn 65 - 85 shákirtten bitirip otyrdy. Sol kezderde kóp jyldar boıy mektepke kóńil bólip, qamqorlyq jasap kelgen aýdannyń asa qurmetti azamaty keńshar dırektory Qabaqaı Esenbaev mektepke sińirgen eńbegi úshin Qazaq SSR - niń oqý - aǵartý isiniń úzdigi belgisimen marapattalady.
Oqýshy: 1978 - 79 jylynda mektep ómirinde jańa kezeń bastaldy. 1978 jyldyń jeltoqsanynda 960 oryndyq mektep úıiniń jańa ǵımaraty paıdalanýǵa berildi. Jalpy mektep basshylyǵynda Z. Turǵanbaev, Q. Bıdahmetov, J. Jumahanov, jáne uzaq jyldar boıy N. Túıebaev, Z. Muqaı qyzmet atqardy. Qazirgi ýaqytta bilimdi de tájirıbeli mektep basshysy G. Ahtanova basqaratyn bilim ordasynda 23 synypta jáne 2 daıarlyq tobynda oqýshylar bilim alýda.
Oqýshy: Jýrnalymyzdyń 2 - shi betin ashpas buryn Nurjannyń oryndaýynda Jaılaýkól keshteri ánin tańdasaq..
Topyraǵyńnan aınalaıyn, týǵan jer - aıdary boıynsha sóz.
Tabıǵı darynymen osynaý shaǵyn aýyl mektebiniń atyn respýblıka, tipti álem jurtshylyǵyna pash etken aǵalarymyz jaıly óz aıtsaq....
Án: Týǵan jer
Jýrnalymyzdyń İİİ beti: Mektebim, meniń, mektebim. Poezıalyq jyrlarǵa arnalady.
Muǵalim: Iá, mektep pen aýyl ómiri bir – birimen tyǵyz baılanysty. Sabaǵymyzdy shyǵarmashylyq jumyspen baılanystyra ketsek:
İ top: Aqyndar toby. (Aýyl jaıly óleń joldary, bes joldy óleń shyǵarý)
İİ top Sáýletshiler toby. Aýyldyń bolashaǵyn maket arqyly daıarlap ákeldi. Bolashaq Arasan emdeý, demalys orny.
İİİ top. Jasyl el toby.
Elbasynyń Jasyl el baǵdarlamasy boıynsha mektep mańyndaǵy aǵashtar sanynyń kórsetkishi (keste boıynsha) jáne aldaǵy ýaqyttaǵy kógaldandyrý jumysy.
Top jumystary. Bolashaq jastardyń qolynda aıdarymen júrgizildi.
Qorytyndy. Muǵalim: Búgingi sabaǵymyzda oıymyzǵa ne túıdik. (Oqýshylardyń oılary suralady). Qazirgi mektepte otyrǵan joǵarǵy synyp oqýshylary - erteń aýyl dińgegin nyq ustaıtyn azamattar. Olar aýyl tarıhyn, mektep tarıhyn esten shyǵarmastaı óz aýylyna adal eńbek etip, aýyldy kórkeıtetin - 2030 jyldyń jastary.