InfoHub Logo

Maqsaty: Táýelsizdik tarıhyna sholý jasaý. Oqýshylardy eljandylyqqa, Otansúıgishtikke baýlý.

Júrgizýshi: Qazaqstan táýelsiz azat elim,
Keń baıtaq, qasıetti týǵan jerim.
Tańdaı qaǵyp bar álem tamsanatyn,
Qudiretińnen aınaldym asyl elim.

Armysyzdar, qadirli qaýym! Táýelsizdigimizdiń 29 jyldyq merekesi qutty bolsyn! Osy merekege oraı ótkizip otyrǵan «Táýelsizdik – tiregim» atty keshimizge qosh keldińizder!

Ánuran oryndalady.

Atyńnan aınalaıyn qazaq degen,
Qazaǵym qaısarlyǵyń ǵajap der em.
Saqtapsyń erligińdi saǵyń synbaı,
Kórerińdi kórseń de azappenen.

Qazaq halqynyń tarıhynda el men jer úshin, Otan úshin ólispeı berispegen kúrester az bolǵan joq.. Ulan ǵaıyr jerimizge tus - tustan kóz alartyp, antalaǵan jaýdan qazaq eliniń qaısar batyrlary naızanyń ushymen, bilektiń kúshimen atamekendi azat etip otyrdy.
Jońǵarlardyń shapqynshylyǵy aırandaı uıyp otyrǵan qazaqty tarydaı shashty.

Elimaı áýeni oryndalady. Bosyp bara jatqan kóshti sıpattaıtyn shaǵyn qoıylym kórsetiledi.

1 - oqýshy: Qarataýdyń basynan kósh keledi,
Kóshken saıyn bir taılaq bos keledi.
El - jurtyńnan aırylǵan jaman eken,
Eki kózden móldirep jas keledi.
Qazaqtyń qaıda jıyn merekesi?
El - aýyl, jerdiń ketti berekesi.
Hanzada, hanym bolyp ósken ul - qyz,
Qaı eldiń bolyp ketti kelekesi.

Júrgizýshi: Qazaq halqynyń bastan keshken qasiretin sózben aıtyp jetkizý óte qıyn.
Alashty bir týdyń astyna biriktirgen Abylaı han, qazaqtyń týra bıleri Tóle, Áıteke, Qazybekterdiń, erjúrek batyrlary Qabanbaı, Bógenbaı, Naýryzbaı syndy batyrlardyń ańsaǵan azattyǵyn alýdy kóksegen Alash zıalylary «halyq jaýy»atalyp, atylyp kete bardy.
Repressıa qurbandary jaıly slaıdttar kórsetiledi.

2 - oqýshy: Qurbandarym, jazyqsyz qurbandarym,
Bet baǵdaryn baqıǵa burǵandarym.
Qaraly jyldardaı bop qaraýytyp,
Halqymnyń máńgi esinde t urǵandarym,
Qurbandarym, jazyqsyz qurbandarym.

Júrgizýshi: Qazaq halqy Reseıdiń qol astynda Odaqtas on bes respýblıkamen tize qosyp,
Otan úshin qasyq qandary qalǵansha Uly Otan soǵysynda erlikpen shaıqasty. Syr elinen maıdanǵa qatysqan erlerimizdiń jıyrmasy «Keńes Odaǵynyń batyry» atandy.

Uly Otan soǵysyn sıpattaıtyn, slaıdttar kórsetiledi.

Án - Maıdanǵa.

Júrgizýshi: Tarıhym jatyr tasymda,
Til qatyp keler ǵasyrǵa.
Azattyq deıtin uǵymnyń,
Jeltoqsan tur basynda.

Sahnaǵa jeltoqsannyń qurbandary Erbol, Lázzat, Qaırat shyǵady. Jeltoqsan oqıǵasyn sıpattaıtyn beıneúzik kórsetiledi.

Qaırat: Elbeń, elbeń júgirgen,
Ebelek otqa semirgen.
Arǵymaq mingen jaratyp,
Aq saýyt kıgen temirden.
Alataýdaı babalar!
Arýaǵyńmen jebeı kór.
Kúnádan taza basym bar,
Jıyrma birde jasym bar,
Qasqaldaqtaı qanym bar,
Bostorǵaıdaı janym bar
Alam deseń, alyńdar!
Atam deseń, atyńdar!

Lázzat: Aınalaıyn atyńnan qazaq elim,
Jazyqsyz japa shekken janym meniń.
Namystan janym kúıdi, júrek jylap
Sen úshin shybyn jandy qıyp berdim.

Erbol: Elimniń sadaǵasy janym meniń,
Jigeri ot, namysshyl ulyń edim.
Jeltoqsannyń alaýy jandy muzda,
Máńgi jasaı bersin tek qazaq elim!

Án - Jeltoqsan jeli.

Júrgizýshi: Egemen el boldyq qaharman erlikpen,
Baǵymyz janady, baýyrmal eldikpen.
Qazaqtyń mereıi juldyzdaı joǵary,
Máńgilik jasaımyz birlikpen, eldikpen.

1991 jyly 16 jeltoqsanda san ǵasyrlar boıy armandaǵan uly kúnge jettik. Óz týymyzdy bıikke kóterip, ánuranymyzdy áýelettik. Ata zańymyzdyń aıasynda beıbit kúnniń shapaǵatyna bólendik. Álemge az ýaqytta tanylǵan jasampaz beıbitshilik pen kelisimniń qalasy Astanamyz maqtanyshymyzǵa aınaldy. Óz shekaramyzdy enshilep, shet eldermen baılanys ornattyq.. Alpaýyt elderdeı el ekonomıkasy qaryshtap damyp keledi.

Án - Qazaqtaı el qaıda?

Júrgizýshi: Qutty bolsyn mereıtoıym mereıli,
Beıbit kúnniń nury máńgi sónbeıdi.
Baıraǵymyz jelbireıdi bıikte,
Men qazaqpyn, qazaq atym ólmeıdi.
Egemenmin, táýelsizbin, erkinmin,
Óse bersin ulandary elimniń.
Qazaqstan qaryshtaı ber gúldenip,
Atameken qaster tutar kıelim.

Án - Atameken.

 Eldigimiz ben birligimizdi, yntymaq pen tatýlyǵymyzdy aıqyndaıtyn egemendigimiz máńgilik, táýelsizdigimiz tuǵyrly bolǵaı! Táýelsizdigimiz baıandy bolsyn!