InfoHub Logo

Qyzylorda oblysy, Áıteke bı kenti
№7 "Baldyrǵan" balabaqshasy
Tárbıeshi: Erbozova Baqyt

Toby: I - kishi top
Taqyryby: «Meniń súıikti oıynshyqtarym»
Maqsaty: Balalardy zattardyń atyn durys atap, oǵan sıpattama bere bilýge, tústi, pishinderdi durys ajyratyp aıtýǵa úıretý. Balalarǵa dybystardy
durys aıtyp, eki - úsh sózden sóılem qurap aıta bilýge daǵdylandyrý, sózdik qoryn molaıtý, logıkalyq oılaý qabiletin damytý, oıynǵa degen qyzyǵýshylyǵyn arttyrý.
Ádisteri: Túsindirý, kórsetý, jeke balamen jumys, boı sergitý.
Kórnekilik: Oıynshyqtar.
Motıvasıalyq qozǵaýshy.
Ǵajaıyp sát. Jyly Kún shyǵady.
Tárbıeshi:- Balalar, qarańdarshy, tobymyz jap - jaryq bolyp
ketipti ǵoı. Altyn sáýlesin taratyp, kókke shýaq shashyp turǵan neni kórip tursyńdar?
Balalar: - Kún, Kún shyqty!
Tárbıeshi: - Durys aıtasyńdar, Kún tobymyzdy jap - jaryq etip, kókke shýaq shashyp tur. Al, balalar Kúnniń túsi qandaı?
Balalar: - Sary.
Tárbıeshi: - Al Kúnniń pishini qandaı?
Balalar: - Dóńgelek
Tárbıeshi: - Balalar Kún bizge altyn sáýlesin taratyp, kúlimdep tur. Endeshe balalar, biz de qolymyzdan ustap, alaqan jylýymyzdy berip, qolymyzdy qysyp ustaıyq. Balalar bir - birimizge alaqan jylýymyzdy syıladyq.
- Qarańdarshy, qandaı pishinge uqsap turmyz?
- Iá, biz kúnniń beınesin jasap dóńgelenip turmyz.
Mine, biz dostyǵymyzdy tatýlyǵymyzdy, dostyǵymyzdy kórsete bildik.
- Balalar kúnniń ekinshi jartysynda qyzyqty oıyn oınaǵanbyz. Osy oıyndy eske túsireıikshi. Balalar ne kórip tursyńdar?
Balalar: - Qoı, eshki, sıyr, túıe.
Tárbıeshi: - Durys aıtasyńdar. Esimizge tústi me? Bulardyń barlyǵyn bir sózben úı janýarlary dep ataımyz. Osy oıyndy tolyǵymen eske túsireıik.
- Mynaý ne?
Balalar: - Sıyr
Tárbıeshi: - Balalar sıyrdyń túsi qandaı?
Balalar: - Qara
Tárbıeshi: - Qandaı dybys shyǵarady?
Balalar: - Mó - mó - mó.
Tárbıeshi: - Al mynaý ne?
Balalar: - Eshki
Tárbıeshi: - Ol qalaı dybystaıdy?
Balalar: - Má - má - má
Tárbıeshi: - Bul ne?
Balalar: - Túıe.
Tárbıeshi: - Túıe qalaı dybystaıdy?
Balalar: - Bó - bó - bó
Tárbıeshi - Mynaý ne?
Balalar: - Jylqy
Tárbıeshi: - Jylqy qalaı dybystaıdy?
Balalar: - Io - ıo - ıo

Uıymdastyrý - izdestirý:
Tárbıeshi: - Bárekeldi balalar, úı janýarlarynyń qalaı dybystaıtynyn eske túsirdik. Jaraısyńdar! Balalar búgin men senderge erekshe bir qyzyq kórsetkim kelip tur. Myna meniń qolymdaǵy taıaqsha jaı taıaqsha emes sıqyrly taıaqsha. Osy taıaqsha arqyly kez kelgen jerge tıgizsem tań ǵajaıyp bir nárse kórýimizge bolady.
- Oı balalar, ne degen kóp oıynshyqtar.
- Balalar, qarańdarshy, bul qandaı oıynshyqtar?
Balalar: - Qýyrshaq
Tárbıeshi: - Qýyrshaqqa at qoıaıyqshy. Kim dep qoıamyz?
Balalar: - Aısha.
Tárbıeshi: - Aısha. Óte ádemi ásem. Kóıleginiń túsi qyzyl eken. Qane, barlyǵymyz qyzyl dep aıtaıyqshy.
Balalar: - Qyzyl
Tárbııeshi: - Qýyrshaqpen kimder oınaıdy?
Balalar: - Qyz balalar
Tárbıeshi: - Balalar mynaý ne?
Balalar: - Dop
Tárbıeshi: - Doptyń pishini dóńgelek. Bárimiz birge aıtaıyq.
Balalar: - Dóńgelek
Tárbıeshi: - Doptyń túsi qandaı?
Balalar: - Kók
Tárbıeshi: - Balalar biz doppen ne isteımiz?
Balalar: - Oınaımyz.
Tárbıeshi: - Doppen oınaǵan kóńildi. Senderge de doppen oınaǵan unaıma?
Balalar: - Iá
Tárbıeshi: - Al balalar dop týraly taqpaq bilemiz be?
Balalar: - Bilemiz.
Tárbıeshi: - Nursaıa sen aıta qoıshy.
Dobym, dobym, domalaq,
Toqtamaısyń domalap.
Balshyqqa sen jolama,
Jek kóremin onyńdy.
Búldiresiń ústińdi.
Bárekeldi, jaraısyń!
Tárbıeshi: - Mynaý ne balalar?
Balalar: - Aıý
Tárbıeshi: - Aıý neni jaqsy kóredi?
Balalar: - Baldy.
Tárbıeshi: - Aıý qaıda tirshilik etedi?
Balalar: - Ormanda.
Tárbıeshi: - Barlyǵymyz turyp aıýdyń júrisin salyp kórseteıik. Aıý qorbań - qorbań etip júredi. Endeshe bárimiz aıý týraly taqpaq aıtaıyq.
Qorbańdaǵan aıýdyń,
Qulpynaıy kóp eken.
Terip, terip alaıyq,
Qaltamyzǵa salaıyq.
- Jaraısyńdar balalalar, boıymyzdy bir sergitip aldyq. Qane, balalar ornymyzǵa otyraıyq.
- Mynaý ne?
Balalar: - Kólik
Tárbıeshi: - Durys aıtasyń. Kóliktiń dóńgelekteri bolady. Kólik sol dóńgelekter arqyly júredi. Kólikti kim júrgizedi?
Balalar: - Aǵalarymyz, ápkelerimiz.
Tárbıeshi: - Erasyl kólik týraly taqpaq bilesiń be? Qane, aıtyp bershi.
- Bıp, bıp, bıp deıdi,
Joldan bylaı ket deıdi.
Kúshikti, kúshikti basýǵa,
Bolmaıdy, bolmaıdy mashına.
- Bul oıynshyqty qalaı ataımyz?
Balalar: - Syldyrmaq
- Biz syldyrmaqpen oınaımyz. Ol syldyr - syldyr etip dybys shyǵarady. Syldyrmaq týraly taqpaǵymyzdy eske túsireıikshi.
Syldyr, syldyr, syldyrmaq,
Shaqyrady syldyrlap.
Qaraıdy qýyrshaq,
Qaraıdy qulynshaq.

Refleksıvti túzetýshi:

Tárbıeshi: - Jaraısyńdar. Balalar ústel ústine qarańdarshy.
- Mynaý ne?
Balalar: - Qýyrshaq, kólik, syldyrmaq, aıý, dop.
- Balalar munyń barlyǵyn oıynshyqtar dep ataımyz. Biz sıqyrly taıaqshanyń kómegimen kóptegen oıynshyqtardyń atyn atap, olar týraly taqpaq aıtyp úırendik. Balalar, osy oıynshyqtardyń barlyǵymen oınaımyz jáne oınaǵandy unatamyz. Oıynshyqtar - men oınaǵanda syndyrmaı, uqypty oınaǵan durys jáne oınap bolǵan soń sórelerge jınap qoıý kerek. Osyny árdaıym esterińde saqtańdar. Balalar búgingi
oıynǵa báriń de jaqsy qatystyńdar, taqpaqty jaqsy aıta bildińder. Ásirese, Nursaıanyń, Erasyldyń taqpaqtary unady. Balalar súıikti oıynshyqtarymyzǵa arnap ádemi án aıtyp bereıik.

Kútiletin nátıje:
Biledi: Oıynshyqtardyń atyn atap, olar týraly taqpaqtardy biledi.
Igeredi: Tústerdi, pishinderdi ajyrata alady.