InfoHub Logo

Uıymdastyrylǵan oqý is áreketiniń tehnologıalyq qartasy.
Ortańǵy topqa arnalǵan.
Bilim salasy: Komýnıkasıa
Tapayy: Til damytý.
Taqyryby: Meniń súıikti oıynshyqtarym
Maqsaty:
Bilimdiligi Balalardyń súıikti oıynshyqtary arqyly olardy baýyrmaldyqqa, meırimdilikke, qamqor bolýǵa daǵdylandyrý.
Damytýshylyǵy: Balalardy sózdi anyq aıtyp, durys sóıleı bilýge baýlý, sózdik qorlaryn damytý.
Tárbıeliligi: Olarmen qalaı oınaý kerektigin túsindirip, uqyptylyqqa, estetıkalyq talǵamdaryn keńeıtý, oıyn barysynda oıynshyqtarǵa uqyptylyqpen, janashyrlyqpen qarap áreket etýge tárbıeleý.
Bılıngvaldy komponent: oıynshyq - ıgrýshka, dop - mách, qýyrshaq - kýkla.
Qoldanylatyn kórneki quraldar: Rezeńkeden jasalǵan, temirden jasalǵan, aǵashtan jasalǵan, matadan jasalǵan oıynshyqtar jáne sýretteri, kóbelek.

Motıvasıalyq - qozǵaýshylyq
Shattyq sheńberi
Biz uqypty balamyz,
Aıtqan tildi alamyz.
Oıynshyqtardy jınaımyz,
Úlkenderdi syılaımyz.

İzdestirý - uıymdastyrý
Balalar qarańdarshy búgin bizge kóptegen qonaqtar kelipti. Qane qonaqtarmen jaqsylap amandasyp alaıyq.
Tabıǵat bizdiń anamyz!
Tabıǵatqa balamyz!
Iilip sálem beremiz!
Biz ádepti balamyz!
«Kóbelek gúlge qonady» oıyny
Oıynnyń sharty: Sender gúldersińder, sol gúlge kóbelek ushyp kelip qonady.
Kóbelek qonǵan bala meniń suraǵyma jaýap beredi.
1 Qazir jyldyń qaı mezgili?
2 Kóktem mezgilinde neshe aı bar?
3 Aýa - raıy qandaı bolady?
4. Balalar biz qaıda keldik?
5. Balabaqshada sender ne isteısińder?
6. Nemen oınaısyńdar?
Balalar búgin biz sizdermen súıikti oıynshyqtarymyz týraly áńgimelesemiz.
Tárbıeshi: Balalar endi «Neniń sýreti jasyrylǵan?» oıyn oınap alaıyq. Oıyn sharty boıynsha ózderińe unaǵan pishinderdi tańdap alyńdar, olardyń artynda sýretter bar sol neniń sýreti eken tabyńdar.
- Bul qandaı pishin?
- Pishiniń túsi qandaı?
- Balalar, sonda bular neniń sýretteri?
- Oıynshyqtardyń
(Jasyrylǵan sýretter: dop, qýyrshaq, mashına, pıramıda t. b)
- Jaraısyńdar, durys
Tárbıeshi; Qyz balalar qandaı oıynshyqpen oınaýdy unatady?
Tárbıeshi;- Durys aıtasyńdar. Qýyrshaqpen. Balalar qýyrshaqtyń ádemi shashy, ádemi kóılegi bar eken. Qýyrshaqtyń kóıleginiń túsi qandaı?
Quyrshaq týraly kim taqpaq aıtyp beredi?
Mılana
Oıynshyǵym qýyrshaq,
Ne bersem de jemeıdi.
Erkeligi sonshama,
Kótermesem júrmeıdi.
- Al, uldar kóbinese qandaı oıynshyqpen oınaıdy?
Balalar; mashınamen oınaıdy.
Tárbıeshi; Al, mashınanyń túsi qandaı?
- Kim mashına týraly taqpaq biledi?
Alı
Úlkenmin ǵoı mine men,
Oıynshyqtardy jınaımyn
Mashınaǵa miner em,
Kabınaǵa syımaımyn.
Oıynshyqtarmen qalaı oınaý kerek ekenin bilemiz be? (balalardyń jaýaby)
Myna keremet oıynshyqtar barlyǵy balalar úshin jasalǵan. Olar úlkenderdiń eńbeginiń arqasynda jasalady.
Oıynshyqtarymyzdyń neden jasalatynyn bilemiz be? Iá, onda myna oıynshyqtarymyzǵa muqıat qaraıyqshy. Oıynshyqtardyń mynadaı túrleri bar eken. Oıynshyqtardyń túrlerimen tanystyryp keteıin.
Tárbıeshi: Isalına A. S.
Meniń súıikti oıynshyqtarym. júkteý