InfoHub Logo

Bilimdilik salasy: «Qatynas»
Bólimi: Qorshaǵan orta
Taqyryby: «Meniń súıikti oıynshyqtarym»
Sabaqtyń maqsaty: Balalardyń ózderi qorshaǵan oıynshyqtary túsinigin keńeıtý, oıynshyqtar jaıly taqpaqtar aıtqyzý arqyly sózdik qoryn molaıtý, sýretter arqyly sóılem quraýǵa úıretý. Dostyqqa, uıymshyldyqqa, uqyptylyqqa jaqsy kóńil - kúıdi seze bilýge baýlý. Ózderin qorshaǵan oıynshyqtardy súıe bilýge, uqypty taza ustaýǵa tárbıeleý, oıyn arqyly oılaý qabletterin damytý.
Ádis - tásilder: Túsindirý, kórsetý, suraq - jaýap, oıyndar.
Kórnekilikter: Oıynshyqtar, úıshikter, úı janýarlary, jabaıy ańdar, jumsaq oıynshyqtar, qurastyrmaly oıynshyqtar, ún taspa, sýretter, plakattar.
Sabaqtyń barysy: Balalar sabaqty bastamas buryn, jarqyraǵan Kúnmen, Jer Anamen, qonaqtarmen amandasyp alaıyq.
Amansyń ba, Altyn Kún!
Amansyń ba, Jer Ana!
Amansyń ba, dostarym!
Senderdi kórip qýandym.
Qýan shattan, alaqaı!
Kúlip shyqty kún búgin!
Qaıyrly tań balalar!
Sálemetsizder me qonaqtar!
Shattyq sheńber: «Kúlki syılaıyq»

Tárbıeshi: Balalar sheńberge turyp bir - birine kúlki syılaıdy.
Kel, balalar kúleıik,
Kúlkimenen túleıik
Qabaq tıý ne kerek,
Kúlip ómir súreıik.
Tárbıeshi: Balalar jyldyń qaı mezgili? Men senderge jumbaq jasyraıyn sheshemiz be?
Jemis – jıdek pisip jatyr,
Túsip jatyr baý – baqta
Japyraqtar túsip jatyr,
Ushyp jatyr jan – jaqqa. (kúz mezgili)
Tárbıeshi: Balalar kúnde qaıda kelemiz?
Balalar: Balabaqshaǵa kelemiz.
Tárbıeshi: Toptyń atyn qalaı ataıdy?
Balalar: «Balapan»
Tárbıeshi: Balalar óte jaqsy jaraısyńdar!
Endeshe balabaqsha týraly kim taqpaq biledi?

Bekmuhambet: Bala, bala balamyz
Baqshamyzǵa baramyz,
Kúni boıy qyzyqqa
Batamyz da qalamyz.

Damıra: Bala baqsha esigin
Úsh tola ashqanbyz,
Balapandaı ósirip,
Mápeleıdi baqshamyz.

Tárbıeshi: Balabaqshada bizder ne isteımiz? Kim aıtady balalar? Oıynshyq oınaımyz, sabaq oqımyz, tamaq ishemiz, uıyqtaımyz, oıyn oınaımyz, dalada oınaımyz, bı bıleımiz.
Tárbıeshi: Óte jaqsy balalar.
Myna sýretterge nazar aýdaraıyq, ne kórip tursyńdar?
Balalar: Sýretterdi kórip oılaryn aıtty, qulynshaq, qýyrshaq, qoıan, mashına, dop t. b
Tárbıeshi: İshi toly bólmeniń
Oıynshyǵym mol meniń,
Bosqa tizip qoımaıyq,
Kele ǵoı, dos, oınaıyq.
Kim oıynshyqtar týraly taqpaq biledi?
Nurdana: Oıynshyqtarym kóp meniń,
Bárin jaqsy kóremin.
Keshke deıin jalyqpaı,
Birge oınap júremin.
Altynzer: Oıynshyǵym – qýyrshaq
Ne bersem de jemeıdi.
Erkeligi sonshama,
Kótermesem júrmeıdi.
Dıdaktıkalyq oıyn: «Neniń tóli?»
Oıynnyń sharty: Balalardyń kózin kórsetpeı kez kelgen dybys shyǵarý. Sony balalar estý arqyly neniń daýsy ekenin tabý.
Tárbıeshi: Neniń daýsy?
Bekmuhambet kúshiktiń daýsy. Jaraısyń endeshe bizge taqpaq aıtyp bere ǵoı.