InfoHub Logo

Men Ázıeva Shahrızada ál-Farabı atyndaǵy Qazaq Ulttyq ýnıversıtetiniń (QazUÝ) Ekonomıka jáne Bıznes Joǵary Mektebiniń 1-shi kýrs stýdentimin. Ulttyq Birińǵaı Testileýden keıingi mańyzdy qadamdardyń biri aldaǵy 4 jylyńdy tabystaı alatyn senimdi ýnıversıtet tańdaý. Osy tusta meniń tańdaýym QazUÝ-ne tústi. Oqý jylynyń bastalǵanyna kóp bolmasa da óz tańdaýyma ókingenim joq. Ulttyq ýnıversıtetti tańdaı otyra men óz bolashaǵyma nyq senimmen qaraı alamyn.

Qazaq Ulttyq Ýnıversıtetiniń birden bir ereksheligi QazUÝ qalashyǵy bolar. Kampýstyń terıtorıasy óte úlken ári ásem tabıǵatqa ıe. Munda bas ákimshilik ǵımarat, stýdentter saraıy, fakúltet ǵımarattary, kitaphana, “Keremet” stýdentterge qyzmet kórsetý ortalyǵy, Sport kesheni jáne stýdentter úıi ornalasqan. Osy tusta kitaphanamyzdy atap ótpeske bolmas. Birinshi qabatta ál-Farabı mýzeıi jáne ashana ornalasqan. Ekinshi qabatta kitaphana bolsa, úshinshi qabatta elektrondy kitap oqýǵa arnalǵan oryn bar. QazUÝ-degi árbir stýdent úshin kitaphana esigi árdaıym ashyq.

Osy ýaqytqa deıin qanshama is-sharalar bolsa da, qyrkúıek aıynda ótken 1-shi kýrs stýdentterine arnalǵan “Welcome” keshi erekshe boldy. Bul keshke óz úlesimdi qosyp úlgerdim. İs-sharaǵa at salysqanym úshin qýanyshtymyn jáne sol keshtiń kórermeni bolǵanymdy aıta keteıin. Daıyndyq barysynda ketken ýaqyt ómirime jańa dostar ákeldi. Qanshama kórermen aldynda QazUÝ sahnasyna shyǵyp óner kórsetý men úshin jetistik.

Osy maqalam arqyly Qazaq Ulttyq Ýnıversıtetin tańdap, stýdenttik shaqtaryńyzdy belsendi ótkizýge shaqyrǵym keledi.

Oryndaǵan: Ázıeva Shahrızada

Jetekshim: Tleýgabylova Z. A.

---