InfoHub Logo

Qaıyrly kún!
Keshe ǵana mektep qabyrǵasynda basyna aq bantık taǵyp júrgen myna men, búginde úlken ómirge qadam basyp, 11 jyldyq altyn uıadan qalyqtap ushyp,arman qýyp, armanymdy aqıqatqa aınaldyrý maqsatynda elimizde tańdaýly joǵarǵy oqý oryndarynyń biri Al-Farabı atyndaǵy  Qazaq Ulttyq Ýnıversıtetiniń stýdenti atandym. Bul jaıynda aıta bastaǵanda kóńilimde qobaljýmen qatar qýanysh ta alas uryp turady. "Stýdenttik ómir umytylmas shytyrmanǵa toly "- deıdi bizden bir kóılek buryn tozdyrǵandar.Iá, aıtarlyqtaı eken. Stýdenttik dárejeni alǵanyma eki-úsh aı bolar bolmas stýdenttik ómirdiń qyzyǵymen tanystym. Toptaǵylarmen , jataqhanadaǵy dos-jarandarmen qalanyń qaryshtap damyǵan jerin kórip, túrli is-sharalarǵa baryp ta jatyrmyz. Bylaı qaraǵanda bul jerlerge stýdent bolmaı turyp ta baryp júrmiz. Tańǵalatyn eshteńesi  joq tárizdi bolǵanymen, janyńdaǵy seriktermen kelgendeı bolmaıdy eken.Basynda  qysylyp, kishkene uıalyp júrdik ,keıinnen tanysqan soń ,jaqyn aralasyp ketkenimiz sonsha,qaıda barsaq  ta bir-birimizdi  izdep turamyz. Báriniń de sánin keltiretin sol dostar ,toptastar. Sonymen qatar stýdenttik ómir mektep kezderdegideı bolmaıdy eken.. Mektep kezderde bizde oqý jospary toqsandarǵa bólinse,stýdenttik baǵdarlama semestrlerge bólinedi eken.Jáne stýdenttik baǵdarlama jaıly tolyq aqparat sıllabýs júıesinde tolyq engiziledi.Sıllabýs degen ne? Sıllabýs stýdentterge arnalǵan ár pán boıynsha oqý baǵdarlamasy.Mysaly: siz sabaqta ótetin tapsyrmalar men taqyryptardy,stýdenttik ózindik jumys tapsyrmalaryn  kóre alasyz.Osy  úsh aı ýaqyt ishinde biz toptastarymyzben aǵylshyn tilinde "Artýr patsha"fılminiń kórsetilimin úlken joba retinde ótkizdik.Nelikten osy fılmdi tańdadyq?

Artýr patshanyń jaýyngerleri ár soǵysta jeńiske jetken sarmattar boldy.

Sarmattar-b. z. d. IV ǵasyrdan b. z. d. birinshi ǵasyrlarǵa deıin Eýrazıanyń Dýnaıdan Aral teńizine deıingi dala beldeýin mekendegen kóshpeli ıran tildi taıpalardan quralǵan ejelgi halyq,bizdiń ata babamyz.Biz bul jobany tarıhty eske túsire otyryp,bolashaq úshin ózderin qurban etken erlerimizdiń esimderin máńgi este qaldyrý úshin,erlikteri elen qalmas úshin uıymdastyryp,ótkizdikBul jobany uıymdastyrý kezinde biz toptastarymyzben jaqyn tanysyp,bir birimizge baýyr basyp kettik.Bul tek  alǵashqy qadamdar,bolashaqta dál osyndaı is sharalar kóp bolady dep úmittenemin.

İzgi nıetpen, Ýralova Ulbolsyn Syrlybaıqyzy

Jetekshim: Tleýgabylova Z.A.

---