InfoHub Logo

Ǵylymmen jaqyn bolsań, qolyń jeter...

Meniń joǵary oqý ornym - meniń maqtanyshym dep aýyz toltyryp aıtarlyqtaı dárejede. Bala kezimizden bastap úlken-úlken ǵımarattardan qoldaryna kitaptaryn ustap shyǵyp kele jatqan stýdentterge qyzyǵýshy edik. Endi mine ózimiz de ózgeler qyzyǵyp ta, qyzǵanyp ta qaraıtyn bildeı bir stýdent boldyq. Kóptegen elimizdiń kóshbasshysy bolyp júrgen tanymal adamdardyń izin basyp, men de QazUÝ-ne armannyń jetegine erip tústim. Bul tańdaýyma birde-bir ret ókingen emespin. Jan-jaqty bilim, qyzyqty stýdenttik shaq, ár-túrli konsert, olımpıada, stýdenttiń bilimge qyzyǵýshylyǵyn arttyratyn túrli is-sharalar, munyń barlyǵy sózsiz stýdentti alǵa jeteleıdi. "Jasta oqyǵan oqýyń - tasqa jazǵanmen birdeı" degendeı qatarlastarymyzben jarysa oqý oqımyz. Nelikten QazUÝ? Ne úshin men osy joǵary oqý ornyn tańdadym? Oǵan birneshe sebep bar: 

1. Ál-Farabı atyndaǵy QazUÝ otandyq ýnıversıtetter ulttyq reıtingisiniń kóshbasshysy jáne QS halyqaralyq reıtingisinde álemniń 800 úzdik ýnıversıtetteri arasynda 220 oryndy alady, Ýnıversıtet 13 pozısıaǵa joǵarylap, 207-shi orynǵa turaqtady. Bul - ýnıversıtetimizdiń úzdiksiz damý ústinde ekendigin kórsetedi. 

2. Ýnıversıtettik kampýsta zamanaýı oqý ǵımarattary, ǵylymı ınfraqurylym, kitaphana, ınternet-ortalyq, fýdkorttar, sport kesheni, kınoteatr, «Keremet» stýdentterge qyzmet kórsetý ortalyǵy, Stýdentter saraıy, áskerı kafedra, baseın, «Jas ǵalymdar úıi» bar. Stýdentterege yńǵaıly jataqhanalardan oryn beriledi.

3. 16 fakúltette 86 mamandyq boıynsha joǵary bilim (bakalavrıat) alý, magıstratýra men PhD doktorantýrada oqýdy jalǵastyrý múmkindigi bar. Oqý úsh tilde: qazaq, orys jáne aǵylshyn tilderinde júrgiziledi.

4. Joǵary jáne arnaıy orta bilim negizinde bilim alý. Oqýdyń túrleri: kúndizgi jáne qashyqtyqtan oqytý.

5. Úzdiksiz bilim berý júıesi: beıindik mektep, kolej, bakalavrıat, magıstratýra, PhD doktorantýra – sáttilikke bastar jol! Munyń barlyǵy basqa janǵa asyra maqtaý bolýy múmkin, biraq, QazUÝ - múmkindikterge toly ınovasıalyq meken ekendigin moıyndaýymyz kerek.  Bul jetistikter QazUÝ eńbek ujymynyń, ustazdardyń qajyrly eńbegi men ýnıversıtet basshylyǵynyń jumysty parasatty da sapaly uıymdastyrý bilýiniń arqasy ekendiginde sóz joq. Otandyq jáne sheteldik jumys naryǵynda básekege qabiletti joǵarybilikti de bilimdi mamandardy daıarlap, kadr potensıalyn qurýdy basty muraty etken QazUÝ-lyqtardyń negizgi maqsaty – klasıkalyq ulttyq ýnıversıtetten álemdik deńgeıdegi zertteý ýnıversıtetine aınalý. Qazirgi tańda, oqý ornymyz stýdentterine bilim alýǵa barlyq múmkindikti berip otyr, al ony mıǵa toqyp, ýnıversıtetimizdiń deńgeıin kóterý - bizdiń qolymyzda!

Shaken Perızat Jomartqyzy

---