InfoHub Logo

Sýret sabaǵynda balalardyń biri úıdiń, bireýi eshkiniń, endi bireýi mysyqtyń, qysqasy, árkim unatqan zattarynyń sýretterin salýmen boldy. Al Qajytaı óziniń ala kúshiginiń sýretin salǵysy keldi.

Áýeli úlken dóńgelek syzyp denesin, sonan soń joǵarǵy jaǵynan kishkene dóńgelek syzyp basyn, tórt taıaqsha tartyp aıaqtaryn, ırek syzyqpen quıryǵyn saldy.

— Bul ne? — dep surady muǵalim.

— Bizdiń ala kúshik.

— Qulaǵy, kózi, júni joq kúshik bola ma?

Bala qaıtadan shapshańdatyp syzǵylaı bastady. «Mynaý — qulaǵy, mynaý — kózi, mynaý — sabalaq júni»,— dedi ol murnyn bir tartyp. Muǵalim kórip, jymıyp kúldi de:

— Qulaǵy esekke, kózi túıege, júni eshkige uqsaıdy eken, — dedi.

Qajytaı salǵan sýreti jurtqa túsiniktirek bolý úshin  astyna «Bul bizdiń ala kúshik» dep jazyp qoıdy.

---