InfoHub Logo

Qazaq tili 8 synyp
Sabaqtyń taqyryby: Mezgil baǵynyńqy sabaqtas
Sabaq maqsaty: Mezgil baǵynyńqy sabaqtas týraly túsinik bere otyryp, oqýshylardyń oılaý qabiletin arttyra otyryp, negizgi máselelerge asa kóńil bólýge úıretý
Mindetter: Túrli ádisterdi paıdalana otyryp balalardy tapqyrlyq, jyldamdyq, este saqtaý qabiletterin arttyrý, sóıleý tilin jetildirý.
Sabaqtyń túri: Jańa sabaq.
Quraldar: oqýlyq, A - 3, marker, stıker,
Ádis - tásilder: toptastyrý, suraq - jaýap
Oqytý nátıjesi: Mezgil baǵynyńqy sabaqtas sóılemderdi meńgeredi. Qandaı maqsatta qoldanýdy biledi.
Sabaqtyń barysy:

İ. Uıymdastyrý kezeńi.
- amandasý
- túgeldeý
- sabaqqa beıimdeý
- topqa bólý
- toptarǵa (japyryq, júrekshe, tórtburysh pishindi) stıkerler taratylyp, tapsyrmany durys oryndaǵan top taqtaǵa stıker jabystyrady.

İİ Úı tapsyrmasyn pysyqtaý
Úı tapsyrmasyn tekserý. (Ótilgen taqyryptar boıynsha suraqtar qoıý arqyly úı tapsyrmasyna sholý jasaý.)
1. Qurmalas sóılem degenimiz qandaı sóılem?
2. Qurmalas sóılemniń quramyndaǵy jaı sóılemder bir - birimen qalaı baılanysady?
3. Sabaqtas qurmalas sóılem degenimiz qandaı sóılem?
4. Shartty baǵynyńqy sabaqtastyn erejesi qandaı?
5. Qarsylyqty baǵynyńqy sabaqtastyn erejesi qandaı?

İİİ. Jańa sabaq.
Quramyndaǵy jaı sóılemderdiń birinshisinde aıtylǵan is ekinshisinde aıtylǵan istiń mezgilin bildiretin qurmalastyń túri mezgil baǵynyńqy sabaqtas dep atalady. Mezgil baǵynyńqy sabaqtastyń quramyndaǵy jaı sóılemder sabaqtasa baılanysady. Mezgil baǵynyńqy sabaqtas sóılemniń baǵynyńqy syńary qashan? qashanǵa deıin? qashannan beri? qaı kezde? degen suraqtarǵa jaýap beredi. Mezgil baǵynyńqy sabaqtastyń baǵynyńqy syńarynyń baıandaýyshy tómendegideı joldarmen baılanysady.
1) - ǵan/gen, - qan/ken esimshe tulǵaly etistikke - sha/she jurnaǵy jalǵaný arqyly jasalady. Mysaly: Jınalys aıaqtalǵansha (qashan?), tizim jasalyp ta boldy.
2) - ǵan/gen, - qan/ken esimshe tulǵaly etistikke jatys septik jalǵaýynyń jalǵanýy arqyly jasalady. Mysaly: Bir kúni Qurmash Kókserekke as berip turǵanda (qashan?), qara ala tóbet Kókserekke umtyldy.
3) - ǵan/gen, - qan/ken esimshe tulǵaly etistikke soń, keıin, saıyn, beri, sheıin septeýlik shylaýlarynyń qatysýy arqyly jasalady. Mysaly: Kúshik aýylǵa kelgen soń (qashan?), eki kúnnen keıin kózin ashty.
4) - ǵan/gen, - qan/ken esimshe tulǵaly etistikke kezde, shaqta, ýaqytta mezgil mándi kómekshi sózderdiń tirkesýi arqyly jasalady. Mysaly: Ábden qas qaraıýǵa aınalǵan ýaqytta (qashan?) Kókserek jalǵyz ózi aýylǵa keldi.
5) - ǵaly/geli, - qaly/keli kósemshe tulǵaly etistik arqyly jasalady. Mysaly: Jazǵy demalysqa shyqqaly (qashannan beri?), tek dene eńbegimen aınalysyp júr.
6) - sa/se shartty raıdyń jurnaǵy jáne - ysymen/isimen degen qosymshanyń jalǵanýy arqyly jasalady. Mysaly: Ulpa ýádeli jerge kelse (qashan?), attyń izi bar da, jigit pen at joq. Qysbastalysymen (qashan?), Oraz da ańǵa shyǵýǵa daıyndalady.

İV. Cabaqty meńgertý
Kitappen jumys: 133 - jattyǵý
Berilgen sóılemderdiń basyńqy syńarlaryn ózderiń oılap taýyp, mezgil baǵynyńqy sabaqtas jasańdar.

V. Sabaqty qorytyndylaý
Jańa sabaqty bekitý.
Al endi sizdermen «Arqan tartys» (Bilim tartys) oıynyn oınaımyz. Bul oıynda taqyrypty qanshalyqty meńgergendikterińizdi kórsetesizder.
Oıynnyń sharty: Sizderge shashyrańqy sózder beriledi, sodan mezgil baǵynyńqyly sabaqtas qurmalas sóılem quraısyzdar. Qaı top barlyq sóılemderdi durys qurasa, sol top jeńimpaz atanady.

Tapsyrma. Myna shashyrańqy sózderden, mezgil baǵynyńqyly sabaqtas qurmalas sóılem qurańyzdar.

1. Mereke, tazartylyp, aǵashtar, soń, bulaqtar, otyrǵyzylǵan, bastaldy.
2. Qoldanylǵan, uıqysynan, mynadaı, adamdar, qyzyq, oıanǵan, dástúr, soń.
3. Ázirlegen, qurǵansha, boıjetkender, altybaqan, kóje, jigitter, naýryz.
4. Jarysqa, palýandar, daıyndalýda, ónerpazdar, salǵansha ónerlerin, ortaǵa.

Vİ. Úıge tapsyrma berý. Jańa sózderdi paıdalana otyryp, mezgil baǵynyńqy sabaqtas qurmalasqa 3 sóılem jazyńyzdar.
Vİİ. Baǵalaý(Sabaqqa jaqsy qatysyp otyrǵan oqýshylardy baǵalaımyn).
Jınaqtalǵan stıker sanyna qaraımyn.