InfoHub Logo

Informatıka
Synyby: 6
Sabaqtyń taqyryby: Model jáne modeldeý (slaıdymen)
Sabaqtyń maqsaty:
Bilimdilik: Oqýshylarǵa model uǵymy, modeldeý jáne modeldeýdiń kezeńderi jaıly aqparat berý.
Tárbıelik: Oqýshylardy naqty sheshim qabyldaı bilýge, toppen jumys jasaýǵa, óz oıyn erkin jetkize bilýge tárbıeleý.
Damytýshylyq: Oqýshylardy model qurýǵa daǵdylandyrý, pánge qyzyǵýshylyǵyn arttyrý.
Sabaqtyń tıpi: jańa sabaq
Sabaqtyń túri: aralas sabaq (Aqparattyq dıktant, proses, «Shyńǵa shyǵý!» oıyny, tájirıbelik (juptyq) jumys)
Sabaqtyń ádisi: ınteraktıvti taqta kómegimen túsindirý
Sabaqta qoldanylatyn kórneki quraldar: Kompúter, oqýlyq, ınteraktıvti taqta

Sabaqtyń barysy:
İ. Uıymdastyrý kezeńi: 1. Sálemdesý, túgeldeý.
2. Oqýshylardyń qural - jabdyǵyn tekserý.
3. Oqýshylardyń nazaryn sabaqqa aýdarý.

II. Úı tapsyrmasyn tekserý: «Aqparattyq dıktant» arqyly úı tapsyrmasy tekseriledi. Oqýshylarǵa bos oryndarǵa qajetti sózderdi taýyp jazý úshin tómendegideı arnaıy kespe qaǵazdar beriledi. Oqýshylar jazyp bolǵan soń ınteraktıvti taqtadaǵy durys jaýaptar kómegimen ózderiniń dıktanttaryn tekserýge múmkindik alady.
1. Birneshe ret qaıtalanatyn áreketter tizbegi....................................................... dep atalady.
2. Blok - syzbada sıkldik algorıtmniń sharty................................................. fıgýraǵa jazylady.
3. Shart sıkldik algorıtmniń...................................................... nemese sońynda kelýi múmkin.
4. Algorıtm túrleri:........................................................................................................................
...........................................................................................................................................................

III. Jańa sabaqty túsindirý:
Model – bul globýs jáne álem kartasy, jerdiń tartylys kúshiniń formýlasy, kórme stendindegi zymyrannyń maketi, mekteptegi bıologıa kabınetindegi kórneki quraldar, áıgili sýretterdiń kóshirmesi. Naqty nysandardy (túpnusqa) zertteý maqsatynda adamnyń qolymen jasalǵan nysandy – model dep ataımyz.
Model – naqty nysandy, qubylysty nemese úderisti qarapaıym etip túsindiredi.
Modeldeý – nysandardy, úderisterdi jáne qubylystardy zertteý úshin model qurý.
«Model qurý, modeldeý ne úshin qajet?» degen suraq týyndaýy múmkin. Birinshiden, naqty ýaqyt barysynda túpnusqa bolmaýy múmkin nemese múldem tabıǵatta joq bolýy múmkin.
Ekinshiden, túpnusqa kóptegen qasıetke jáne ózara baılanystarǵa ıe bolýy múmkin, al bizdi tek jeke bóligi ǵana qyzyqtyrýy múmkin.
Modeldeý kezinde aldymen nysannyń nemese qandaı da bir úderistiń qasıetterin bilip qana qoımaı, sonymen qatar modeldeý kezeńderin josparlaý da qajet.

Modeldeýdiń kezeńderi: eseptiń qoıylymy, modeldi qurý, kompúterlik model, modeldeý nátıjesin taldaý. Modeldeý nátıjesin taldaý barysynda alynǵan nátıjeniń maqsatqa sıákes keletindigin nemese maqsatqa sáıkes kelmeıtindigi taldanady. Anyqtalǵan qate – bul da nátıje bolyp eseptelinedi.
Zertteý maqsaty retinde mynalardy aıtýǵa bolady:
 Qorshaǵan ortany tanyp - bilý;
 Berilgen qasıet boıynsha nysandy qurý;
 Áserdiń nysanǵa tıgizer saldary;
 Qubylystardy, úderisterdi jáne nysandardy tıimdi basqarý.

İÚ. Jańa túsinikti tekserý: «Shyńǵa shyǵý!» oıyny.
Oqýshylarǵa shyńǵa shyǵý barysynda jol boıyndaǵy jalaýshalardy alý kerek. Ol úshin olar sol jalaýshalarda jasyrynǵan suraqtarǵa jaýap berýleri tıis.
1. Model degenimiz ne?
2. Anyqtalǵan nátıje qate bola alady ma?
3. Modeldeý degenimiz ne?
4. Qubylystan, úderisten jáne naqty nysannan modeldiń aıyrmashylyǵy nede?
5. Modeldeýdegi túpnusqanyń mańyzy.
6. Modeldeýdegi negizgi kezeńderdi atańdar.

V. Jańa taqyrypty bekitý: Tájirıbelik jumys (juptyq jumys).
1. Sabaqqa keshigý barysyndaǵy jazylatyn túsiniktemeniń sózdik modelin quryńdar.
2. Ony mátindik redaktorda rásimdeńder.
3. Qalaı oılaısyńdar, sózdik model qurý barysynda qandaı maqsattar qoıylady?

Vİ. Qorytyndylaý
Úİİ. Úıge tapsyrma: