InfoHub Logo

Synyby: 10
Sabaqtyń taqyryby: MS Word mátindik prosesory, qujatpen jumys.
Sabaqtyń maqsaty. Bilimdilik: MS Word mátindik prosesorynyń múmkindikterimen tanystyrý, mátindik redaktormen jumys jasap úıretý.
Tárbıelilik: Oqýshylardy DK de uqypty, taza, qaýipsizdik erejesin saqtaı otyryp jumys jasaýǵa baýlý. Adamgershilikke, sypaıylyqqa tárbıeleý.
Damytýshylyq: MS Word mátindik redaktorynda qujat qurýdy, saqtaý joldaryn bilýdi, pishimdeýlerdi úırenýdi, barlyq múmkindikterimen jumys jasaı bilýlerin damytý.
Sabaqtyń kórnekilikteri: DK, úlestirmeli tapsyrmalar, slaıdtar, stıker, A3 qaǵazdary, túrli tústi qalamdar, t. b.
Sabaqtyń túri: Semınar sabaq.

Sabaqtyń júrisi:
İ. Uıymdastyrý

İİ. Topqa bólý. Top attary: İ top – Informatıka, İİ top – Kompúter.
Tapsyrma: Top attaryn qorǵaý.
Jaraıdy, oqýshylar sizderdiń aıtyp ótkenderińizdeı Informatıka ǵylymynyń salalarymen tanystyq. Kez kelgen pánder sıaqty ınformatıka ǵylymynyń ár túrli pánder jıyntyǵynan turatynyn bildik. Olaı bolsa úı tapsyrmasyn qaıtalap jibereıik.

İİİ. BİLÝ. Úı tapsyrmasyn tekserý:
İ topqa: Qujatty skanerleý.
İİ topqa: Qujattardy mátindik prosesorǵa redaksıalaý.
Jaqsy, ótken sabaqta qujatty skanerlep úırengen bolatynbyz. Skanerleý komandalaryn kórsete bildińizder, jaraısyńdar.
Endi osy ınformatıka pánin oqýda mektep baǵdarlamasynda biz kompútermen jumys jasaýdy úırenip kelemiz. 7 - synyptan biletin elektrondy esepteýish mashınalarynyń bes býynnan turatyn qarqyndy damýynyń arqasynda biz mine osyndaı, jańa ózderiń aıtyp ótkendeı DK túrleriniń múmkindikterine ıe bolyp otyrmyz. Alǵashqy úlken birneshe júzdegen sharshy metr jerdi alatyn alyp qurylǵylardyń ornyna «tasymal kompúterler», ıaǵnı noýtbýkterge qolymyz jetip otyr, ol jeńil, yqsham, juqa ekrandy, alyp júrýge yńǵaıly DK.
Búgingi úırenerimiz, ıaǵnı taqyrybymyz «MS Word mátindik prosesory, qujatpen jumys». Toptarǵa jańa taqyrypqa baılanysty mátinder úlestiremin, oqyp tanysa otyryp, óz oılaryńyzdy posterge túsirip, arańyzdan bir oqýshy shyǵyp qorǵaıdy.

TÚSİNÝ.
Informatıka tobyna:
MS Word – bul qujattardy qurý, qarap shyǵý, ózgertý jáne basyp shyǵarý úshin arnalǵan MS Office quramyna kiretin baǵdarlama. MS Word is júzinde qazirgi mátindik prosesorlardyń barlyq qajetti sapalaryna ıe:
- qujattardy qurý jáne terý,
- qaripter jıynyn paıdalaný arqyly olardy pishimdeý,
- kesteler, grafıkter, matematıkalyq formýlalardy paıdalaný,
- emle erejesin tekserý jáne sózderdi avtomatty tasymaldaý,
- isker hattardy, kelisim - sharttardy, esep berý formalaryn daıyndaýǵa Sheberdi (Masterdi) jáne Shablondy qoldaný.

Mátindik prosesordyń kemshilikteri:
- matematıkalyq formýlalardy engizý kúrdeli,
- rastrlyq grafıkalarǵa arnalmaǵan.

MS Word mátindik prosesoryn birneshe ádispen iske qosýǵa bolady.
1. İske qosý (Pýsk) – Programmalar – MS Office - MS Word komandalaryn oryndaý arqyly.
2. Jumys ústelindegi tańbashasymen.
3. MS Office taqtasyndaǵy batyrmalarmen.
Mátindik prosesor jumysyn durys aıaqtaý úshin kelesi ádisterdi qoldanýǵa bolady:
1. Faıl – Shyǵý komandalaryn oryndaý.
2. Alt + F4 batyrmalar kombınasıalaryn basý.
3. MS Word programmasynyń taqyryp jolyndaǵy jabý batyrmasymen.
MS Word terezesin jabý kezinde qújatqa engizilgen ózgerister saqtalmasa, ekranǵa suhbat tereze shyǵady. Osy suhbat tereze arqyly faıldaǵy ózgeristerdi saqtaı alamyz. Ia, Joq, Boldyrmaý batyrmalarynyń qajettisin basamyz.

Kompúter tobyna:
Jańa qujat qurý. MS Word terezesin ashqanda bos bet paıda bolady. Sonymen qatar aldyn ala saqtalynǵan qujatpen jumys istep otyryp, jańa qujat qurý úshin Faıl - Qurý (Sozdat) komandasyn tańdaımyz.
Ashylǵan terezeden aldymen qosymsha betti, sodan soń shablondy tańdaımyz, sonyń negizinde qujat qurylyp, OK batyrmasy shertiledi.
Qujatty saqtaý. Qujatty saqtaý úshin Faıl – Qalaı saqtaý kerek (Sohranıt kak) komandasyn tańdaý nemese qural saımandar qataryndaǵy Saqtaý batyrmasyn shertý qajet. Qujatymyzǵa at berip, Saqtaý (Sohranıt) batyrmasyn basamyz.

Mátin engizý. Qujatqa mátin engizý, nemese sýretti, kestelerdi jáne t. b. obektilerdi engizý úshin olardy ornalastyratyn jolǵa meńzerdi ornalastyrý kerek. Terilgen mátin joldyń oń jaq shetine jetkende, Word avtomatty túrde kelesi jolǵa ótedi. Qateni jóndeý úshin kelesi pernelerdi qoldanýǵa bolady:
Baskspace - meńzerdiń sol jaǵyndaǵy sımvoldy joıady.
Delete - meńzerdiń oń jaǵyndaǵyny sımvoly joıady.
Jumys barysynda qate jiberilse Boldyrmaý jáne Qaıtalaý batyrmalaryn qoldanýǵa bolady.

Informatıka tobyna:
Mátindik qujatty pishimdeý. Pishimdeýge mynalar jatady:
- ár túrli qaripterdi paıdalaný,
- qujat órisiniń shekaralaryn ózgertý: sol jaq, oń jaq, joǵary, tómengi óristerin anyqtaý,
- mátindi baǵandarǵa bólý, t. b.
- batyrmalaryn qoldanyp qarip túrin jáne ólshemin, jartylaı qalyń, kýrsıvpen jazý, asty syzylǵan etip pishimdeýge bolady. Sol sıaqty mátindi týralaý batyrmalarymen sol jaq, orta, oń jaq jáne enine týralaýǵa bolady.

Kompúter tobyna:
Qujat betterin nómerleý. Qujatty qaǵazǵa baspas buryn, eger de ol birneshe betten turatyn bolsa, onda ony Kiristirý (Vstavka) mázirindegi Bettiń nómerleri (Nomera stranıs) komandasyn qoldanamyz.
Baǵdarlaý (Orıentasıa) órisinde Kitaptyq (Knıjnyı) jáne Álbomdyq (Álbomnyı) túrlerin tańdaýǵa bolady.
Kolontıtýldardy ornalastyrý. Ol qujattyń árbir betiniń joǵarǵy nemese tómengi jaǵyna basylatyn mátin nemese sýret. Ol úshin: Túr (Vıd) mázirindegi Kolontıtýldar komandasyn tańdaý kerek.

QOLDANÝ. DK men jumys. MS Word redaktoryn iske qosyp mátin terý, pishimdeýler júrgizý. Úlestirmeli kartochkalaramen deńgeılik tapsyrmalar beriledi.

TALDAÝ. Taqyrypqa baılanysty suraq.
Sonymen oqýshylar bizder MS Word mátindik redaktorymen tanystyq, onymen jumys jasaýdy úırendik. Myna suraqqa jaýap berińizdershi:
MS Word mátindik redaktory ne úshin qajet, qandaı qasıetterimen mańyzdy?

JINAQTAÝ. Eki top oryndaryna ornalasady. Sabaqta ne úırendi, neni bilgenderi týraly 5 mınýttyq Esse jazý.

Sergitý sáti.
BAǴALAÝ. Oqýshylar búgingi sabaq týraly (refleksıa) óz oılaryn aıtady. Baǵalaý paraǵyndaǵy upaı sandaryn qosyp, ár oqýshynyń jınaǵan upaılarynyń qorytyndysyn shyǵarady. Sodan soń muǵalim baǵalaıdy.

Úıge tapsyrma: STILDER, STILDERDİ ÓZGERTÝ, JAŃA STIL QURÝ taqyrybyna daıyndalyp kelý.