InfoHub Logo

Taqyryby: Muǵalim baqyty – shákirt qurmeti.
Maqsaty: a) bilimdiligi: Oqýshylardy ustazdy qurmetteýge, syılaýǵa, túsine bilýge, baǵalaýǵa úıretý.
á) damytýshylyǵy: Oılaý, este saqtaý, kórkem tilde sóıleı bilýge damytý.
b) tárbıeligi: Adamgershilikke, súıispenshilikke, eńbekqorlyqqa tárbıeleý.
Kórnekiligi: ınteraktıvti taqta, slaıdtar, kórinis keıipkerleri, sharlar, t. b.

Júrý barysy:
İ. Uıymdastyrý kezeńi
1. Muǵalimniń quttyqtaý sózi: Sálemetsizder me, qurmetti ulaǵatty ustazdar!
Sizderdi dástúrli ustazdar merekesimen shyn júrekten quttyqtaımyz. Barshańyzdyń otbasyńyzǵa amandyq, baq - bereke, eńbekterińizge shyǵarmashylyq tabystar tileımiz.
Ustaz! Osy bir sózdiń ózinde qanshama mán - maǵyna, qasıetti uǵym jatyr. Ustaz aldynan ótpeıtin eshkim joq. «Jaqsy muǵalim — mekteptiń júregi»-- degen Y. Altynsarın atamyz. Júreksiz ómir bolmasa, muǵalimsiz bilimniń, tárbıeniń iske aspaıtyny belgili. Nebir danyshpan adamdar, qarapaıym eńbekkerler, tipti
arman qýǵan jetkinshekter de bári bir adamǵa qaryzdar. Ol - ustaz! Ustazsyz ómirdiń naqty tutqasyn ustaý múmkin emes. Adamdy tárbıelep, ony azamat etýdiń ózi bir úlken kúsh, sondyqtanda ustazdyń eńbegi uly eńbek. Sonymen «Muǵalim baqyty – shákirt qurmeti.»! atty tárbıe saǵatymyzdy ashyq dep kezekti oqýshylarǵa beremin.

İİ. Negizgi bólim
Sahna syrtynan Turyńyzdar kele jatyr muǵalim! týraly óleń oqylady
Kim bolsań da aman bol.
Bastyqpysyń?
Óte jaqsy, tura qal.
Muǵalimdi keleke etken bar qular,
Myqty bolsań, moıyndaryn bura bar!

Qashan kórseń kúnge uqsaǵan janary –
Ustazdardan kónbis adam joq áli!
Mektep kórgen ádeptiler aıtpaqshy,
Muǵalimnen shyqpańyzdar joǵary!

Oryndalyp, aıtalyq, bir oıdaǵy is,
Otyrarmyz qýanyshta, toıda biz.
Sondaı kezde este bolar bir nárse:
Muǵalimnen buryn sóılep qoımańyz!

Mahabatty: bala jáne Otany,
Súıikti isi: Qaǵaz - kitap qoparý.
Demalysy: shákirtterge hat jazý,
Al, kásibi: ot berý men ot alý!

Qashan kórseń bul halyqtyń shat bári,
Qashan kórseń kúlip bara jatqany.
Kúletini: baqyttylyq nyshany,
Baılyqtary: shákirtterdiń hattary!

Al, muǵalim barsa aldyńa, durysy:
Juregińmen sezdir daǵy uly isin,
Ushyp turyp, qalbalaqtap qol berip,
Tastaı qylyp tyndyryp ber jumysyn!
Kim bolasyń?
Umtylmańyz joǵary.
Muǵalimnen úlken adam joq áli!
Kim bolmańyz, prokýror ma, sotsyz ba,
Turyńyzdar, kele jatyr muǵalim!

Júrgizýshiler shyǵady.
İ - júrgizýshi: - Aý Aıdana, sen munda qaıdan júrsiń?
İİ - júrgizýshi: Qaıdan júrsiń qalaı? Búgin uly mereke emes pe?! Iaǵnı ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıqan da, mal baǵyp ter tókken shopan da bári - bári bilim, tálim alǵan uly ustazdarymyzdyń tól merekesi emes pe?!
İ - júrgizýshi: Árıne solaı. Demek, sen.... Men qatelespesem sol ustazdardy quttyqtaý úshin júrgen boldyń ǵoı.
İİ - júrgizýshi: Dál solaı.
İ - júrgizýshi: Endeshe, ne turys, ekeýmizdiń búgingi maqsatymyz da, josparymyz da bir sıaqty. Olaı bolsa, ulaǵatty ustazdarymyzdy búgingi merekelerimen quttyqtaıyq.
İİ - júrgizýshi: Kelisemin.
İ júrg: Armysyzdar, qurmetti qonaqtar, Aıaýly bizdiń ustazdar, ata – analar jáne oqýshylar! Qazan aıynyń alǵashqy aptasynda respýblıka kóleminde toılanatyn erekshe mereke – ustazdar merekesi qutty bolsyn!

İİ júrgizýshi: Olaı bolsa, qadirli ustazdar!
Sizderdi tól merekelerińizben shyn júrekten quttyqtaımyz.

İ júrgizýshi: Sizderdiń shákirtterdi tárbıelep, bilim berý jolyndaǵy eńbekterińiz jana bersin.

İİ júrgizýshi: Eńbekterińizge tabys, otbasylaryńyzǵa baqyt, mereılerińiz ústem bola bersin demekpiz.
Qurmetti ustazdar, ata - analar, oqýshylar «: «Muǵalim baqyty – shákirt qurmeti.» atty keshimizge qosh keldińizder.

İİ júrgizýshi: Ustazym, meniń, ustazym,
Ózińmen ótken qys - jazym.
Qaldyrǵan iziń máńgilik,
Jadymda turar jańǵyryp.
Shákirtterine asa meıirimdi, sózine berik, shynshyl minezdi, júregi batyr, ónegesi asyl, jany jomart, peıili darqan, eren eńbekshil, baılamy berik, oıy ótkir ustazdar tól merekelerińiz taǵy da qutty bolsyn!!! Qarsy alyńyzdar ortada merekelik quttyqtaýmen Hor «Ustazym» áni

İ júrg Saǵynysh sazy tolqytqan,
Arnamaq sózdiń máıegin.
Shákirtterin oqytqan,
Kelip tur joldap sálemin – deı otyryp sahna tórine oqýshylardy shaqyramyz. /taqpaqtar/

Aıaýlym: Muǵalimder kúni búgin, kúni ustazdyń shattanǵan,
Shákirtine dem bergizgen, jetkizedi dep baqqa arman.
Ustazdardyń kúni búgin, bar tilegi ómirde
Sol shákirttiń órge júzgen eńbegimen aqtalǵan

Aqbota: Muǵalimder kúni búgin shattyq kúıge kenelgen,
Ustaz júrek syrlas ár kez bilim atty ónermen.
Olar shákirt keýdelerge sol bilimnen nár quıyp.
Ómir jolda izgilikti eńbegimen elengen.

Nazıra: Toılanatyn ár jyl saıyn, qazan aıy týǵanda.
Ustazdardyń meıramy osy, toly án men jyrlarǵa.
Tórdegi oryn, Sizge, Ustaz Sizdiki! Muǵalim
Barlyq jan da sony qalar, ustaz kóńil turǵanda.

Baqdáýlet: Muǵalimder kúni búgin, kóńilge bar syılary,
Shákirtteri olarǵa gúl, án de jyr da syılady.
Tek utazdyq merekesi emes búgin shynynda
Sol ustazdan tálim kórgen barlyq jannyń meıramy.

Mansýr: Ár sabaǵyń ótip jatyr bilinbeı,
Perne basqan orkestrdiń únindeı
Ár balanyń júregine jol taýyp,
Turasyń sen, dırıjer bop kúlimdeı.
Ár sabaqqa kiresiń sen syıynyp,
Jyr oqısyń nóser bolyp quıylyp
Qas - qabaǵyn qalt jibermeı shákirttiń,
Qaraısyń - aý nur júzine súısinip
Jalyn atyp, ot bop, birge janasyń,
Bilim berip, sodan baqyt tabasyń
Bar ómiriń órnektelip balamen,
Jasaryp bir máńgi jas bop qalasyń.

Perızat: Muǵalimdi anamdaı jaqsy kórem,
Qınalamyn qymbat teńeý taba almaı
Óz balasyn tastap ketip úıine,
El balasyn oqytady, oı Alla - aı.
Muǵalimdi jaqsy kórem sezimtal,
Úlgi etemin ónegeli sózin bal
Muǵalimniń muǵalimin tanımyn,
Kókirekte kóretuǵyn kózim bar.

Bekasyl: Ustazdarǵa myń alǵys
Alǵystarym kóp meniń,
Asyl anam, mektebim!
Úıretkeni adaldyq,
Usynǵany adamdyq,
Tekti minez, danalyq
Bar ustazǵa tileımiz:
Baqyt, tabys, amandyq!

İİ - júrgizýshi Muǵalim, ǵazız muǵalim,
Sarqylmas máńgi bulaǵym.
Ulanyń búgin toıyńda,
Arnaıdy saǵan bul ánin.

İİ - júrgizýshi Al bulbul ánshilerimiz asyl ustazdarǵa degen jyly lebizi men shákirtti asqaq mahabbatyn ásem ánimen jetkizgisi keledi eken.
Endeshe sahnaǵa Alǵashqy ustazym ánimen, Nuraddın Mansýr men Bereket Ardaqty ortaǵa shaqyramyz.

İ júrgizýshi: Aıdana, qońyraý únimen qazaq dalasyna bilim ákelip, balalardy mektepke shaqyrǵan kim?

İİ – júrgizýshi: Ybyraı Altynsarın
İ júrgizýshi: Durys aıtasyń.
İİ – júrgizýshi: Nurahmet sen bilesiń be,? Bıyl Ybyraı atamyzdyń týǵanyna 175 jyl bolyp otyr eken. Ár shákirtin óz balasynan kem kórmeı, oqýǵa, jazýǵa úıretken muǵalim eńbegi sheksiz. «Muǵalim – mekteptiń júregi» – dep Ybyraı atamyz beker aıtpaǵan.

İ júrgizýshi: Kórinis: Jemis baǵynda
Ortaǵa atasy men nemeresi shyǵady: ekeýi baqshaǵa baryp, egilgen aǵashtary men gúl japyraqtaryn kórip júredi.
Nemeresi: Ata, mynaý alma aǵashy nelikten tip - tik, ana bireýi nege qısyq bitken?
Atasy: Onyń sebebi, balam, anaý aǵashty baǵý - qaǵýmen ósirgen, qısyq butaqtary bosa kesken. Mynaý aǵash baǵýsyz, óz shyǵý qalybymen ósken
Nemeresi: Olaı bolsa, baǵý - qaǵýda kóp maǵyna bar eken ǵoı.
Atasy: baǵý - qaǵýda kóp maǵyna barynda shek joq, shyraǵym; munan sen de ózińe úlgi alsań bolady. Sen jas aǵashsyń, saǵan da kútim kerek. Eger ustazyń qate isterińdi túzep, paıdaly iske úıretse, muǵalimniń aıtqanyn uǵyp, ornyna keltirseń, jaqsy, túzeý bala bolyp ósersiń, baǵýsyz betimen ketseń, sende mynaý qısyq bitken aǵashtaı qısyq bolyp ósersiń.
Ustazdar! Shynynda da qısaıǵandy túzep, solǵanǵa nár berip, tózimdilikpen eńbek etip júrgen sizderdiń eńbekterińiz zor - aý. Sizderge raqmet aıtyp, maqtan tutamyz! Sizderdiń senimderińizdi aqtaımyz, egemendi elimizdiń azamaty bolamyz dep senim bildiremiz.
Muǵalim baqyty – shákirt qurmeti júkteý