InfoHub Logo

Buryn bir jetim qyz bolypty. Bir kúni tańǵy alań-eleńde bireýdiń tepkileýimen qyz shyrt uıqydan shoshyp oıanypty. Ornynan ushyp turyp qarasa, ógeı sheshesi eken. Qorqyp, dirildep turǵan bıshara qyzǵa óshige qaraǵan ógeı sheshesi:

— Jatamysyń, mynaǵan toltyryp búldirgen terip kel! —  dep aıaǵymen qaýǵa shelekti qyzǵa qaraı teýip jiberipti. Qyz shelekti alyp taýǵa ketipti.

Qyzdyń ákesi kóshetin bolǵan soń, bir kún buryn joǵalyp ketken eki sıyryn izdep ketip, sol sıyrlaryn taýyp, ertemen úıine kelse, áıeliniń úıin jyǵyp kólikterge artyp-tartyp jatqanynyń ústinen túsedi. Kele sala kósh qamymen bolyp kóshti júrgizedi. Balalary kóp bolǵandyqtan álgi qyzyn da joqtamaıdy.

Olar jańa qonysqa qonyp sý ákelýge qamdanǵanda, shelektiń bireýi joq bolyp shyǵady. Sonan ógeı shesheniń qylyǵyn biletin qyz ákesi zar ılep jurtqa shabady.

Al qyzy álgi shelekti tús aýǵanda áreń toltyryp, ash qaryn súıretilip úıine kelse, kúli shashylyp jurty jatypty. Qyz muny kórip ógeı shesheniń qylyǵyn oılap, óz sheshesin saǵynyp eńirep jylap otyrǵanda, astyndaǵy atyn qara ter qyp ákesi jetip, attan domalaı túsip qyzyn qushaqtap, ekeýi birdeı egilip jylaıdy.

Bir qaýymnan keıin ákesi: «Júr, balam, keteıik» degende, jetim qyz jylap turyp:

— Barmaıynshy, ákem-aı, kún kórsetpeıdi sheshem-aı! — de- gen eken.

Buny estigen eldiń qyzǵa jany ashypty.. Bir dombyrashy osydan «Muńly qyz» degen kúı shyǵarypty.

---