InfoHub Logo

Erte ýaqytta jylqyly bir baı bolypty. Onyń jylqysynda bitimi bólek bir aıǵyry bar eken.

Bir jyly qarashada osy aıǵyry iz-tozsyz joǵalyp, baı tus-tusqa joqshy attandyrdy. Joqshylar qansha sandalsa da, bári baıdyń aldyna qur oralypty.

Sóıtip júrgende aıaq astynan álgi joǵalǵan ala aıǵyr ózi jylqyǵa kelip, baı men jylqyshylardy qaıran qaldyrypty.

Arqa-basy bútin, qaıta oralǵan aıǵyryn kórgen baı jylqyshylaryna:

— Ala aıǵyr úıirin qalaı aıdasa, sender de ol júrgen baǵytpen jylqyny aıdańdar, ol haıýan da bolsa qystyń qatań bolaryn sezip, óz úıirine jer shalyp kelgen sekildi, — deıdi.

Aıtsa, aıtqandaı bolyp shyǵady. Ala aıǵyr óz úıirin aıdaıdy. Jylqyshylar da barlyq jylqyny onyń sońynan salady. Olar osy júrispen aılyq jol júrip, izdese tabylmaıtyn bir túnkeli ıen dalaǵa baryp tıanaqtaıdy. Jylqyshylar bir qysty osy jerde ótkizip, jylqysy aman-esen jazǵyturym baı aýlyna keledi. Qys orasan qatty bolǵandyqtan, basqa jerdegi baılardyń jylqylary túgel jutap qalǵan eken. Qýanyshqa bólengen baıdyń aýyly aqsarbas soıyp toı jasapty. Sol toıda bir dombyrashy eldiń ala aıǵyrǵa alǵysyn beınelep «Ala aıǵyr» kúıin shertken eken.

---