InfoHub Logo

Páni: Beıneleý
Synyby: 5
Sabaqtyń taqyryby: Músin óneri
Sabaqtyń maqsaty: a) bilimdilik: músin óneriniń túrlerimen tanystyrý, músinshilerdiń kórkem shyǵarmalaryn taldaý, músin somdaý materıaldarynynyń tehnologıalyq tásilderimen tanystyrý;
á) damytýshylyq: ejelden kele jatqan músin óneri jónindegi bilimderin keńeıtý jáne anyqtaý;
b) tárbıelik: oqýshylardyń músin ónerine degen qyzyǵýshylyqtaryn oıatyp, iskerlik pen sheberlikke baýlý.
Sabaqtyń túri: Jańa sabaqty meńgertý

Sabaqtyń tıpi: Bilim men iskerlikke úıretý
Sabaqtyń ádisteri: túsindirý, áńgimeleý, shyǵarmashylyq jumys, suraq-jaýap.
Pánaralyq baılanys: tarıh, tehnologıa
Kórnekiligi: qosymsha ádebıetter,músin túrleri, ınteraktıvti taqta, slaıdtar.
Qoldanylatyn quraldar: ermeksaz, taqtaısha, sym, gıps.
Sabaqtyń ótilý barysy:
İ.Uıymdastyrý barysy.

Oqýshylarmen amandasyp, olardy túgeldeý. Synyp tazalyǵyn qadaǵalaý, qural-jabdyqtaryn tekserý, oqýshylardyń nazarlaryn sabaqqa aýdarý.
İİ. Úı tapsyrmasyn suraý
Sýretti kilem gobelen taqyrybyna salynǵan sýretterin tekserý.
İİİ. Úı tapsyrmasyn pysyqtaý.
1.Gobelen óneri qaı ǵasyrdan bastap damı bastady?
2.«Saıahattaý» atty shyǵarmalardan ne túsingenderińdi aıtyp berińder?
3.Gobelen kileminiń jaı kilemderden aıyrmashylyǵy nede?
İÚ. Jańa sabaq
Jospary:
a. Jalpy músin týraly túsinik.
á. Músin óneriniń túrleri.
b. Músin óneriniń jasalý tehnologıalary.

a. Músin týraly túsinik
Músin – keńistikte jan-jaqty beınelengen, somdalan kórkem shyǵarma. Músindi «skýlptýra» dep ataıdy. Ol sózdi eń alǵash ejelgi rımdikter oılastyrǵan. «Skýlpo» degen latyn tilinde «kesý, qashaý» degen maǵynany bildiredi.
Músinniń grafıka men keskindemeden aıyrmashylyǵy pishinniń barlyq kólemin anyq kórsetedi. Eń alǵash adamnyń, ańnyń músinderin alǵashqy qaýymdyq qoǵamda sheberler balshyqtan ılep, aǵashtan jonyp, tastan qashap nemese ańnyń súıekterinen jasaǵan. Ol kezdegi músinder ózindik erekshelikteri bar zattyń beınesine uqsas bolady. Óıtkeni ol kezdegi adamdardyń tájirıbeleri, saıman –quraldary, kerekti zattary – mármár tas, gıps, balaýyz, temir qorytyndysy t.b. zattar bolǵan joq.

Músin óneri – ǵasyrlar boıy damyp kele jatqan óner. Italán músinshisi Mıkelandjelo Býonarottı músin óneriniń sheberi bolyp tabylady. Onyń «Davıd» atty jumysy búkil álemge tanylady.