InfoHub Logo

7 synyp
Sabaqtyń taqyryby: Muhtar Áýezov «Kókserek» áńgimesindegi negizgi másele
Sabaqtyń maqsaty:
a) áńgime mazmuny arqyly keıipkerler is - áreketine, avtor kózqarasyna boılaý;
á) oqýshylardyń taqyrypqa qyzyǵýshylyǵyn oıatý, maǵynany tanyp bilýge ajyratýǵa, oı tolǵaýǵa iskerlik daǵdysyn qalyptastyrý, shyǵarmashylyq qabiletin damytý;
b) tabıǵatty qorǵaýǵa aıalap baptap kútýge, adamgershilikke tárbıeleý;
Sabaqtyń túri: syn turǵysynan oılaý sabaǵy
Sabaqtyń ádisi: suraq - jaýap, taldaý, izdený t. b
Sabaqtyń kórnekiligi: syzbalar, úlestirmeli qaǵazdar, plakat t. b
Pánaralyq baılanys: tarıh

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý, synyptyń tazalyǵyna kóńil bólý. Oqýshylardyń zeıinin sabaqqa aýdarý.
á) Úı tapsyrmasyn pysyqtaý:
Úıge berilgen M. Jumabaevtyń shyǵarmalaryn suraımyn. Oqýshylarǵa birneshe suraqtar qoıamyn.
b) Jańa sabaqty túsindirý:
- Balalar, ózimiz oqyp júrgen súıikti pánimiz ádebıettiń adam ómiri úshin qandaı mańyzy bar?
(Iá, ádebıet ómirtaný quraly. Kórkem shyǵarma arqyly ómirdi tanyta otyryp, adamdy tárbıeleıdi.).

Oı qozǵaý. Qaı jazýshynyń shyǵarmasyn alyp qarasaq ta tabıǵat nazardan tys qalǵan emes. Endeshe myna sóılemge nazar aýdaryńyzshy.
Tabıǵat - kúlli tirshilik ataýlynyń qutty qonys mekeni, altyn uıa, talbesigi. Osy sóılemdi estigende oılaryńa ne keledi?
Endeshe tabıǵat degenimiz ne? Qalaı túsinesizder?

Tabıǵat
↓
Qorshaǵan orta
Halyq qazynasy

Al tabıǵatqa shabýyl jasaý, onyń tylsym tynyshtyǵyn buzý máselesine qalaı qaraısyzdar?
Olaı bolsa, búgingi áńgimemiz keshe ǵana oqyp tanysqan, bárimiz kórkem fılm arqyly da jaqsy biletin Kókserek jáne onyń ıesi, olardyń is - áreketi týrasynda órbimek. Shyǵarmanyń oqıǵalyq jelisi, ıaǵnı sújeti Kókserek is - áreketine baılanysty órbip damıdy. Sondyqtan biz aldymen osy áńgimeniń kompozısıalyq qurylysyna taldaý jasap kórsek.
1. Oqıǵanyń bastalýy — Qasqyr mekeni. Bóltirikter taǵdyry.
2. Baılanysy - Kókserektiń uıalastarymen tabysýy.
3. Damýy - Qaradyr elindegi mazasyzdyq
4. Sharyqtaý shegi - Qurmashtyń qazasy
5. Sheshimi - Kókserektiń jazasyn tartýy.
(sýretteri kórsetilip, tusyna taqtaǵa ilinedi)
Mine, áńgimeniń negizgi oqıǵasy da esimizge tústi. Basty keıipkerler kimder? (Iá, qasqyrlar men adamdar.)
Olaı bolsa, biz qazir top bolyp, eki topqa bólinip jumys júrgizemiz. Ár toptyń jetekshisi óz tobynan jaýap bergen oqýshylardy belgilep otyrsyn.
Toptastyrý. Eki topqa «Adam», «Qasqyr» sózderi jazylǵan plakat beriledi. Osy sózder boıynsha oıyńyzǵa kelgen sózder men sóz tirkesterin jaza beresiz.

Adam - tiri aǵza, eńbektenedi, sóıleıdi, oılaıdy, oqıdy,qorektenedi.
Qasqyr – jyrtqysh, ıt - qus, bóri, qomaǵaı, tabıǵat perzenti, dala taǵysy, dala sanıtary.

Kýbızm. Kýbızm ádisi boıynsha myna kýbıkti eki topqa kezekpe - kezek ıiremin. Qaı qyrynyń suraǵy tússe soǵan jaýap beresiz Daıynbyz ba?
1. Sýrette. Kókserektiń portretin sýretteńiz.
2. Salystyr. Dala qasqyry men Kókserekti salystyryńyz.
3. Zertte. Qasqyr týraly taǵy qandaı shyǵarma bilesiz?
4. Qoldan. Kókserek týraly el adamdary ne deıdi?
5. Dálelde. Kókserekti jaýyzdyqqa ıtermelegen de, Qurmashqa aýyz saldyrǵan da qandaı jaǵdaı?
Talda. Kókserektiń qatigezdigin qaı tustarda baıqadyńyz?
Tolǵanys. Sınký - eı ádisi boıynsha «qasqyr», «ańshy» sózderine bes joldy óleń jazyp kóreıik.
1. Qasqyr
2. Jyrtqysh, qomaǵaı.
3. Ulıdy, shabýyldaıdy, jortýyldaıdy
4. Qasqyr - tuz taǵysy, perzenti.
5. Bóri, kókjal.

1. Ańshy
2. Qyraǵy, saq
3. Atady, kózdeıdi, aýlaıdy,
4. Ańshy qansonarda ańǵa shyǵady.
5. Mergen.

Shyǵarmashylyq jumys: Qasqyrǵa baılanysty maqal - mátel aıtady.
1. Qasqyrdy qansha asyrasań da, toǵaıǵa qarap ulýyn qoımaıdy.
2. Qasqyrdyń aýzy jese de qan, jemese de qan.
3. Aýyl ıti bolsa da, bóri kelgende birigedi.
4. Ittiń ıesi bolsa, bóriniń táńirisi bar

Bilimdi bekitý: Ótilgen taqyrypqa baılanysty birneshe suraqtar qoıamyn. Túsinbegen suraqtaryna jaýap beremin.
1. Aýyl adamdary Kókserekti nege jek kórdi, jazalady?
2. Nege Kókserek adamdar ortasyna úırenip kete almady?
3. Kókserek Qurmashtan góri aq qasqyrmen nege tez baýyrlasty?
Bilimdi baǵalaý: Oqýshylardyń jaýaptaryna, sabaqqa belsene qatysyp otyrǵandaryna qaraı bilimderi baǵalanady.

Úıge tapsyrma: M. Áýezovtiń «Kókserek» áńgimesi boıynsha «Bóltirikti qansha asyrasań da taýǵa qarap ulıdy» taqyrybyna shyǵarma jazý.