InfoHub Logo

Mýzyka 6 klass
Sabaqtyń taqyryby: Mýzyka jáne sýret ónerindegi ónerpaz beınesi.
Sabaqtyń maqsaty: Ónerdegi kórkemdik beıne jaıly áńgimeleý.
Bilimdilik: Qazaqstanda beıneleý óneriniń basqa óner túri portret janrymen tanystyryp, sýretshi G. Ysmaıylovanyń shyǵarmalarymen, jetistikterimen tanysý.
Damytýshylyǵy: Mýzykalyq beıneleýdiń óner túrlerimen baılanysy arqyly mýzykalyq saýattylyǵyn damytý.
Tárbıeliligi: Oqýshylardy eńbeksúıgishtikke, óz betinshe oı qorytyp, ony jetkize bilýge daǵdylandyrý, estetıkalyq tárbıe berý.
Túri: Aralas sabaq
Ádis – tásilderi: Suraq - jaýap, túsindirý, STO tehnologıasy, toptastyrý ádisteri, ózin ózi baǵalaý, toptyq jumys, sergitý sáti, shyǵarmashylyq jumys.
Kórnekiligi: Interaktıvti taqta, taqyryptyq slaıdtar, vıdeo beınetaspa..
Pánaralyq baılanys: Ádebıet, ınformatıka, beıneleý,

Sabaqtyń barysy:
İ. Qyzyǵýshylyǵyn oıatý.
1. Ándetip amandasý.
2. Psıhologıalyq trenıń
3. Oı qozǵaý «Áýendi tap» oıyny
Úntaspadan váls tempinde birneshe ánder tyńdatylady. Sońynda «Qazaq válsi» ánin oryndaý.
- «Qazaq válsi» ániniń avtorlary kimder?
- Váls qandaı sózden shyqqan?
- Váls koroli kim?
- Válsti qaı jerlerde bıleıdi?
- Mýzyka men beıneleý nesimen baılanysty?

İİ. Maǵynany taný.
1 Mýzyka jáne sýret ónerindegi ónerpaz beınesi jaıly áńgimeleý.
Qazirgi zaman qyl qalam sheberleri óz zamanyndaǵy memlekettik qaıratkerler men halyqtyń uly tulǵalaryn portret janrynda beıneleýdi dástúrge aınaldyrǵan. Biraq adamnyń sýretin salyp jatqansha fotosýretke túsirip almaı ma dep te oılaıtyn bolarsyń. Árıne, birde - bir sýretshi fotosýrettegideı adam beınesin sala almaıdy. Degenmen foto sýret pen kórkemdik sýrettiń úlken aıyrmashylyǵy bar: foto sýret adam beınesin dálme - dál qaıtalasa, al sýretshi óziniń portreti arqyly adamnyń jeke tulǵasyn, onyń ishki jan dúnıesin barynsha ashýǵa tyrysady. Portret adamnyń ómir
súrgen kezeńi men jeke taǵdyry jaıly áńgime ispetti.

2. Sýretshi G. Ysmaılovanyń B. Tólegenova týyndysyna toqtalý.
KSRO halyq ártisi Bıbigúl Tólegenovanyń portretine nazar salaıyq! Sýretshi Gúlfaırýs Ysmaıylova ánshiniń tek syrt kelbetin ǵana emes onyń rýhanı bolmysyn kórsetýge talpynǵan. Bıbigúl Tólegenova ánin aıaqtap, ánniń seziminen shyǵa almaı kóz janaryn alysqa tigip, birine - biri aıqasqan sulý da súırikteı saýsaqtary men kúlimsiregen aı júzi sol boıy tynyp qalǵandaı. Ánshiniń sándi ulttyq kıimimen teatr sahnasynda turǵan qalpy beınelengen. Sýretshiniń qyzyl da altyn tústi tańdap alýy tekten - tek emes, ıaǵnı sýrettiń boıaýy arqyly ánniń kóterińki kóńil - kúıin kórsetkendeı áser qaldyrady. Gúlfaırýs Ysmaıylova ánshiniń daýysy men onyń ásem ánine tánti bolǵandaı! Bul portrette eki birdeı talant ıeleriniń basy toǵysqandaı – biri belgili sýretshi bolsa, endi biri - uly ánshi. Árbir ánshide óziniń ómirlik boıtumaryndaı bolyp ketken súıip oryndaıtyn shyǵarmasy bolady. Bıbigúl Tólegenovanyń eń súıikti shyǵarmasyna aınalǵan «Gaýhar tas» áni. Bıbigúl bul ándi alǵash sahnada oryndaǵanda tyńdaýshy halyqtyń ánge degen yqylasy men ánshige etken qoshemeti asa zor boldy. Bıbigúl shyrqaǵan ándegi sulý qyzdyń beınesi myńdaǵan kórermenniń kóz aldynda turǵandaı ǵajaıyp áser qaldyrdy. Sodan bastap, «Gaýhar tas» áni bulbul daýys ánshi Bıbigúl Tólegenovanyń ómirindegi mýzykalyq beınesin jasaǵan basty ánge aınalady.
Án tyńdaıyq:
Bıbigúl Tólegenovanyń oryndaýynda halyq áni «Gaýhar tas». Ánge taldaý jasaý.