InfoHub Logo

Sabaqtyń taqyryby: «Nan týraly óleń» Kárim Saýǵabaev

Sabaqtyń maqsaty:
a/ bilimdiligi: Oqýshylarǵa óleńniń maǵynasyn túsindirý, RWST strategıalaryn paıdalana otyryp oılanýǵa, izdenip nátıje shyǵarýǵa baýlý.
á/ tárbıeliligi: Nannyń qasıetti as ekendigin uǵyndyrý, eńbekti baǵalaýǵa úıretý.
b/ damytýshylyǵy: Oqýshylardyń shyǵarmashylyq qabiletin damytý, aýyzsha sóıleý mádenıetin damytý.
Sabaqtyń ádisi: Sózdik, kórnekilik ádis Toptaý ádisi,
RWST ádisi
Sabaqtyń túri: Jańa sabaq
Sabaqtyń kórnekiligi: Sýretter, kitap, dápter, slaıd.

Sabaqtyń júrisi: 1. Qyzyǵýshylyqty oıatý satysy:
1. «Ózin - ózi taný» páni elementin qoldaný, sálemdesý:
Meıirimdi júrekpen
Aq peıildi tilekpen,
Amandasyp alaıyq
Bir jadyrap qalaıyq

2. Ótken materıaldy qorytý, oıqozǵaý maqsatynda suraq – jaýap;
1. Biz ana tili páninen qandaı taraýdy meńgerip jatyrmyz?
2. Bizdiń Otanymyz?
3. Otanymyz qandaı baılyqtarymen dúnıe júzine málim?
4. Elimiz sharýashylyqtyń qaı túrimen aınalysady?

2. Maǵynany taný satysy:
Kitappen jumys;
Jańa sabaq 1. Taqtadan «As atasy - nan» taqyrybyna slaıd kórý usynylady.
2. Kórgen slaıdqa baılanysty jańa sabaqtyń taqyrybymen tanystyrý.
Kárim Saýǵabaevtyń «Nan týraly óleń» shyǵarmasyn oqýshylarǵa mánerlep oqý.

Kárim Saýǵabaev 1941 jyly 20 qazanda Qaraǵandy oblysy, Egindibulaq aýdanynyń Edireı aýyldyq keńesinde dúnıege kelgen. 1964 jyly Qaraǵandy pedagogıkalyq ınstıtýtyn, 1972 jyly Qazaq memlekettik ýnıversıtetiniń jýrnalısıka fakúltetin syrttaı oqyp bitirgen. Balalarǵa arnalǵan óleńderi 1972 jyly kitap bolyp basylyp shyǵady. 1973 jyldan Egindibulaq aýdandyq «Lenın týy» gazetiniń redaktory bolyp jumys jasaǵan. Shyǵarmalary: Moıyndaý. Óleńder «Jazýshy»1972j; Kóktem keldi, alaqaı, Óleńder «Jalyn»1977j: Aqsha qar. Óleńder. «Jazýshy»
1980j; Balqan taýdyń basynda. Óleńder. «Jazýshy»1982j. Úlkenderden úlgi alamyz. Óleńder. «Jazýshy»1983j jaryq kórgen.

3.«Nan týraly óleń» óleńin mánerlep oqyp berý.
4. Tizbekteı oqý /Oqýshylarǵa jańa materıaldy oqytý, tanystyrý/
5. Toppen jumys: Ár topqa paraqshadaǵy tapsyrmalar berý
Nan - ómir, nan - án, nan - nár, sebebi...
Nansyz tynyshtyq bolmaıdy, sebebi...
Bir dán jatsa, eńkeıińder, kóterińder, sebebi...

6. Sergitý sáti;
Nan qıqymyn shashpańdar,
Jerde jatsa baspańdar.
Terip alyp, qasterlep,
Torǵaılarǵa tastańdar.

7. Toptyq jumys;
Nan dastarhanǵa qalaı keldi? /Slaıd boıynsha áńgimeleý/
Eńbek týraly maqal jazý.
Nan sózine «Bes jol óleń» qurý.
8. Eskendir Hasanǵalıevtiń «Aq bıdaı» ánin aıtý, mýzykamen.

3. Oı tolǵanys satysy:
9. Oqýshylar bizdiń dastarhanymyzdaǵy nan taǵamdaryn ataıyqshy;
Toqash, bálish, tort, tátti keks, pechene, baýyrsaq t. b.
10. Al osy baýyrsaqty qalaı jasaımyz? Analaryńnan kórgenderiń bar ma?
/baýyrsaqtyń jasalý joldaryn oqýshylar baıandaıdy./
11. Ortaǵa baýyrsaq ákelý.
Biz neni úırendik? Qorytyndy. Baǵalaý.