InfoHub Logo

Qazaq tili sabaqtarynda test ádisiniń qoldanýy
Test jumystaryna toqtalaıyq. Kóptegen muǵalimder qazirgi qoldanystaǵy pedagogıkalyq ólshem naqty dep oılamaıdy. Oqýshylardyń jumysyn obektıvtik jáne naqty baǵalaý bir jylǵy másele emes. Ár muǵalim ony óz betinshe sheshedi. Kóbi búginde barlyq álemdik tájirıbede keńinen tanymal testileý ádisin qoldanady. Qazirgi tájirıbede qazaq tili sabaǵynda testileý ádisi tıimdi ári paıdaly, naqty pedagogıkalyq ólsheminiń biri bolyp tur. Naqty jaǵdaıda mekteptiń oqý baǵdarlamasy, ár modýl ózine saı test tapsyrmalarmen qamtylǵan.
Test ádisin qoldaný bilim sapasyn baqylaýǵa, damytýǵa, uıymdastyrýǵa, boljaýǵa, tárbıeleýge kóp kómegin tıgizýde. Modýldik testileý jumysy óziniń tıimdi ekenin árqashan dáleldeýde.
Óz oqýshylarymnyń bilim deńgeıin tekserý barysynda ártúrli jumys túrlerin qoldanamyn. Sonyń biri - testileý ádisi. Test arqyly baqylaý barysynda meni qyzyqtyrǵany: bilim sapasyn shuǵyl bilý, qatelerdi dereý túzeý, eskertýlerdi túzeý. Iaǵnı, bul muǵalimge artyq ýaqytsyz oqýshylardyń bilim dárejesin tez tekserýge kómektesedi. Testileýdiń taǵy bir tıimdi jaǵy - barlyq oqýshylar bir deńgeıde jumys isteıdi. Test ádisin qoldaný oqýshynyń bilim deńgeıin kórsete otyryp, muǵalimniń jumysynyń nátıjesin de kórsetedi. Oqýshylar óz bilim deńgeıin kóre alady, ózine ózi baqylaý jasaı alady. Ata - analar óz balalarynyń bilimin baqylaı alady.
Test tapsyrmalaryn qurý barysynda ártúrli sala, ártúrli baǵdarlama, ártúrli taqyryptar qamtylady. Bul óz tarapynda oqýshynyń bilim deńgeıin anyqtaı otyryp, naqty tapsyrmalar berýge kómegin tıgizedi. Mysaly: ártúrli erejelerdi bilý, ártúrli bilim salasy boıynsha oqýshylardyń deńgeıin anyqtaý, baǵdarlamalyq materıaldardy qamtýyn baqylaý, este saqtaý jáne qoldaný barysyn baqylaýǵa bolady.
• Erkin mazmundaý tapsyrmasy, jaýaptaryna shekteý qoıylmaıdy, biraq naqty jaýap berý talap etiledi.(sóz tirkesi, frazalar, sóılemderdi kóshirip jazý túrinde)
• Álternatıvti jaýap berýdi negizgi tapsyrmasy eki nusqaly jaýaptan turady (ıá - joq, durys - durys emes) jáne qıyn erejeler men anyqtamalardy meńgergen deńgeıin tekseredi. Bul tapsyrmalar mynany anyqtaýǵa qoldanylady, naqty faktilerdi bilýin, túsinigi qalyptasady, sebebin anyqtaıdy.
• Kóp nusqaýly jaýaptyq tapsyrmasy. Oqýshy ózi durys degen jaýapty belgileıdi, tańdaıdy. Kóp tańdaýly test tapsyrmalaryn men birqatar naqty kórsetkishterdi baqylaýǵa sonymen qatar kompleksti bilimdi meńgerýdi tekserýge qoldanamyn. Tapsyrmanyń bul túri ózimniń qurǵan tapsyrmalarymnan jáne jaýaptardan turady (eń durysy4 - 5 jaýaptan bolǵany). Oqýshy ózi durys degen jaýabyn tańdaıdy.
• Kelesi túriniń tapsyrmasy birinshi kestedegi suraqtarǵa kesteniń ekinshi bóligi arqyly sáıkes jaýaptar tabý. Bul testileýdiń negizgi maqsaty oqýshylardyń úlken taqyryptar boıynsha gramatıkalyq bilim deńgeılerin anyqtaý.
Men óz jumysymnyń barysynda testileýdiń úsh túrin qoldanamyn.
Kirispe test bul túrin jańa taqyryptardy meńgertýdiń alǵashqy satysynda qoldanamyn. Test ótkizip, neni naqtyly mindetter qoıýǵa úlken kómegin tıgizedi. Kelesi jańa taqyrypta osy máselelerge kóp toqtalýǵa tyrysamyn.
Aralyq test - túrin men kólemdi taqyrypty meńgergennen keıin qoldanamyn. Negizgi maqsaty oqýshylardyń erejelerdi, anyqtama, algorıtmderdi qalaı meńgergenin tekserý.
Jan - jaqty shyǵarmashylyq jumys qaıtalap tekserý nátıjesinde ǵana úlken nátıje kórsete alady.
Testileýdiń úshinshi túri - baqylaý testi. Osy baqylaý testin túrin bir taraý boıynsha ótken taqyrypqa baılanysty túrli test tapsyrmalar arqyly, oqýshylardyń bilimin tekseremin. Testileýdiń bul túrine teorıalyq materıaldardy qamtıtyn suraqtardy da kirgizemin.
Testileýdi jeke oqýshylarǵa jáne toptyq, juptyq jumys retinde de qoldanamyn. Test tapsyrmalar oqýshylardyń pánge degen qyzyǵýshylyǵyn arttyrady. Testileý oqýshylardy ózin - ózi baqylaýǵa, pikir almasýǵa, qorytyndy jasaýǵa, nátıje shyǵara bilýge úıretedi.