InfoHub Logo

Bilim berý salasy: Áleýmettik orta
Uıymdastyrylǵan oqý is - áreket túri: Aınalamen tanystyrý

Taqyryby: «Naýryz keldi, naýryz kóje ákeldi»
Maqsaty: Naýryz merekesi týraly túsinik berý. Ulystyń uly kúni - Naýryz merekesiniń erekshelikterimen, kóktem mezgiliń tamasha ǵajaıyptarymen tanystyryp, naýryz merekesinde oqylatyn óleń, taqpaq, batany bala boıyna sińirý, sózdik qoryn damytý. Ultymyzdyń ata - babamyzdan kele jatqan dástúri naýryz kóje týraly túsinik berip, daıyndaý jolyn kórsete otyryp uǵyndyrý. Osy taqyryp arqyly ulttyq merekemizge degen bala qushtarlyǵyn oıatý.
Uıymdastyrylǵan oqý is - áreketiniń ádis - tásilderi: psıhotrenıng, oı qozǵaý, túsindirý, kórsetý, suraq – jaýap, sergitý sáti, án aıtý, taqpaq oqý.
Qajetti kórnekiligi: kıiz úı, altybaqan, jaýqazyn gúlderi, ulttyq kıim, qazan oshaq, naýryz kóje.
Uıymdastyrylǵan oqý is - áreket túri: Dástúrli emes
Uıymdastyrylǵan oqý is - áreket tıpi: jańa bilimdi meńgertý
Aldyn - ala júrgiziletin jumys: Taqpaq, án, jattaý

Motıvasıalyq qozǵaýshy
Zal ishi Naýryz merekesine laıyqtap bezendirilgen. Fonda Qurmanǵazynyń «Saryarqa» kúıi oryndalyp turady.
Naýryz merekesine kelgen qonaqtar, balalarmen amandasady. Osy kezde «abysyndy kelindi» Mıra men Janat:
- Amansyzdar ma?
- Tórletińizder!
- Naýryz merekesi qutty bolsyn!
- Ulys oń bolsyn! – deı júrip shashý shashady.
Tárbıeshi: Búgin Naýryz toıyn tamashalaýǵa kelgen qalyń qaýym! Sizder Áıteke bı aýylyna qosh keldińizder! Jer álemdi jaınatyp, ánshi qustardy saıratyp, Naýryz toıyn toılatyp, Ulystyń uly kúni keldi aǵaıyn!
Sahnadan: Ár kóktem saıyn búkil halqymyzdyń asyǵa kútetin meıramy – Ulystyń uly kúni - Naýryz toıyn; kún men tún teńelip qasıetti Jer – Ana qysqy uıqydan kózin ashyp, tabıǵattyń búrshik atýyn ulyqtaǵan mereke.
Ýa, jarandar, kelińder!
Toı qyzyǵyn kórińder!
Naýryz toıǵa bas ıip,
Kúnge sálem berińder!
(Kúnge táý etý)

Armysyzdar qaıyrymdy Kún – Ana!
Atqan tań men shyqqan kúnge táý - táý.
Basymyzǵa amandyq,
Dastarhanymyzǵa bereke daryta kór!
Táý - táý!

Al, biz Naýryz merekesi týraly ne bilemiz?
Aqgúl:
Hosh keldińiz Naýryzym ardaqty,
Halqym saǵan bar úmitin arnapty.
Jylda osylaı kele bergiń jasaryp,
Gúlge bólep nurǵa bólep aımaqty.
Nurdáýlet:

Ata - babam toılaǵan,
Naýryzym armysyń!
Qyzyǵyna toımaǵan,
Darhan dala, qarly shyń!
İńkár:
Armysyń, Naýryz!
Qýanysh bop kir, tórlet!
El bolyp saǵan,
Kórsetip jatyr syı – qurmet.
Danıar:
Jyl basy - Naýryz mereke,
Aq nurǵa álem boıandy.
Naýryz toıy bereke,
Tirshilik tańy oıandy.
- Rahmet balalar! Biz qandaı mereke týraly taqpaqtar oqydyq?(nemese biz oqyǵan taqpaqtar qandaı merekege arnalǵan
- Naýryz merekesine arnalǵan.
- Kıiz úı tigiledi, qazaqsha oıý - órnektelgen kıim kıedi, kúres oıyn bolady, qydyramyz.
Endeshe oıymyzdy jınaqtaý úshin, bir sát teledıdarǵa nazar aýdaraıyq.
(naýryz merekesi beınelengen sújet)
Mine, balalar ózderiń aıtqandaı Naýryz merekesi degende bizdiń kóz aldymyzǵa kıiz úı, qazaqy naqyshpen tigilgen kıimder, oıý - órnek t. b elesteıdi eken.
«Naýryz» sózi «Jańa kún» degen maǵynany bildiredi. Káne., qaıtalaıyqshy. Kún men tún teńeldi. Naýryz toıyn «Ulystyń uly kúni»dep te ataǵan. Bunda «Ulys» sózi «el, memleket» degen túsinik beredi. Dál osy kúni barlyq adamdar ústerine eń ádemi, jaqsy kıimderin kıipúlken qýanyshpen qarsy alǵan. Sonymen birge naýryz merekesi kúni dastarhanymyz taǵy bir ulttyq taǵammen tolady eken.
(osy kezde qolyna bir shoq «Naýryzek»gúlin ustaǵan Ásel kiredi.)