InfoHub Logo

Nursultan Nazarbaev Astanada 2017 jylǵy 28-shi Búkilálemdik Ýnıversıada oıyndarynyń alǵashqy alaýyn jaqty dep habarlaıdy nur.kz portaly.

Ýnıversıada alaýynyń alǵashqy estafetasy Astanadaǵy Nazarbaev Ýnıversıtetinen bastaldy.

"Bizdiń elimizdiń táýelsizdik jyldarynda jetken jeńisi aıtarlyqtaı boldy. Qazaqstanda mundaı aýqymdy álemdik saıystar buryn-sońdy ótkizilmegen. Kez kelgen memlekettiń buǵan shamasy kele bermeıtini belgili. Alaıda, tańdaý Qazaqstanǵa tústi. Sondyqtan bizdiń daıyndyǵymyz bar ekenine jáne bul sharany abyroımen alyp shyǵatynymyzǵa senemin", - deıdi Nazarbaev alaý jaǵý saltanatynda.

Nazarbaev sonymen birge Ýnıversıadanyń Qazaqstanda ótkizilýiniń paıdasyn aıtty.

"Biz ótkizip jatqan jarys birinshiden jastardy sportqa baýlıtyn bolady. Ekinshiden osy jarys úshin salynǵan barlyq nysandar bolashaqta bizdiń sportshylarǵa qyzmet etedi. Úshinshiden biz elimizdi álemge taǵy bir márte tanytamyz", - dep atap ótti elbasy.

Alaý jaǵylǵannan keıin shyraq 3,5 saǵat boıy Astanany "jaryqtandyryp" turady. Shyraqty ustap júrýshiler onymen qalanyń ortalyq kóshelerin aralaýda.

Aldymen alaý Nazarbaev Ýnıversıtetinen «Báıterek» monýmentine jetkiziledi. Keıin "Báıterekten" oń jaǵalaýdaǵy qalalyq ákimdikke jol tartady. Estafetanyń uzyndyǵy 12 shaqyrym bolmaq.

Alaýdy barlyǵy 60 adam alyp júredi. Olardyń arasynda boksshy Danıar Eleýsinov pen Vasılıı Levıt, gir kóterý sportynyń sheberi Álibek Naýryzbaıuly, jıý-jıtsýdan álem chempıony Móldir Mekenbaeva men shahmatshy qyz Dınara Sádýaqasova bar.

Erteń, 26 qańtardan bastap alaý birtindep Qazaqstannyń ózge de qalalaryn "jaryqtandyrady".  Ár qalada shyraq jaǵylyp, estafeta jalǵasatyn bolady.

Shyraqty Almatyǵa arnaıy jolaýshylar ushaǵy jetkizip, 29 qańtar kúni ol Ýnıversıadanyń ashylý saltanatynda ortaq alaý ydysyna biriktiriledi.

Ýnıversıada alaýy 22 500 shary metr jermen ótetin bolady. Onyń ishinde 200 shaqyrym jerdi shyraq ustaýshylar baǵyndyrmaq.

---