InfoHub Logo

1917 jyldyń umytpasam, mart aıy. Ol kezde qojaıyndar jer ústine shyǵarylǵan kómirden jumysshylardyń kómir alyp jaǵýyna ruqsat etpeıtin. Árkim ózi shahta ishinen arqalap alyp shyǵýy kerek. Sondyqtan shahta astynda jumys istemeıtin jumysshylar qyrdaǵy kómirden urlap jaǵady.

Aty esime túspeı otyr, bir usta bar edi. Kóktaısha degen ustamen birge jumys isteıtin. Kúldibaı ma eken? Áıteýir áleýmetti jigit edi.

Sol bir kúni jaǵaıyn dese úıinde otyny joq. Shahta basyna barady da, kómirdiń bir úlken kesegin ıyǵyna qondyryp alyp kele jatady ǵoı.   Aldynan qojaıynnyń ıtarshylarynyń bireýi shyǵa keledi de, ony kórip qalady. Baıqaýsyz ótip bara jatqan kisiniń tizesinen álgi sum taıaqpen berip jiberedi. Óziniń arqalap ákele jatqan kómiri aıaǵyna túsip, sodan álgi jigit aqsaq boldy. Jerge túsken kómiri eki jarylyp túsken eken.  
Erteńinde áleýetti jigitter álgi kómirdiń synyǵynyń ózin ornynan qozǵalta almady. Jurttyń aıtýyna qaraǵanda, álgi kómirdiń aýyrlyǵy 9 puttaı edi deıdi. Ne degen kúsh deseıshi! Bir jarym sentnerdi arqalap júrgen.

Sol jyly Qaraǵandyda jumysshylar soveti quryldy. Bastyǵy Nıkıtın degen orys boldy. Jigit-aq edi. Nıkıtın bastyq bolǵannan keıin bastyǵy Kúldibaıdy aıaǵynan uryp qulatyp júrgen Qara Ivan deıtin orystan qunyn áperdi.

---