- Ne jetpeıdi?
Qulpyrǵan mańaıyń gúl,-
Dep maǵan,
Yrza bolmaı, aǵaıyn júr.
Janym barda, boıymda qanym barda,
Jyrymnan jan ashýyn alaıyn bir.
Bári de bar...
Basymda bári de bar.
Jan emespin jarymjan dárige zar.
Jetpeıtini - júrektiń áni bolar,
Baqyt, baqtyń tarydaı dáni bolar...
Qalǵanynyń bári bar bir basymda,
Áli talaı jaraımyn qyrdy asýǵa.
Jetpeıtini - dosym az syrlasýǵa,
Ómirim az, jetpeıdi bir ǵasyrǵa.
Kúrsingenim bolmasa anda-sanda,
Kóz jasymdy qaqym joq kól jasaýǵa.
Azdyǵy da ǵumyrdyń alańdatpas,
Mindetti emes aqyndar kóp jasaýǵa.
Kim aıyptap, syrtynan kim kúledi,
Sodan bolar jyrdyń da júnjigeni.
Adam jyrlap turǵanda, zaman jyrlap,
Keregim de joq shyǵar kim biledi?!

---